Bu gecə Türkiyədə qətlə yetirilən “qanuni oğru” Nadir Səlifov (Lotu Quli) Azərbaycan mediası üçün həmişə maraqlı olub.
O, böyük kriminal savaşlarda hər zaman qalib çıxmağı bacarmışdı. Amma bu dəfə bu alınmadı və avtoritet öz yaxını tərəfindən güllələndi.
Gündəlik Bakı bildirir ki, Lotu Qulinin 2005-ci ilin oktyabr ayının 14-də bəraət aldığı məhkəmə zamanı etdiyi çıxış ritorikasına görə kriminal dünyada ən yaxşı nitqlərdən biri hesab edilir. Onun həmin çıxışından bir hissəni təqdim edirik:
“Bu məhkəmə prosesinin qapalı keçməsinin əleyhinə olmuşam. Çünki mənim gizlədiləsi heç nəyim yoxdur və mən düzəm.
Mən bu gün Azərbaycanda yeganə ”qanuni oğru"yam ki, Azərbaycan türmələrindəki sözübütöv dustaqların və gənclərin taleyi mənim üçün əhəmiyyətsiz deyil. Bu ilin payızında mənim “zon”lara bütün növ narkotikdən istifadənin qadağan olunması barədə “proqonum” olub. Və hər şey də bundan sonra başlayıb...
Çünki mən həbsxanalarda narkotik satışında külli miqdarda pul əldə edənlərin biznesi üçün əngəl yaratmışam. Mən “qanuni oğru”yam və mənim üçün “oğru” şərəfi hər şeydən üstündür.
Mən siyasətlə məşğul deyiləm, mənim öz ideyam var: ədalət və təmizlik..."(Yeni Sabah)