"Koronavirus testi vermişəm, rəsmi cavabı indiyə qədər gəlməyib" - GİLEY
1-12-2020, 11:24
124

"Koronavirus testi vermişəm, rəsmi cavabı indiyə qədər gəlməyib" - GİLEY

Xaçmaz sakini Zaur Quliyev deyir ki, koronavirusa yoluxsa da, rayondakı mərkəzi xəstəxanada biganə münasibətlə üzləşib. DİA.AZ-ın məlumatına görə, o, iddia edir ki, müalicə etməmək üçün COVİD-19 daşıyıcısı olmadığını deyib, evə göndəriblər.

“25 gündür xəstə yatıram. Elə davranırlar ki, sanki heç belə xəstə yoxdur. Koronavirus testi vermişəm, rəsmi cavabı indiyə qədər gəlməyib. Halım pisləşmişdi, əvvəl elə bildim soyuqlamışam. Sonra gördüm ki, yox, getdikcə pis oluram, təcili tibbi yardım çağırdıq. Analiz götürüb getdilər. Bir neçə gün ərzində daha da ağırlaşdım. Cavab da gəlmirdi. Axırda yaşlı anam xəstəxanaya getdi ki, cavabı öyrənsin. Oradan demişdilər ki, adam çoxdu, gecikirik, göndərə bilməmişik, amma sizin oğlunuzda cavab neqativ çıxıb”, - 44 yaşlı Zaur Quliyev danışır.

Onun sözlərinə görə, üç-dörd gün keçib və gecəyarısı nəfəs almaqda çətinlik çəkib. Ailə yenə təcili yardıma zəng eləyib: “Gəlmədilər. Bir tanışın zəngindən sonra təcili yardım maşını göndərdilər. Həkim gəlib soruşdu ki, mən indi neyləyim. Dedim, aparın məni xəstəxanaya. Cavab verdi ki, indi xəstəxanada təkcə uşaq həkimi var. Quba, Bakı xəstəxanaları da qəbul eləmir. Sonra da çıxıb getdi...”

Zaur Quliyev danışır ki, səhər açılana qədər dözüb, sonra özü yaxınlarının köməyilə xəstəxanaya gedib. Orada rentgendən keçib: “Əvvəl iki saat boş yerə otuzdub gözlətdirdilər. Baxan olmadı. Gedib ağciyər xəstəxanasında rentgen çıxartdım, nəticəni Bakıdakı tanış həkimə göndərdim. Rentgenin nəticəsinə baxan kimi dedi ki, bəxtin gətirib, indiyə qədər ölməmisən. Ağciyərdə buzlaşma gedibmiş. O gündən həmin həkimin qiyabi müalicəsilə sağ qalmışam. Demək olar ki, ayağa qalxmışam, amma özüm hələ küçəyə çıxmıram. Məsləhət gördü ki, bir-iki həftə xüsusi diqqət eləyim”.

Quliyevlər ailəsindən koronavirusa yoluxan başqa kimsə olmayıb. Amma yenə də ailə üzvlərinə görə ehtiyatlanır.

Zaur Quliyev Xaçmaz Rayon Mərkəzi Xəstəxanasından yuxarı dövlət orqanlarına şikayət etmədiyini deyir. Bunu da belə əsaslandırır ki, sağlıq durumu hələlik imkan vermir: “Elə gündəydim ki, heç harasa şikayət etməyə heyim də yox idi. Sanki koma vəziyyətindəydim. Anamın 65 yaşı var, mənə o, qulluq eləyirdi. Anam da tibb işçisi olub, indi təqaüddədir. Sistemi o köçürürdü, dava-dərmana o baxırdı”.

Zaur Quliyev iddia edir ki, Xaçmazda COVİD-19-a yoluxanların sayı çoxdur, amma effektiv müalicə də yoxdur. Onun sözlərinə görə, elə xəstəxananın tibb heyətindən 3-4 nəfər virusdan vəfat edib, aralarında həkimlər də var.

Xaçmaz sakininin fikrincə, problemin dərinləşməsində səhlənkarlıq da rol oynayır: “İnfeksiya şöbəsindən göndəriş verilməliydi ki, Ağciyər xəstəxanasından rentgen nəticəsi barədə kağız ala bilim. Gedib gördüm ki, dəhlizdə məndən başqa 15-20 adam var. Bir o qədər də xəstəxana işçisi. Az qala, 50 nəfər. Kağız istəyirəm, deyirəm ki, COVİD-19 xəstəsiyəm. Deyir, “otur gözlə”. Camaat xəstəliyini gizlədir, mənsə buna açıq deyirəm. Yenə deyir ki, gözləməlisən. İki saat orada qaldım, həkimlər, tibb bacıları narahat olmadı ki, burada COVİD-19 xəstəsi var. Bir kağızı yazıb vermək nə çətin işdi ki?! Belə səhlənkarlıq olmaz. Azərbaycanda bir ildi COVİD-19 var. Başı çıxmayan da peşəkarlaşıb. Bəs bunlar hələ də necə davranmağı bilmirlər? Mən hələ sizə başıma gələnlərin 10 faizini danışıram”.

İddia olunanlarla bağlı dia.az olaraq bütün maraqlı tərəfləri dinləməyə hazırıq...

Oxşar xəbərlər

"Xəstəxanalar doludur, həkimlər bizə baxa bilmir" - Qazidən ÇAĞIRIŞ
İki yarıtmaz qurumun yaratdığı problemlər... - GİLEY
Lalə Məmmədova koronavirusa yoluxdu
"Təkcə iki dəfə 190 manatı ala bildim..." - Göyçayda bir ailə dramı...
Hər bir insana potensial koronavirus daşıyıcısı kimi baxmalıyıq - TƏBİB
Rusiyada koronavirus can almağa davam edir.
“Hərarətim 38,7 dərəcəyə yüksələndə təlaşlanmağa başladım”
İtaliyalı model iki aya yaxındır koronavirusdan sağala bilmir - FOTO
İtaliyalı model iki aya yaxındır koronavirusdan sağala bilmir - FOTO
DSMF 2-ci qrup əlilə niyə rədd cavab verir?.. - Yenə də absurd bəhanə...
Xəstəxanadan qaçan koronavirus xəstəsi öldü
"Müştərinizi çətin vəziyyətdə qoymayın..." - GİLEY
Testi pozitiv çıxandan sonra bir neçə gün taksi sürdü
Tanınmış sığorta şirkətinin filial müdiri vəfat etdi
Ermənistan iflic oldu: 500-ə yaxın insan köməksizdir, minlərlə hərbçi... (VİDEO)
"5 uşaqla acınacaqlı həyat yaşayırıq - Sahil Babayevin nəzərinə...
Dəsrlər başladı, dərhal on minlərlə tələbə və müəllim koronavirusa yoluxdu - QORXUNC VƏZİYYƏT...
Qusarda COVID-19-a yoluxan şəxs saxlanıldı
Azərbaycanda koronavirusa görə ekspress testlər tətbiq olunacaq - RƏSMİ
Qubada COVID-19-a yoluxan 5 nəfər karantin postunda saxlanılıb
Qubada yaşayış yerini qanunsuz tərk edən koronavirus xəstəsi saxlanılıb
Eldar Əzizov koronavirusa görə Bakı meriyasına təcili yardım çağırdı - Foto
Koronavirusa yoluxanların sayı yenə artdı, 17 nəfər vəfat etdi
Baş infeksionistdən Zaur Baxşəliyevin tənqidlərinə CAVAB: “Onun haqqında yüksək fikirdə idim”
“Evdə ürəyim sıxılırdı, dedim biraz fırlanım” - COVİD-19 xəstəsi
Azərbaycanda daha 108 nəfər koronavirusa yoluxdu, 2 nəfər öldü
Bir gündə 20 min yoluxma
Gəncədə əlilin başına kimlər oyun açır? - GİLEY
Koronavirusa yoluxanların sayı açıqlandı - GÜNÜN STATİSTİKASI
Şəhid ailəsinə ödənişli təcili yardım göndərən Mərkəzi Klinikadan ETİRAF - "Bu çox böyük bir nöqsandır"