Pakistanın Hayber-Paxtunxva əyalətində “çinçi” adlanan üçtəkərli mikroavtobusun kanala düşməsi nəticəsində uşaqlar da daxil olmaqla, 20 nəfər həyatını itirib.
Gündəlik Bakı xarici mətbuata istinadla xəbər verir ki, faciə qurbanı olan şəxslər toydan qayıdırmış.
Səlahiyyətlilər bildirib ki, Paroa qəsəbəsi yaxınlığında meydana gələn qəzadan üç nəfər xilas edilib. Sərnişinlərin əksəriyyəti uşaq olub.
İtkin düşən dörd nəfərin axtarış-xilasetmə işləri davam edir.