Həbs olunan icra başçıları “Səni deyirlər”, Alı Alıyev-  Füzulinin icra başçısının milyonluq villaları, avtomobilləri, 30 min qoyunu, 5 min mal-qarası…
3-03-2021, 13:59
364

Həbs olunan icra başçıları “Səni deyirlər”, Alı Alıyev- Füzulinin icra başçısının milyonluq villaları, avtomobilləri, 30 min qoyunu, 5 min mal-qarası…

 Füzuli Rayon İcra Hakimiyyətinin rəsmi saytında( www.fuzuli-ih.gov.az ) rayonun icra başçısı Alı Alıyev haqqında bircə cümlə yazılıb: 
İcra Hakimiyyətinin başçısı – Alıyev Alı Nuşrəvan oğlu. 
Bəs görəsən, bu boyda rayonun icra başçısı nə vaxt doğulub, məktəbə gedibmi, gedibsə, hansı ali məktəbi bitirib, haralarda işləyib və s. 
Axı, bu adam göydən zənbillə icra hakimiyyətinə düşməyib. 
Görəsən, Alı müəllim öz tərcümeyi-halını niyə gizlədir ? 
Digər  qeyri-rəsmi mənbələrdən Alı müəllimlə bağlı məlumatlar topladıq: 
Ali məktəbi bitirdikdən sonra 1977-78-ci illərdə sovxozda aqronom işləyib…
Yaxşı bu neçənci ildə doğuldu, hansı ali məktəbi bitirdi ? 
Sonra yazılır 1981-83-cü illərdə hərbi xidmətdə olub. 
Əgər Alı müəllim ali təhsil alıbsa, niyə orduda 3 il qulluq edib ? 
Bir sözlə, Alı müəllimin avtobioqrafiyası  xeyli suallar doğurur. 
Sözün qısası, Alı Alıyev  “Meliorasiya və Su Təsərrüfatı naziri “  Əhməd Əhmədzadənin yanında 11 il  “kurs keçəndən”, yəni Füzuli rayonu Suvarma İdarəsinin rəisi olandan sonra 2011-ci ildə Füzuliyə icra başçısı təyin olunub. 
Alı Alıyev rayonda əkin sahələrinin satılması, sahibkarları “aylıq haqqa” oturtması, aylıq verməyənlərin isə  həbsə göndərilməsi ilə ad çıxardıb. 
Hətta Alı müəllimi rayonda iş adamlarının qənimi adlandırırlar. 
Alı  müəllimin adı bir məsələdə də çox hallanır. Biz görmüşük ki, icra başçısı rəsmi açılışlarda iştirak edər, dövlət qurumlarına aid inzibati binaların açılışında lent kəsər, yeni məktəblərin açılışında çıxış edər və s. Amma Alı müəllim əksinə, iş adamlarına məxsus şadlıq evlərinin, restoranların açılışında odlu-alovlu çıxışlar edir. Ona görə də cənab başçını rayonda məsxərəyə qoyurlar. 
Təsəvvür edirsiniz, icra başçısı rayonda 100 deyil e, 1000 hektarlarla əkin sahəsini zəbt edib, 30 min qoyun, 5 min baş mal-qarası olan fermaya sahibdir. 
Bunlar azmış kimi icra başçısı Alı Alıyevin rayonda mağazaları, mebel sexləri var. Hətta icra başçısı həbsdə olan bəzi iri məmurlara mebel hədiyyə edir. 
Mediada yayılan məlumata görə, Prezident Admnistrasiyasına müraciət edən vətəndaşların ən çox şikayətçi olduqları məmurlardan biri də Füzuli rayon icra hakimiyyətinin başçısı Alı Alıyevdir. Füzuli rayonunun rəhbərinin özbaşınalığı, qanunları saya salmaması, habelə total korrupsiyaya yol verdiyi    barədə edilən  şikayətlərin  sayı  yüzlərlədir. 
İcra başçısı rayonda nə qədər  MMC-lər yaradıb, tenderlərdə qalib elan edir, dövlətin ayırdığı pulları mənimsəyir. 
İcra başçısının oğlu Elvin Alıyev də polis zabiti olsa da, bütün günü əyləncə mərkəzlərində olur, bahalı avtomobillərlə şəhərdə ora-bura şütüyür. 
İcra başçısının tamahı o qədər güclüdür ki, hətta uşaq bağçalarına ayrılan ərzaqları da mənimsəyir, öz mağazalarında satdırır. 
Bir sözlə, Alı Alıyevin etimad limiti bitib. 
Düzdür Alı Alıyev həkim söhbəti eləyir, guya həkim Alı müəllimə deyib ki, narahat olma, sənə “etimad peyvəndi” edəcəm. 
Amma Alı Alıyev başa düşmür ki, cənab Prezident dəfələrlə qeyd edib ki, heç kim özünü toxunulmaz hesab etməsin, hər kəs əməlinə görə, qanun qarşısında cavab verəcək. 
Cənab Alı Alıyev ! Həbs olunan icra başçıları yolunu gözləyir.

Oxşar xəbərlər

Ağstafanın icra başçısı  sarıdan bəxti gətirmir... -Məhərrəm getdi, Seymur gəldi, ancaq haman göl, haman qurbağa..
Füzuli şəhərinin ərazisi minalardan təmizlənir - İcra başçısı
Bu arada hansı icra başçılarına “qırmızı kart” göstəriləcək? – SİYAHI
Nizaməddin Quliyevin işdən çıxarılan kadrının yerinə TƏYİNAT
Həbs təhlükəsi olan İcra başçıları quda oldular
Azərbaycanın ən uzun ömürlü icra başçıları: onlar kimdirlər? - SİYAHI
İcra başçısı həbs olunan rayonun məmuru intihar etdi
Ağdamın icra başçısı ilə bağlı sərxoşluq iddiasına CAVAB
Goranboyun icra  başçı  avtobioqrafiyasını  təzələyir Mantyor, ofisiant, kankan, qum-çınqıl  satan icra başçıları
Azərbaycanda sabiq icra başçısı dünyasını dəyişdi
Prezident icra başçısını işdən çıxardı
Yeni icra başçısı köməkçisini özünə birinci müavin təyin etdi
Goranboyun icra başçısı avtobioqrafiyasını təzələyir...
Həbs olunan icra başçısının köməkçisi dünyasını dəyişdi
Koronavirusdan ölən icra başçısı dəfn olundu
Bir neçə rayon rəhbəri ilə bağlı İDDİA - SİYAHI
Tutulan sabiq icra başçısı məhkəməyə gətirildi
İcra başçısına yeni müavin təyin edildi
Kəlbəcərin icra başçısı müavinini və köməkçisini İŞDƏN ÇIXARDI
Füzulinin 38 şəhid verən kəndində abidə kompleksi açıldı - FOTO
Goranboyun icra başçısı ilə bağlı ŞOK İDDİA - Belə deyirlər...
Azərbaycanda sabiq icra başçısı dünyasını dəyişdi
Həbs edilən icra başçısı Vidadi Zeynalovun qohumudur
Elə bil bu adda icra başçısı yoxdur... - Qəzənfər Ağayev rayonu da, özünü də təcrid edib...
İcra başçısı Şuşa fatehinə qadın paltarı bağışladı
Yeni icra başçısı müavinlərini və köməkçisini İŞDƏN ÇIXARDI
Ağsunun icra başçısı ölməyib, vəziyyəti ağırdır - AÇIQLAMA
Həbs edilən icra başçısının oğlu bu rayona müstəntiq təyin edildi
Azərbaycanda icra başçısı dünyasını DƏYİŞDİ
DTX-nın həbs etdiyi sabiq icra başçısı vəkilindən imtina etdi