Deputatdan ünvanlı sosial yardımla bağlı TƏKLİFLƏR
15-05-2020, 00:00
376

Deputatdan ünvanlı sosial yardımla bağlı TƏKLİFLƏR

“Ünvanlı dövlət sosial yardımı haqqında” qanuna dəyişikliklər layihəsini çox zəruri sənəd kimi dəstəkləyirik. Qanun layihəsinə 11 dəyişiklik təklif olunur. Dəyişikliklərin əsas məğzi ünvanlı sosial yardımın dairəsinin genişləndirilməsi, şərtlərin yumşaldılması və bu sahədə kök salmış bürokratik əngəllərin bir hissəsinin aradan qaldırılması hesabına əlçatanlığının təmin edilməsidir”.
Bunu  Milli Məclisin İqtisadi siyasət, sənaye və sahibkarlıq komitəsinin sədrinin müavini Əli Məsimli deyib.
Təklif edilən dəyişikliklərə əsasən, ünvanlı sosial yardım almaq hüququ olan ailələrin kateqoriyası genişlənir.
“Mövcud qaydalara görə, kredit öhdəliyi olan vətəndaşın ünvanlı sosial yardıma müraciət hüququ məhdudlaşdırılır. Amma yeni qaydalar təsdiq olunduqdan sonra krediti olanlar da ünvanlı sosial yardıma müraciət edə biləcəklər. Eyni zamanda, aliment gəlir, ya xərc kimi nəzərə alınmayacaq. Bu da aztəminatlı ailələrin yardıma müraciət imkanlarını artıracaq”, - deyə Ə.Məsimli bildirib.
Deputat ünvanlı sosial yardıma əlçatanlığın daha da təkmilləşdirilməsi üçün təkliflər səsləndirib.
O qeyd edib ki, adambaşına gəlir göstəricisi prioritet götürülməklə aztəminatlı ailələrin statistikası dəqiqləşdirilməlidir:
“Bu zaman məlum olacaq ki, pandemiyanın təsiri ilə işsizlik və yoxsulluq artdığından Azərbaycanda aztəminatlı ailə 85-90 min yox, ondan çoxdur”.
Ünvanlı sosial yardım verilərkən ehtiyac meyarı əsas götürülür. Bu meyar isə ünvanlı sosial yardımın təyin edilməsi məqsədilə hər il üçün qanunvericiliklə müəyyən olunur.
Əli Məsimli prosesi sadə şəkildə izah edib:
“Fərz edək ki, dörd nəfərdən ibarət ailənin orta aylıq gəliri 400 manatdır. 2020-ci il üçün ehtiyac meyarının həddi 160 manat müəyyən edilib. Deməli, həmin ailənin ehtiyac meyarının məcmusu 640 manat təşkil edəcək.

Bu halda 640 manatdan 400 manat çıxılır və 240 manat məbləğində ünvanlı dövlət sosial yardımı təyin edilir. Hesab edirik ki, əgər ehtiyac meyarından söhbət gedirsə, onda ehtiyac meyarının aşağı həddi yaşayış minimumundan az olmamalıdır. Ona görə də mahiyyəti təhrif olunmuş ehtiyac meyarı göstəricisinin ləğv edilməsini və ünvanlı dövlət sosial yardım təyin edilərkən yaşayış minimumu göstəricisindən istifadə edilməsini zəruri hesab edirik”.
2020-ci il üçün yaşayış minimumu 190 manat müəyyən edilib. Bu zaman dörd nəfərlik ailənin ehtiyac meyarının yaşayış minimumu baxımından məcmusu 760 manat təşkil edəcək.
“Bu halda ailəyə indi olduğu kimi 240 manat yox, 360 manat məbləğində ünvanlı dövlət sosial yardım təyin edilə bilər”, - deyə Ə.Məsimli bildirib.
Parlamentarinin təklifinə əsasən, mexanizm elə sadələşdirilməlidir ki, kənddə kiçik torpaq sahəsi olub, amma ondan dolanışıq səviyyəsində gəlir götürə bilməyənlər də ünvanlı sosial yardım ala bilsinlər.
Ə.Məsimli qeyd edib ki, ünvanlı sosial yardımın qüvvədə olduğu müddətdə bu sahədə yetərincə məmur özbaşınalıqları, sui-istifadə halları və qüsurların olduğu hamıya məlumdur.
“Son illər bu sahədə mövcud olan əsas problemin - məmurların həmin sosial yardımdan 40-50 faizlik pay götürməsinin aradan qaldırılması istiqamətində atılan addımları müsbət qiymətləndiririk. Bununla yanaşı, digər problemlərin də həllinin sürətləndirilməsini, şəffaflığın artırılmasını və səmərəli fəaliyyət göstərən nəzarət mexanizminin tətbiqini təklif edirəm. Həm ailənin gəlirlərinin dəqiq müəyyənləşdirilməsi, həm də sosial yardım işlərinə nəzarət mexanizminin gücləndirilməsini də zəruri hesab edirəm”.
Qeyd edək ki, qanun layihəsi Milli Məclisin mayın 19-da keçiriləcək iclasında müzakirəyə çıxarılacaq.

Oxşar xəbərlər

Ünvanlı sosial yardım alan ailələrin sayı 82 minə çatıb
Ünvanlı sosial yardımın alınması qaydası dəyişir
Ünvanlı sosial yardım üçün müraciət zamanı bu məlumatlar tələb edilməyəcək
Ünvanlı sosial yardım: Hansı yeniliklər olacaq?
Neftçalada çətin durum hökm sürür - Sosial yardımın əlçatanlığı necə təmin edilir?
“Uşaqpulu” ilə bağlı açıqlama: 7-8 yaşadək...
Avqust ayı üzrə sosial yardımlar ödənildi
Bu gün ünvanlı dövlət sosial yardım ödənişləri veriləcək
“Uşaqpulu” ünvanlı verilməlidir - Deputat
Sosial müavinət və təqaüd kartlarının istifadə müddəti uzadıldı
Birdəfəlik ödəmə ilə bağlı müraciətlərin qəbulu başa çatdı
Qanunvericilikdə “əlil” anlayışı başqa sözlərlə əvəz olunacaq
Hökumətin antiböhran proqramı və ya sosial dövlətin Azərbaycan modeli -
İşsiz vətəndaşlar üçün ŞAD XƏBƏR
Azərbaycanda pensiya və müavinətləri "yeyən" MƏMUR TUTULDU
Tələbələrin təhsil haqqı xərclərinin ödənilməsi asanlaşdı - VİDEO
Sosial həssas qrupdan olan tələbələrin qeydiyyatı sabah yekunlaşacaq - Diqqət!
“Pasiyentlərin və tibb işçilərinin hüquqları haqqında” qanun layihəsi müzakirədən çıxarılıb
2020-ci il dövlət büdcəsinə dəyişikliklər Milli Məclisin komitəsində müzakirə olunur
Azərbaycanda icra başçısı belə tutuldu - ANBAAN VİDEO
Prezident: “İşçilərin ixtisarına yol verilməməlidir”
İşsizlikdən sığorta ilə bağlı şərtlər yumşaldılacaq
Sahibkarlara 5 əsas istiqamətlər üzrə güzəştlər ediləcək - Nazir AÇIQLADI
Azərbaycanda koronavirusa görə atılacaq addımlar - Açıqlandı
"Sosial paket vətəndaşları bu böhrandan qoruyacaq" - Prezident
“Hər uşaq üçün ən azı 100 manat verilməlidir” - Təklif
“Uşaq pulu” ilə bağlı açıqlama
Xeyriyyəçiliklə bağlı qanun layihəsi hazırlanacaq - Deputatdan açıqlama
Spiker və müavinlərinin rəsmi maaşı ilə bağlı AÇIQLAMA
Azərbaycanda yeni informasiya sistemi yaradılır - SƏRƏNCAM