Deputatın vitse-prezident olduğu şirkətdə NARAZILIQ
26-05-2020, 20:00
203

Deputatın vitse-prezident olduğu şirkətdə NARAZILIQ

COVİD-19 pandemiyası səbəbindən yaranmış məlum vəziyyət diğər sahələrdə olduğu kimi neft sektoruna da təsirsiz ötüşmədi. Neftin qiymətinin gözlənilmədən düşməsi və dünya satış bazarındakı azalmalar əsasən özəl şirkətləri silkələdi. Amma bu o demək deyil ki, illərdir Azərbaycanda milyonlar qazanan şirkətlər bu vəziyyətdən istifadə edib insanları işsiz qoymalıdır.

Ölkə başçısı İlham Əliyev bütün çıxışlarında bu dönəmdə insanların işdən çıxarılmasının yolverilməz olduğunu dəfələrlə bildirib, yerli və xarici şirkətlərə belə bir addım atmamağı tövsiyə edib.

Amma gələn xəbərlər heç də ürəkaçan deyil.

Bizimxeber.az-a daxil olan məlumata görə, uzun illərdir Azərbaycanın özəl neft sektorunda fəaliyyət göstərən ruslara məxsus "Global Energy Azerbaijan Group"a ("GEA") daxil olan “Shirvan Drilling Limited” şirkəti bağlanıb. Bu səbəbdən də şirkət 300-dən çox azərbaycanlı işçini ixtisara salıb.

Şirkətdə çalışan fəhlələrin redaksiyaya verdiyi məlumata görə, 2019-cu ildə "Karasu Operating Company", "Neftechala Operating Company" və "Shirvan Operating Company" şirkətlərinin işçiləri yeni yaradılan “Shirvan Drilling Limited” adlı şirkətə köçürülüblər.

Köhnə şirkətdən çıxdıqları üçün işçilərə kompensasiya ödənilməyib. Hətta onları məcbur ediblər ki, ərizə yazaraq öz köhnə işlərindən çıxsınlar.

Cəmi 8 ay fəaliyyət göstərdikdən sonra “Shirvan Drilling Limited” də bu günlərdə fəaliyyətini dayandırıb. Hazırda şirkət rəhbərliyi dünya bazarında neftin qiymətinin düşməsini, satış barelinin azalmasını bəhanə gətirərək işçilərin bir qismini işdən çıxarıb.

Məlumatda qeyd olunur ki, işdən çıxarılanların 286 nəfəri "Karasu Operating Company" və "Shirvan Operating Company"nin, 41 nəfəri isə "Neftechala Operating Company"nin əməkdaşlarıdır.

İşçilərin dediyinə görə, çıxarılanlar arasında pensiya yaşına çatmayan xeyli təcrübəli neftçi var. Hətta onların əksəriyyəti 20-30 illik iş stajına malikdirlər.
Bununla yanaşı “Shirvan Drilling Limited” yaranan vaxt ətraf rayonlardan heç bir təcrübəsi və iş stajı olmayan şəxslər işə götürülüb. Qəribə məqam budur ki, şirkət başqa rayondan olan işçilərin müqavilə müddətini uzatsa da, Şirvan və Neftçala rayonunda yaşayan işçiləri kənarda saxlayıb. Bu isə neftçilər arasında ciddi narazılıq yaradıb.
Başqa rayonlardan gələn insanlar Neftçala və Şirvan ərazisində neftç çıxarır, bu rayonun uzun illərlə təcrübəsi olan, ailəsini bu əməklə dolandıran neftçilər işsiz qalsın. "Bu hansı məntiqdir" sualına cavab verən yoxdur.

Məsələnin ən acınacaqlı tərəfi odur ki, əslən şirvanlı olan və bu rayondan millət vəkili seçilən İltizam Yusifov hazırda “Shirvan Operating Company” şirkətində vitse-prezidentdir. İşçilərin bildirdiyinə görə, İ.Yusifov millət vəkili olduğu halda işdən çıxarılan həmyerlilərinin hüquqlarının bərpa olunması ilə bağlı heç bir addım da atmır. Özünə yaxın olan 1-2 nəfəri işə bərpa etməklə öz vəzifəsini icra etmiş sayır.

GEA Vircin adalarının Britaniyaya aid hissəsində qeydə alınmış "GCM Global Energy Plc." şirkətinin filialıdır. Əvvəllər bu şirkət "Russneft"in offşor törəmə şirkəti kimi fəaliyyət göstərib. Sonradan isə adını dəyişərək "Global Energy" şirkətinə çevrilib. "Global Energy"nin sahibi isə çeçen əsilli rusiyalı sahibkar Mixail Safarbekoviç Qutseriyevdir.

GEA Azərbaycanda quruda neft hasilatı ilə məşğul olan ən böyük xarici şirkət sayılır və Azərbaycanda 5 Hasilatın Pay Bölgüsü (PSA) sazişinin operatorudur.
Həmin sazişlər bu şirkətlər vasitəsilə idarə olunur: "Absheron Operating Company", "Binagadi Oil Company", "Karasu Operating Company", "Neftechala Operating Company" və "Shirvan Operating Company".

Oxşar xəbərlər

Nəhəng şirkət 9 min işçini ixtisar edəcək
SOCAR-da qruplar arası savaş - Vasif Əmirov vitse prezidentlik yolunda...
Azərbaycanın ən böyük ixracatçı şirkətlərinin milyonlarla vergi borcu var – Siyahı, məbləğ
149 azərbaycanlı karantinə görə işdən çıxarıldı - VİDEO
Bakının ev bazarı nə zaman dirçələcək? - Ekspert zaman verdi
“Aeroportun idarə edilməsi AZAL-dan ayrılmalıdır” - Ekspert
Dünya yeni düzəndə - Postpandemiya dünyası bizə nə vəd edir?
Azərbaycanda benzin niyə ucuzlaşmır? - EKSPERT AÇIQLAYIR
Prezident soruşdu, nazir bankları tənqid etdi: "...ürəkaçan deyil"
Koronavirus Azərbaycanın sığorta bazarında nələri dəyişdi? - VİDEO
Neft erası başa çatır: “Azərbaycan üçün çətin dönəm…” - TƏHLİL
Dünya enerji bazarını alt-üst edəcək kəşf: Çin inqilabı başlayır
İki azərbaycanlı vitse-prezidentə BP-də daha yüksək vəzifə verildi - FOTO
Prezident İlham Əliyev: "Ölkəmizin uğurlu dayanıqlı iqtisadi inkişafı bundan sonra özəl sektor hesabına təmin edilməlidir"
Xoşbəxt Yusifzadə: "Azərbaycanın 4 milyard ton təsdiq edilmiş neft ehtiyatı var"
Azercell koronavirusa görə MEDİA-nın pulunu kəsdi- Daha saytlar şirkətdən “aylıq” almayacaq
Camaləddin Quliyev “Caspian Fish”i çökdürür? - İTTİHAM
"Əsrin müqaviləsi"nin imzalanmasından 25 il ötür
Neftin gələn il 60 dollaradək bahalaşacağı istisna deyil
“Neft müharibəsi”: Qalib kim oldu? - GƏLİŞMƏ
İcra məmurlarına rəqib gəlir - ÖZƏL İCRA XİDMƏTİ
Prezidentdən neftin ucuzlaşması ilə bağlı AÇIQLAMA
Mikayıl Cabbarov Dünya Bankının regional direktoru ilə görüşdü
Pandemiya məmurların biznesini də çökdürür...
Azərbaycanda görünməmiş “tender müəmmasi” – Şirkət 3 gün sonra niyə imtina etdi?
“Maaşdan maaşa yox, borcdan borca yaşayırıq”
İsveçrə şirkətləri Azərbaycanla əməkdaşlığı genişləndirir
Anbarda qalan 10 milyon maska: - Yerli maska niyə satılmır?
Sabiq başçı ölkə xaricinə də böyük pullar çıxara bilib - Geri gətiriləcəkmi?
Hüquq-mühafizə orqanlarında da digər sahələrdə olduğu kimi, islahatlara böyük ehtiyac var