Sabiq məktəb direktorunun işi məhkəməyə GÖNDƏRİLDİ
26-08-2020, 22:57
240

Sabiq məktəb direktorunun işi məhkəməyə GÖNDƏRİLDİ

Ölkəmizdə həyata keçirilən islahatlara kölgə salan vəzifəli şəxslər tərəfindən vəzifə səlahiyyətlərindən sui-istifadə edilərək qanun pozuntuları törədilməsi hallarına qarşı prokurorluq orqanlarının mübarizə tədbirləri davam etdirilir.
Gədəbəy rayon prokurorluğundan Gündəlik Bakıya verilən məlumata görə, həmin tədbirlərdən biri kimi, Gədəbəy rayonu, Çobankənd kənd orta məktəbinin sabiq direktoru Sahib Babayevin qanunsuz hərəkətləri barədə daxil olmuş müraciət əsasında Gədəbəy rayon prokurorluğunda araşdırma aparılıb.
Araşdırmalarla Sahib Babayevin 2017-2019-cu illər ərzində direktor işlədiyi məktəbin normal cari fəaliyyətinin təşkili və ona nəzarətin təmin olunması, fənlərə ayrılan saatların tədrisinə nəzarət, məktəbin fəaliyyəti ilə bağlı qərarların qəbul olunmasına bilavasitə rəhbərlik etmək səlahiyyətlərinə malik vəzifəli şəxs kimi xidməti vəzifələrinin icrası ilə əlaqədar özü və bir sıra müəllimlər üçün qanunsuz üstünlüklər əldə etmək məqsədilə öz qulluq səlahiyyətlərindən qulluq mənafeyinə qəsdən zidd olaraq istifadə edərək, etibar edilmiş xeyli miqdarda özgə əmlakını talamaq üçün faktiki olaraq tədris edilməmiş məşğələ saatlarını ayrı-ayrı müəllimlərin adlarına tarifləşdirərək onların əməkhaqqı kartlarına köçürülmüş ümumilikdə 12 min 445 manat məbləğində pulu mənimsəməsinə əsaslı şübhələr müəyyən edilib.
Həmçinin, Sahib Babayevin 17 iyul 2019-cu il tarixdə etibarnamə əsasında idarə etdiyi avtomobillə Gədəbəy-Novo Saratovka avtomobil yolu ilə Gədəbəy şəhəri istiqamətində hərəkətdə olarkən yol hərəkəti və nəqliyyat vasitələrinin istismarı qaydalarını pozması nəticəsində əks tərəfdə hərəkətdə olan Nəriman Quliyevin idarə etdiyi avtomobilin hərəkət yoluna çıxmaqla toqquşması və nəticədə sürücü Nəriman Quliyevin ehtiyatsızlıqdan ölümünə səbəb olmasına şübhələr üçün əsaslar müəyyən edilib.
Qeyd edilən faktlarla bağlı Gədəbəy rayon prokurorluğunda Cinayət Məcəlləsinin 179.2.3 (şəxs tərəfindən öz qulluq mövqeyindən istifadə etməklə mənimsəmə və israf etmə), 179.2.4 (xeyli miqdarda ziyan vurmaqla mənimsəmə və israf etmə), 308.1 (vəzifə səlahiyyətlərindən sui-istifadə) və 263.2-ci (yol hərəkəti və nəqliyyat vasitələrinin istismarı qaydalarını pozma, ehtiyatsızlıqdan zərərçəkmiş şəxsin ölümünə səbəb olduqda) maddələri ilə cinayət işi başlanaraq istintaq olunub.
Toplanmış sübutlara əsasən Sahib Babayevə Cinayət Məcəlləsinin həmin maddələri ilə yekun ittiham elan edilmiş, cinayət işi üzrə istintaq yekunlaşdırılmaqla baxılması üçün aidiyyəti üzrə Gədəbəy rayon məhkəməsinə göndərilib.

Oxşar xəbərlər

Bələdiyyə sədrinə cinayət işi açıldı
Daha bir sabiq məmura cinayət işi açıldı
Baş Prokurorluğun sabiq əməkdaşının cinayət işi məhkəməyə göndərildi
Vəzifəli şəxsin cinayət işi məhkəməyə göndərildi
Məktəb direktorundan qanunsuzluq: məktəbin təmirini müəllimlərə etdirir — Səs yazısı
Daha bir vəzifəli şəxs rüşvət alarkən tutuldu - RƏSMİ
Bələdiyyə sədri barəsində cinayət işi BAŞLANDI
Azərbaycanda vəzifəli şəxslərin qanunsuz əməlləri ifşa edildi - RƏSMİ
Azərbaycanda nazirliyin sabiq əməkdaşı həbs edildi
Bələdiyyə sədrinə cinayət işi başlanıldı
Azərbaycanda pensiya və müavinətləri "yeyən" MƏMUR TUTULDU
Bələdiyyənin sabiq sədrinə cinayət işi açılıb
Daha bir şirkət rəhbərinin korrupsiya əməlləri İFŞA EDİLDİ
Məhkəmə həbsdə olan sabiq icra başçısı barədə qərar verdi - Yenilənib
Baş Prokurorluq: KİVDF-də qanunsuzluqlarla bağlı 4 maddə ilə cinayət başlanıb
Gəncə təhsilində nələr baş verir? - İDDİA
Daha bir neçə vəzifəli şəxs rüşvətə görə həbs edildi
Bakıda məktəb direktoruna cinayət işi açıldı - Korrupsiya
Kürdəmir icra başçısı Ceyhun Cəfərovun aldığı rüşvətlər açıqlandı
Nazir müəllimlərdən pul yığan direktoru işdən çıxardı
Bakıda külli miqdarda pul mənimsəyən şirkət rəhbəri həbs edilib
Azərbaycanda iki milyon manatlıq mənimsəmə: Vəzifəli şəxsə cinayət işi açıldı - RƏSMİ
İcra başçısı və vəzifəli şəxslərin həbs müddəti uzadılır
“Neolit”in ərazisində ağacların məhv edilməsi faktı ilə bağlı cinayət işi başlanıb
Rüşvət alan iki vəzifəli şəxs həbs edilib - Rəsmi
Bu gün Vilyam Hacıyevin şikayətinə baxılacaq
Daha altı rayonda vəzifəli şəxslər barəsində cinayət işi başlanıldı
DTX generalı belə saxlayıb - VİDEO
Daha bir vəzifəli şəxsin işi məhkəməyə göndərildi