Polisdən narkotik əməliyyatı - 40 kiloqramdan artıq heroin və metamfetamini aşkarlandı (VİDEO)
2-08-2021, 19:55
54

Polisdən narkotik əməliyyatı - 40 kiloqramdan artıq heroin və metamfetamini aşkarlandı (VİDEO)

Daxili İşlər Nazirliyi Baş Narkotiklərlə Mübarizə İdarəsinin əməkdaşları tərəfindən külli miqdarda narkotik vasitə və psixotrop maddələrin qaçaqmalçılıq yolu ilə ölkə ərazisinə gətirilərək realizə olunmasının qarşısı alınıb.
DİN-in mətbuat xidmətindən verilən məlumata görə, Baş İdarənin Cənub Bölgəsində Regional Şöbəsinin əməkdaşlarının Yardımlı rayonunda həyata keçirdikləri əməliyyat nəticəsində rayonun Avaş kənd sakini Rahil İmanov narkotik vasitələrin qanunsuz dövriyyəsi ilə məşğul olmaqda şübhəli bilindiyi üçün saxlanılıb. Araşdırma zamanı onun qaçaqmalçılıq yolu ilə ölkə ərazisinə gətirilən külli miqdarda heroni Şirvan şəhərində anbar kimi istifadə etdiyi evdə gizlətdiyi müəyyən edilib. Polislər tərəfindən həmin mənzilə baxış zamanı ümumi çəkisi 20 kiloqram 675 qram olan heroin, elektron tərəzi, narkotik vasitələrin satışından əldə olunan pul vəsaitləri və 1 ədəd mobil telefon aşkar edilib. Rahil İmanov ifadəsində qeyd edib ki, aşkarlanan külli miqdarda heroinin Şirvan şəhəri və ətraf rayonlarda satışını həyata keçirməli imiş. O, narkotik vasitələrin satışından əldə olunan pul vəsaitini isə heroini aldığı xarici ölkə vətəndaşına onlayn yolla göndərməli imiş,
Baş İdarə əməkdaşlarının Sabunçu rayonunda həyata keçirdikləri əməliyyat zamanı isə paytaxt sakini Təhmin Rzaxanov saxlanılıb. Onun üzərindən 94 qram heroin, yaşadığı evdən isə 1 kiloqram tiryək, 4 kiloqram 930 qram heroin, 3 kiloqram marixuana və 50 ədəd yaş çəkisi 7 kiloqram 105 qram olan çətənə kolu aşkar edilib. Saxlanılan şəxs narkotik vasitələri satmaq məqsədi ilə əldə etdiyini bildirib.
Baş İdarə əməkdaşlarının Masallı rayonunda həyata keçirdikləri növbəti əməliyyat zamanı isə rayon sakini Sahil Məmmədli və paytaxt sakini Tural Rəhimov saxlanılıblar. Bu şəxslərin üzərindən ümumilikdə 9 qrama yaxın heroin, Masallı rayonunda gecələmək üçün müvəqqəti qaldıqları ünvana baxış zamanı isə əlavə 6 kiloqram 490 qram heroin və 2 kiloqram 550 qram tiryək aşkar edilib. Onlar ifadələrində külli miqdarda narkotik vasitəni sosial şəbəkələrdə tanış olduqları xarici ölkə vətəndaşından əldə etdiklərini bildiriblər. Həmin şəxs isə heroin və tiryəki qaçaqmalçılıq yolu ilə naməlum şəxslərin köməkliyi ilə ölkə ərazisinə keçirərək əvvəlcədən müəyyən edilən yerdə Sahil Məmmədli və Tural Rəhimova təhvil veriblər.
Baş İdarənin Cənub Bölgəsində Regional Şöbəsinin əməkdaşlarının Lerik rayonunda həyata keçirdikləri əməliyyat zamanı isə əvvəllər məhkum olunmuş rayon sakini psixotrop maddələrin satışında şübhəli bilinən Qədir İmanov saxlanılıb. Onun üzərinə baxış zamanı 5 qrama yaxın psixotrop maddə olan metamfetamin və 1 ədəd elektron tərəzi aşkar edilib. Qədir İmanov ifadəsində matemfetamini tanışı Lənkəran şəhər sakini Eduard adlı şəxsdən aldığını bildirib. Baş İdarə əməkdaşları tərəfindən Lənkəran şəhər sakini əvvəllər məhkum olunmuş Eduard Rəfiyev də saxlanılaraq istintaqa təqdim edilib. Onun üzərinə baxış zamnaı 1 kiloqram 315 qram heroin, 257 qram metamfetamin, 20 ədəd psixotrop tərkibli metadon həbi və 2 ədəd elektron tərəzi aşkar edilib. Eduardr Rəfiyev tanışı Qədir İmanova narkotik vasitələri satdığını, Lənkəran şəhəri və ətraf rayonlarda bu işlə məşğul olduğunu etiraf edib.
Sonuncu əməliyyatlar zamanı Baş İdarənin əməkdaşları tərəfindən ümumilikdə 40 kiloqramdan artıq narkotik vasitə və psixotrop maddə qanunsuz dövriyyədən çıxarılıb.
Faktlarla bağlı Cinayət Məcəlləsinin müvafiq maddələri ilə cinayət işləri başlanılıb və adları sadalanan şəxslərin hər biri tutularaq istintaqa cəlb olunublar. Zəruri istintaq-əməliyyat tədbirləri davam etdirilir.

Oxşar xəbərlər

Bakıda onlayn narkotik satanlar həbs edildi - VİDEO
Polis əməliyyat keçirdi - Saxlanılanlar var + VİDEO
Polis əməliyyat keçirdi - saxlanılanlar var
ƏMƏLİYYAT - 11 nəfər SAXLANILDI - VİDEO
17 kiloqramdan çox narkotiki onlayn yolla satmaq istədilər
İrandan Azərbaycana 10 milyon manatlıq narkotik gətirən şəxslər saxlanılıb
Polis əməliyyat keçirdi - Video
Polisdən ƏMƏLİYYAT: SAXLANILAN VAR
DİN-dən ƏMƏLİYYAT: Saxlanılanlar var - VİDEO
DİN-dən ƏMƏLİYYAT: Narkotik satışı ilə məşğul olanlar saxlanıldı - VİDEO
DİN-dən ƏMƏLİYYAT: Saxlanılanlar var - VİDEO
Narkotik satışı ilə məşğul olan 4 nəfər tutuldu
Bakı sakinindən narkotik götürüldü
Son 6 gündə 110 kq-a yaxın narkotik dövriyyədən ÇIXARILIB
Lənkəran sakinindən narkotik götürüldü
İrandan gələn şəxslərdə narkotik vasitələr aşkar edildi
Bakıda daha bir narkotacir saxlanıldı
DİN əməliyyat keçirdi - Külli miqdarda narkotik aşkarlandı
Polisdən narkotik əməliyyatı - 25 kq...
Narkotik vasitə və psixotrop maddə dövriyyədən çıxarılıb
Bərdə sakinindən 8 kq-dan artıq narkotik götürüldü - FOTO
Biləsuvarda 25 kiloqramdan artıq narkotik vasitə, psixatrop maddə və həblər aşkar edildi
DİN-dən ƏMƏLİYYAT: 75 kq narkotik vasitə aşkarlandı
Lənkəranda “patı” əməliyyatı - 16 nəfər saxlanıldı
Narkotik satan ana-bala saxlanıldı - VİDEO
DTX əməliyyat keçirdi - həbs olunanlar var (VİDEO)
Polisdən “patı” əməliyyatı - 6 nəfər saxlanılıb - FOTO
Lənkəranda narkotacir tutuldu
Lənkəran sakini külli miqdarda narkotiklə tutuldu
DİN əməliyyat keçirdi - Video