Almaniyanın Solinqen şəhərində bir mənzildə meyitləri tapılan 5 uşağın qatili məlum olub.

Araşdırmalar nəticəsində məlum olub ki, uşaqların anası övladlarına narkotik maddə verdikdən sonra onları boğaraq öldürüb. Bir, iki, üç, altı və səkkiz yaşlarında olan uşaqların faciəvi şəkildə qətlə yetirilməsi ölkədə etirazla qarşılanıb. Hadisəylə bağlı artıq qadın həbs edilib.  

Qadın övladlarını qətlə yetirdikdən sonra intihara cəhd etsə də, bunun qarşısı alınıb. Polisə isə uşaqların nənəsi xəbər verib və qızının övladlarını öldürdüyünü bildirib.