Şəmkir rayonunun Əliyaqublu kəndində ümumi sahəsi 100 m² olan kürsülü, birmərtəbəli evin yanar konstruksiyaları və içərisindəki ev əşyaları yanıb.
Fövqəladə Hallar Nazirliyindən verilən məlumata görə, yanğın yerinin kəşfiyyatı zamanı 1967-ci il təvəllüdlü Məmmədova Cəmilə İsmayıl qızının meyiti yanğınsöndürənlər tərəfindən aşkar edilərək aidiyyəti üzrə təhvil verilib.
Yaxınlıqdakı tikililər yanğından mühafizə olunub. Yanğın yanğından mühafizə bölmələri tərəfindən söndürülüb.
Hadisə ilə əlaqədar müvafiq qurumlar tərəfindən təhqiqat aparılır.
***
22:43
Şəmkirdə yanğın hadisəsi baş verib.
Hadisə rayonun Əliyaqublu kəndində qeydə alınıb. Kənd sakini Cəmilə Məmmədovaya məxsus evdə anidən yanğın  başlayıb. Dərhal hadisə yerinə FHN-nin yanğınsöndürən avtomobili və canlı qüvvəsi cəlb olunub. Yanğın zamanı  hadisə yerində ev sahibinin meyti aşkarlanıb.
Hadisənin baş vermə səbəbləri araşdırılır.