Hökumətin antiböhran proqramı və ya sosial dövlətin Azərbaycan modeli -
18-04-2020, 16:00
304

Hökumətin antiböhran proqramı və ya sosial dövlətin Azərbaycan modeli -

Sosial dövlət – milli sərvətlərin və milli gəlirin sosial ədalət prinsiplərinə görə düzgün bölünməsinə, bütün vətəndaşların rifahının yaxşılaşdırılmasına və sosial təbəqələşmənin qarşısının alınmasına yönələn dövlət modelinə deyilir.

Koronavirus pandemiyası ilə əlaqədar dərinləşən qlobal iqtisadi böhranın ölkəmizə təsirlərinin minimuma endirilməsi üçün Prezident İlham Əliyevin tapşırığı ilə hökumət bir sıra qabaqlayıcı tədbirlər görür.

Dövlət başçısının 19 mart 2020-ci il tarixli Sərəncamının icrası ilə bağlı təsdiqlənmiş Tədbirlər Planında məşğulluğa və sosial rifaha dəstək məqsədilə 4 istiqamət üzrə 10 tədbir əksini tapıb. 17 apreldə Azərbaycan Respublikasının Prezidenti tərəfindən elan edilən yeni dəstək tədbirləri ilə 2,5 milyon vətəndaşı əhatə edən məşğulluq və sosial rifah istiqamətinə 600 milyon manat vəsait ayrılıb.

İş yerlərinin və əməkhaqlarının qorunması

Dövlət və qeyri-dövlət sektoru üzrə iş yerlərinin və işçilərin əməkhaqqı gəlirlərinin qorunması üçün məqsədyönlü işlər aparılıb. Elektron sistem üzərindən gündəlik nəzarət həyata keçirilib. Əhatə dairəsi: 1 milyon 629 min işçi (o cümlədən, dövlət sektoru üzrə 910 min, özəl sektor üzrə 719 min)

Əmək müqavilələrinin sayında isə azalma deyil, əksinə, artım baş verib. Statistikaya görə, vətəndaşların daimi iş yerləri ilə bağladıqları əmək müqavilələrinin sayı 1 yanvar – 1 aprel aralığında 77 min; 1 aprel – 17 aprel aralığında isə 55 min artıb.

300 min muzdlu işçinin əmək haqlarının bir hissəsi dövlət hesabına maliyyələşdirilir və təqribən 300 min fərdi sahibkara maliyyə dəstəyi verilir. Bu haqda İqtisadiyyat Nazirliyinin hesabatında ölkə başçısına və ictimaiyyətə ətraflı məlumat verilib.

Əhalinin məşğulluq imkanlarının artırılması

Məşğulluq orqanlarının fəaliyyəti gücləndirilib. DOST İş Mərkəzi vasitəsi ilə aprel-may ayları üzrə 50 min ödənişli ictimai iş yerlərinin yaradılmasına başlanılıb. Bunun üçün 30 milyon manat vəsait ayrılıb. Artıq 5 min şəxs işə cəlb edilib. Ümumilikdə ictimai iş yerlərinin sayı 90 minə çatıb. Xüsusi karantin rejimi başlayanadək 38 min şəxs bu işlərə cəlb edilib və hazırda da işləməyə davam edirlər.

Həmçinin, işsizlər və xüsusi karantin rejiminə görə işini itirən qeyri-formal işləyən şəxslər də dövlətimizin pandemiya ilə əlaqədar qəbul etdiyi sosial proqramdan yararlanacaqlar.

İşsizlər və xüsusi karantin rejiminə görə işini itirən qeyri-formal işləyən şəxslərə ölkə üzrə yaşayış minimumu səviyyəsində (190 manat) birdəfəlik ödəmə verilməsinə də başlanılıb. Azərbaycan Prezidentinin qərarı ilə birdəfəlik ödəmə 600 min şəxsə ödəniləcək. Bildirilir ki, birdəfəlik ödəmə aprel-may aylarını əhatə edəcək. Növbəti mərhələdə bu şəxslərin rəsmi məşğulluğunu təmin etmək üçün zəruri məlumatlar toplanacaq və uçot yaradılacaq. Aprelin 7-də təsdiq edilən qaydalar üzrə çox qısa müddət ərzində – 2 günə ödənişlərə başlanılıb. Ümumilikdə 9-17 apreldə 140 min işsiz üçün birdəfəlik ödəmə təmin edilib. Birdəfəlik ödəmə köçürülərkən, vətəndaşa bu barədə SMS göndərilir. Ödəniş bank filialları və ya poçt şöbələri vasitəsilə təmin edilir.

Bundan başqa, işsizlikdən sığorta ödənişlərinin əhatə dairəsi də genişləndiriləcək. Əmək müqaviləsinin müddəti bitmiş şəxslərə də işsizlikdən sığorta ödənişi şamil ediləcək. 2020-ci il üçün bu növ ödənişin 20 min nəfəri əhatə etməsi nəzərdə tutulur.

İşsizlikdən sığorta və peşə hazırlığı kurslarının müdavimlərinin sosial müdafiəsi

İşsizlikdən sığorta ödənişinin müddəti bitmiş işsiz şəxslərə sığorta ödənişinin, peşə hazırlığı prosesində fasilə yaranmış kursların müdavimlərinə təqaüdün verilməsi müddəti uzadılıb. 2 min nəfəri əhatə edən bu sosial tədbirə 600 min manat manat ayrılıb.

Özünüməşğulluq proqramının genişləndirilməsi və icrasının sürətləndirilməsi

– 2020-ci ildə 12 min ailənin özünüməşğulluq proqramına cəlb edilməsi işləri aparılır. Bunun üçün İşsizlikdən Sığorta Fondundan 70 milyon manat ayrılıb.

– Proqramın genişləndirilməsi ilə bağlı Heydər Əliyev Fondunun Regional İnkişaf İctimai Birliyi ilə əməkdaşlıq edilir (hər il 250 ailə).

– Banklarla da əməkdaşlıq həyata keçirlir. Aprelin 8-də banklar tərəfindən proqram iştirakçılarına aktivlər verilməsinə başlanıb.

– Dünya Bankı ilə layihəyə başlanır və hər il 5 min ailənin özünüməşğulluğu təmin ediləcək.

– BMT-nin İnkişaf Proqramı ilə birgə 500 əlilliyi olan şəxsin biznesə çıxışına dəstək verilir.

Xüsusi həssas təbəqələrin sosial müdafiə tədbirlərinin gücləndirilməsi

Dövlət Sosial Müdafiə Fondunun 2019-cu il üzrə yaranmış 200 mln. manat ehtiyatı əhaliyə sosial ödənişlərin davamlılığının təmin edilməsinə yönəldilib. Bu ödənişləri (pensiya, müavinət təqaüd və s.) 2,3 milyon şəxs alır. Aprelin 8-15-də respublika üzrə aprel ayı üçün pensiyalar tam ödənilib. Ayın 20-21-də müavinət, təqaüd və kompensasiya, ayın 28-də isə ünvanlı dövlət sosial yardımlarının ödənişi başlayacaq.

Bundan əlavə ünvanlı dövlət sosial yardımının verilməsi müddəti uzadılıb və təyinatı sadələşdirilib. Xüsusi karantin rejimi müddətində ünvanlı dövlət sosial yardımının təyin olunma müddəti bitən aztəminatlı ailələrə də bu yardımın verilməsi karantin rejimi başa çatdığı tarixdən sonrakı ayın 1-dək uzadılıb. Bunun üçün əlavə 3 milyon manat ayrılıb. Məlumata görə, aprelin 1-dən ünvanlı sosial yardım alanların sayı 10 min ailəyə qədər artıb. Ümumilikdə 80 min ailənin 330 min üzvü ünvanlı sosial yardım proqramı ilə əhatə olunur. Hər ailəyə düşən yardımın məbləği isə 222 manatdır.

Tənha yaşayan yaşlı vətəndaşlara göstərilən sosial xidmətlər

Yaşı 65-dən yuxarı tənha şəxslərə evlərində sosial xidmətlərin göstərilməsi və xüsusi qayğıya ehtiyacı olan şəxslərə sosial xidmət müəssisələrində xidmət göstərilməsi işləri aparılır. 15 000-dən çox tənha yaşlıya sosial xidmətlər göstərilir. Sosial tərəfdaşlar vasitəsilə artıq 17 minədək ərzaq payı tənha və əlilliyi olan şəxslərə verilib. Bu proses davam edir. Hazırda 9 sosial xidmət müəssisəsində 1000-dən çox şəxs stasionar şəraitdə sosial xidmətlərlə təmin olunur.

Digər dəstək tədbirləri

2020-ci il martın 1-dən etibarən əlillik müddəti başa çatan, əlilliyi olan şəxslərin, o cümlədən sağlamlıq imkanları məhdud uşaqların əlillik müddəti xüsusi karantin rejiminin bitdiyi tarixdən sonrakı ayın 1-dək uzadılıb. Bu tədbir 14 min nəfəri əhatə edir və bunun üçün 2.6 milyon manat ayrılıb. Əhaliyə güzəştli işıq limiti aprel-may aylarında 100 kvts. həcmində artırılıb. Tələb olunan vəsait (2 aylıq) 10 milyon manatdır. Sosial baxımdan həssas əhali qrupuna aid edilən ailələrin üzvü olan tələbələrin təhsil haqqı xərclərinin ödənilməsi nəzərdə tutulub. Tələb olunan vəsait (il ərzində): 40 milyon manatdır.

Xatırladırıq ki, görülən bütün bu tədbirlər Prezident İlham Əliyevin “Azərbaycanda həyata keçirilən siyasətin mərkəzində vətəndaş dayanır”, “Azərbaycan dövləti hər zaman vətəndaşın yanındadır” fikirlərinin bariz təzahürüdür. Bu, onu göstərir ki, Azərbaycan dövləti üçün ən prioritet məsələ vətəndaşların sosial rifahı, onların yaşayış səviyyəsi və maksimum rahatlığının təmin olunmasıdır.
www.yenicag.az

Oxşar xəbərlər

"Azərbaycanda həyata keçirilən sosial dəstək tədbirləri nümunəvi xarakter daşıyır"
Sosial dövlətin Azərbaycan modeli
Təhsil haqqının ödənilməsi üçün 7 minə yaxın tələbə qeydiyyatdan keçib
Əli Əhmədov təcili iclas keçirdi
Birdəfəlik ödəmə ilə bağlı müraciətlərin qəbulu başa çatdı
Aztəminatlı ailələrə sosial dəstəklə bağlı rəsmi açıqlama
"Bakcell" adı hallanan toyla bağlı MƏLUMAT YAYDI
"Proqnozdan 200 milyon manat çox vergi toplanılıb" - Mikayıl Cabbarov
Əhalinin dövlətin yüksək diqqət və qayğısı ilə əhatə olunması həyata keçirilən sosial siyasətin mühüm tərkib hissəsidir
Nazirlikdən şad xəbər - Bu şəxslərə 250 manat pul veriləcək
"Bu gün bir sıra dövlətlər virusla mübarizədə Azərbaycan modelini öz ölkələrində tətbiq etməyə çalışırlar"
Azərbaycanda gələn il səhiyyə sahəsinə nə qədər vəsait ayrılıb?
Daha 10 min şəxs ödənişli ictimai işlərə cəlb olunub
Neçə icra başçısının başı ağrıyacaq
“Bu gün bütün sahələrdə islahatların nəticələri vətəndaşlar tərəfindən də yüksək qiymətləndirilir”
Azərbaycanda yeni informasiya sistemi yaradılır - SƏRƏNCAM
Koronavirus işləyən və işsizlərin sayını necə üzə çıxardı?
Azərbaycanda koronavirusa görə atılacaq addımlar - Açıqlandı
İqtisadiyyat Nazirliyi Koronavirusla Mübarizəyə Dəstək Fonduna pul köçürdü
Sahil Babayevdən pandemiya dövründə iş yerləri ilə bağlı AÇIQLAMA
Avqust ayı üzrə sosial yardımlar ödənildi
"Əhali cərimə miqdarlarının artırılmasını müsbət qiymətləndirir" - Sosial Tədqiqatlar Mərkəzi
Vergilər Nazirliyi: Bu il işsizlikdən sığorta haqları üzrə nəzərdə tutulandan 6,7% çox vəsait daxil olub
Gələn il büdcədən elmə ayrılan xərclər əsaslı şəkildə artırılacaq
Büdcədən “Jurnalist binaları”nın tikintisinə nə qədər vəsait ayrılmışdı... - RƏQƏMLƏR
Novruz Məmmədov nazirləri topladı
Prezident: “İşçilərin ixtisarına yol verilməməlidir”
Prezident soruşdu, nazir bankları tənqid etdi: "...ürəkaçan deyil"
Kasıblara qəpik-quruş, zənginlərə milyardlar
“ASAN müraciət” informasiya sistemi yaradılır - Sərəncam