Kəndlərdə telefon xətlərinin olmaması sakinlər üçün bir sıra problemlər yaradır. Onlardan ən başlıcası karantin rejimi dövründə hər şeydən onlayn formada istifadə edildiyi bir vaxtda internetin olmaması ilə bağlıdır.
İllərdir xüsusilə kəndlərdə yaşanan internet problemi karantin dövründə özünü daha qabarıq formada göstərir. İnsanların evlərində qalması bu əlaqə növünü ən önəmli vasitəyə çevirib. Ancaq bəzi kəndlərdə ya internetin özü yoxdur, ya da adı var, özü yoxdur.
Tələbə, şagird və müəllimlərin karantin rejimi dövründə bütün dərsləri onlayn formada keçməsini nəzərə alsaq, heç də bütün şəxslər bu imkanlardan yararlana bilmirlər. Bu da əlavə problemlərin yaranmasına gətirib çıxarır.
Mövzu ilə bağlı ARB TV-nin “Günə Doğru” proqramında süjet yayımlanıb: