Azərbaycanın idxal-ixracında əsas məhsulların və tərəfdaş ölkələrin SİYAHISI
20-09-2019, 10:20
332

Azərbaycanın idxal-ixracında əsas məhsulların və tərəfdaş ölkələrin SİYAHISI

2019-cu ilin yanvar-iyul aylarında Azərbaycan Respublikasının hüquqi və fiziki şəxsləri dünyanın 177 ölkəsindəki tərəfdaşları ilə ticarət əməliyyatları həyata keçirib, 107 ölkəyə məhsul ixrac olunub, 164 ölkədən idxal olunub.
Milli.Az Trend-ə istinadən bildirir ki, gömrük orqanlarında qeydiyyatı aparılmış, lakin gömrük rəsmiləşdirilməsi tam başa çatdırılmamış ixrac olunan xam neft və təbii qazın statistik qiymətləndirilmiş dəyəri nəzərə alınmaqla 2019-cu ilin yanvar-iyul aylarında ölkənin xarici ticarət dövriyyəsi 19 milyard 932,8 milyon ABŞ dolları, o cümlədən ixracın dəyəri 11 milyard 499,1 milyon dollar, idxalın dəyəri 8 milyard 433,7 milyon dollar təşkil edib, nəticədə 3 milyard 065,4 milyon dollarlıq müsbət ticarət saldosu yaranıb.
2018-ci ilin yanvar-iyul ayları ilə müqayisədə xarici ticarət dövriyyəsi faktiki qiymətlərlə 14,0 faiz, real ifadədə isə 6,0 faiz, o cümlədən idxal 15,6 faiz, ixrac 1,2 faiz artıb.
İxracın 30,1 faizini İtaliyaya, 12,2 faizini Türkiyəyə, 6,1 faizini İsrailə, hər biri 5,6 faiz olmaqla Hindistan və Çinə, 4,9 faizini Almaniyaya, 3,8 faizini İspaniyaya, hər biri 3,4 faiz olmaqla Rusiya və Çexiyaya, 3,3 faizini Fransaya, 3,1 faizini Gürcüstana, 2,4 faizini Portuqaliyaya, 2,2 faizini Ukraynaya, 13,9 faizini isə digər ölkələrə göndərilmiş məhsulların dəyəri təşkil edib.
Ölkəyə idxal olunmuş məhsulların ümumi dəyərinin 14,1 faizi İsveçrə, 14,0 faizi Rusiya, 9,7 faizi Türkiyə, 8,6 faizi Çin, 6,7 faizi ABŞ, 4,8 faizi Almaniya, 4,6 faizi Kanada, 3,8 faizi İran, 3,5 faizi Avstraliya, 3,1 faizi Ukrayna, 2,6 faizi İtaliya, 2,0 faizi Fransa, 1,7 faizi Qazaxıstan, 20,8 faizi isə digər ölkələr ilə aparılmış idxal əməliyyatlarının payına düşüb.
2019-cu ilin yanvar-iyul aylarında ölkədən 1133,0 milyon dollar dəyərində qeyri neft-qaz məhsulları ixrac edilmişdir ki, bu da 2018-ci ilin yanvar-iyul aylarına nisbətən faktiki qiymətlərlə 17,0 faiz, real ifadədə isə 12,8 faiz çoxdur. Qeyri neft-qaz məhsulları üzrə ixracın dəyərində Rusiyaya (34,9 faiz), Türkiyəyə (22,2 faiz), Gürcüstana (8,9 faiz), İsveçrəyə (7,8 faiz), İtaliyaya (2,9 faiz), Ukraynaya (2,2 faiz), Yunanıstana (2,1 faiz), Çinə (1,7 faiz), İrana (1,6 faiz) və Niderlanda (1,3 faiz) göndərilmiş malların payı üstünlük təşkil edib.
2019-cu ilin yanvar-iyul aylarında 2018-ci ilin eyni dövrü ilə müqayisədə mühüm məhsul növlərindən təzə meyvə ixracı 26,2 faiz, təzə tərəvəz - 1,0 faiz, şəkər - 49,2 faiz, tütün - 1,9 dəfə, meyvə və tərəvəz şirələri - 36,3 faiz, çay - 2,2 faiz, meyvə və tərəvəz konservləri - 6,4 faiz, marqarin, qida üçün yararlı digər qarışıqlar - 33,5 faiz, pambıq lifi - 2,0 dəfə, pambıq ipliyi - 43,0 faiz, emal olunmamış alüminium - 6,2 faiz, qara metallardan yarımfabrikatlar - 39,5 faiz, bentonit gili - 5,2 faiz artıb, kartof ixracı isə 7,4 faiz, bitki yağları - 33,9 faiz, təbii üzüm şərabları və üzüm suslosu - 20,7 faiz, polietilen - 1,1 faiz, qara metallardan borular - 82,5 faiz azalıb.
2018-ci ilin yanvar-iyul ayları ilə müqayisədə 2019-cu ilin yanvar-iyul aylarında buğda idxalı 9,2 faiz, təzə meyvə - 5,1 faiz, xam şəkər və şəkər - 1,6 dəfə, kərə yağı, digər süd yağları və pastaları - 2,4 faiz, kartof - 14,1 faiz, quş əti və onun əlavə məhsulları - 14,7 faiz, mal əti - 14,7 faiz, təzə tərəvəz - 39,7 faiz, minik avtomobilləri - 2,0 dəfə, polad prokatı - 21,2 faiz, mineral gübrələr - 18,6 faiz, hesablama maşınları, blok və qurğuları - 29,2 faiz, rezin şinlər - 10,1 faiz, məişət kondisionerləri - 1,8 dəfə, mebellər - 6,1 faiz, polietilen - 21,7 faiz, yük avtomobilləri - 1,7 dəfə, paltaryuyan maşınlar - 9,0 faiz, qara metallardan künclüklər - 11,9 faiz, avtobuslar - 2,0 dəfə artıb, bitki yağı idxalı isə 5,5 faiz, siqaret - 44,5 faiz, çay - 1,5 faiz, qara metallardan borular - 9,8 faiz, qara metallardan çubuqlar - 11,6 faiz, sement və sement klinkerləri - 20,9 faiz, məişət soyuducuları - 19,4 faiz azalıb.

Oxşar xəbərlər

Ölkə əhalisi ticarət mərkəzlərində 27,6 milyard manat xərcləyib - Daha çox nəyə?
İnflyasiya əhalinin gəlirlərindəki artımı silib
Əhalimiz daha çox hansı nəqliyyatdan istifadə EDİR?
Bu il Azərbaycanda ÜDM 50 milyard manatı ötüb
Azərbaycan əhalisi pullarını ən çox hara xərcləyir?
Bu il Azərbaycanda istehsal edilən avtomobillərin sayı açıqlandı
“Azərbaycan xalqı dünyanın ən çox dərman yeyənləri siyahısındadır” – Qubad İbadoğlu
Azərbaycanın sığorta bazarı 11% böyüyüb
Nazir: "Azərbaycanla Türkiyə arasında ticarət dövriyyəsi 2,3 mlrd. dollara çatıb"
Bu il ümumi daxili məhsul istehsalı azalıb
Telman İsmayılovun "Rolls-Royce"u hərracda 3 dəfə uzuzlaşdırıldı
Azərbaycanın dövlət büdcəsində kəsir yaranıb
Nazir Çinə səfər edəcək
“SOCAR Polymer” ixracını 33 faiz artırıb
Səngəçal terminalına göndərilən neft və qazın həcmi açıqlanıb
Köhnə maşını olanlara pis xəbər - Yeni qadağalar gəlir
Neft yenidən bahalaşdı
Köhnə maşını olanlara pis xəbər – Yeni qadağalar
Köhnə maşını olanlara pis xəbər – Yeni qadağalar
Azərbaycanda gələn il səhiyyə sahəsinə nə qədər vəsait ayrılıb?
Neft yenidən bahalaşıb
Dünya bazarında neft bahalaşdı
Azərbaycanın ən böyük ixracatçı şirkətlərinin milyonlarla vergi borcu var – Siyahı, məbləğ
Neftin ucuzlaşması manata təsir edəcək? - VİDEO
İlon Maskın sərvətinin dəyəri açıqlandı
Kritik durum: Rusiyaya 24 təyyarə ilə dollar gətirildi
Neftin qiyməti artıb
Gələn il büdcədən elmə ayrılan xərclər əsaslı şəkildə artırılacaq
Azərbaycan Türkiyənin qaz bazarında Rusiyanı sıxışdırıb - Yaxın gələcəkdə nələr gözlənilir?
Əlişir Usmanovun ayırdığı 5 milyon 20 min insan arasında paylandı