Ötən il Bakıda 32 yaşlı gəlini Banı Məhərrəmovanı xüsusi amansızlıqla qətlə yetirib meyitini zibil yeşiklərinə atan qayınatası İdris Məhərrəmovun ilkin istintaqa verdiyi ifadəsi yayımlanıb.
Istintaq gedişində hadisə yerində ifadənin yoxlanılması zamanı çəkilən videogörüntülər ARB telekanalında yayımlanıb.
İ.Məhərrəmov ifadəsində dəhşətli qətlin təfərrüatını danışıb. O gəlinini necə doğradığını maneken üzərində detallı formada göstərərək izah edib. Bildirib ki, cəsəd sellofan torbalara yerləşmədiyindən onu daha çox hissəyə parçalayıb. Qayınata deyib ki, öləndən sonra gəlininin üz dərisini də soyub.