30 ildən çoxdur ki, Dövlətimiz 1 milyon civarında qaçqın və məcburi köçkün problemini həll etməyə çalışır. Təsəvvür edirsiniz, qosqoca, yüz milyardlarla büdcəsi olan Avropa dövlətləri 100-200 min qaçqın probleminin altında əzilir, amma yenicə yaranmış Azərbaycan Dövləti 30 ildən çoxdur ki, bütün imkanları daxilində 1 milyon insanın problemlərini həll etməyə, onları mənzillə, minimum yaşayış müavinəti – “çörək pulu” ilə təmin etməyə çalışır. 
Bütün bu problemləri həll etmək üçün ölkədə ayrıca dövlət qurumu - Qaçqınların və Məcburi Köçkünlərin İşləri Üzrə Dövlət Komitəsi yaradılıb. Və komitədə “Vahid aylıq müavinətlərin təyin edilməsi üzrə  komissiya” fəalaiyyət göstərir. Yəni fikir verdinizmi, AYLIQ MÜAVİNƏT məsələsi çox həssas məsələ olduğu üçün onunla bağlı ayrıca komissiya var. 
Yeri gəlmişkən, bəlkə də əsas mövzuya dəxli yoxdur, amma bir təklifimizi vermək istəyirik. Belə ki, "Qaçqınkom"-un rəsmi strukturuna baxanda adam dəhşətə gəlmir ee, adamı vahimə bürüyür. Siyahı çox uzun olduğu üçün dərc etməyə ehtiyac görmürük. Amma sədrin neçə müavini, neçə müşaviri, neçə köməkçisi, neçə Aparat rəhbəri, onun müavinləri, nə qədər idarə rəisi, nə qədər şöbə müdiri və s. olar..? Bunun bircə adı var, DÖVLƏTİ TALAMAQ... 
Bu yaxınlarda oxudum ki, Məcburi Köçkünlərin İşləri Üzrə Dövlət Komitəsində Nizami Hüseynov adlı bir polkovnik işləyir. Ay Rövşən Rzayev, məlumatın olsun ki, həmin Nizami Hüseynov Əks-Kəşfiyyatın Rəisi olub. Onun ailə üzvləri işə beş ədəd maşından ibarət karteclə getdiyi üçün rəhbərlik tərəfindən işdən qovulub... Sən bu adamı necə müavin statusunda işlədirsən..? Həmin adamın qohumlar arasında ayaması "QAZMAQ NİZAMİ"dir... 
Bu gün dünyanın hər yerində bütün idarə və təşkilatlarda hamılıqla mobil idarəetməyə keçirlər, Dövlətin yükünü azaldırlar. Bizdə isə komitə və nazirliklər sanki məşğulluq idarəsidir. Sözün qısası, "Qaçqınkom"un yuxarıda bəhs etiyimiz strukturunda belə bir qurum da var: Repatriasiya Departamenti (direktoru - Natiq Hüseynov). Yəni adından da göründüyü kimi Natiq Hüseynovun departamenti məcburi köçkünlərin mənzillə təminatı və doğma yurdlarına qayıdışı ilə bağlı problemlərlə məşğul olur. İndi, görün, belə bir mühüm və həssas məsələ kimə tapşırılıb... 
Deməli, mediada yayılan məlumatlardan bəlli olur ki, Natiq Hüseynov bu təyinatdan əvvəl Bərdə Rayon Polis Şöbəsində rəisin əməliyyat işləri üzrə müavin vəzifəsində işləyib. Bərdə sakinləri deyirlər ki, Natiq Hüseynov rayonda heç də yaxşı fəaliyyəti ilə xatırlanmır. Sakinlər təəccüb edirlər ki, Bərdədə mənfi reputasiyaya malik olan sabiq rəis müavininə “Qaçqınkom” sədrinin yüksək vəzifə verməsi ağlasığmazdır. Natiq Hüseynov, guya, yaş senzi ilə əlaqədar sərəncama göndərilib, amma əslində, o, əməllərinə görə, işdən çıxarılıb. Və "Qaçqınkom"da Departament rəhbəri olub. 
Yeri gəlmişkən, onu da qeyd edək ki, Natiq Hüseynovdan əvvəl bu vəzifəni daşıyan şəxsin adı köçkünlərə verilən mənzillərin satışında, paylanması zamanı qeyri-qanuni işlərdə, hətta bu mənzilləri kənar şəxslərə satmaqda, milyonlar qazanmaqda hallanıb. Bu gün həmin əməlləri daha biabırçı formada Natiq Hüseynov davam etdirir... 
Bu işdə Natiq Hüseynovun ən yaxın silahdaşı Qürbət adlı inspektor da var. Əslən Qubadlıdan olan Qürbət oturduğu bütün məclislərdə deyir ki, "Rövşən Rzayev mənim ağsaqqalımdır. O bütün işçilərin hamısına dolanışıq üçün şərait yaradıb. Axı biz Əli Həsənovun dövründə özümüzə heç nə edə bilmirdik... Komitə Sədri bizi ancaq məcburi köçkünlərə xidmət etmək üçün hazırlamışdı. Rövşən Rzayev isə bizə sərbəstlik verib... O bizə daha nə verməlidir ki..? Mənə pul qazanmaq üçün xətt verib, bəs edər..."
Əlbəttə, Qürbət ..XƏTT deyəndə dolanışıq, mənimsəmə...nəzərdə tutur. Rövşən Rzayev öz müavinlərinə etmədiyi etimadı Qürbətə göstərir, hətta onunla birbaşa, özünün verdiyi 211-....nömrəsi ilə danışır. "Bilirsiniz, Rövşən müəllim mənə dörd ədəd nömrə verib. Yuxarıda göstərdiyim kimi, biri də 211..-lə..." Məcburi köçkünlər isə Rövşən Rzayevin evinin qabağında kababın iyindən YAVANLIQ EDİRLƏR... 
Onu da qeyd edək ki, Rövşən Rzayevin “çörək pulu” siyahısında minlərlə “ölü canlar “ olub və bu gün də var. Rövşən Rzayev, ölülər o dünyada qaz, işıq yandırır, bəlkə su işlədirlər? Bəlkə yemək yeyirlər? O pulların hamısı sizlərin cibinə gedir. 
Digər tərəfdən Rusiyada yaşayan xeyli sayda şəxslər Rövşən Rzayevin “dabrosu” ilə 2-3 yerdə məcburi köçkün kimi ev alıblar. Hazırda Ağalı kəndində də xeyli sayda qanunsuz ev alanlar var. Rayonun birində kimin evi varsa, onun çörək pulunu kəsirlər, başqa bir rayonda tam əksinə...yəni başıpozuq bir oyunlar davam edir... 
Yaxud həbsdə olan Müharibə veteranının axtarıb evini tapırlar və...ölümlə çarpışan həyat yoldaşının, tələbə oğlunun, məktəbli övladının çörək pulunu kəsirlər.. Bunlar başa düşmürlər ki, "qaçqın" və "məcburi köçkün" beynəlxalq statusdur, bunu hansısa məmur ləğv edə bilməz. Görəsən, bütün bunlara və qeri-insani hərəkətlərinə görə, Rövşən Rzayev utanırmı..? 
Biz bu işi Avropa Məhkəməsinə qədər apara bilərik, amma Dövlətimizin mənafeyi bizi qoymur... Və ümid edirik ki, Cənab Prezidentimiz Rövşən Rzayev, Mahir Abbaszadə, Natiq Hüseynov kimi məcburi köçkünlərin hesabına milyonçuya çevrilən cinayətkar məmurların layiq olduğu cəzanı verəcəkdir.
P. S. Camaat Avropaya gedir mədəniyyət öyrənməyə, bizim də bəzi məmurlar məclislərdə deyirlər ki, "O gün getmişdim xaricə. Birdən yadıma düşdü ki, mamam nəsə tapşırıb. Dostum dedi hara gedirsən? Dedim ki, gedim mamama bir çamadan t....k alım, gəlim..." Bax budur bizim bəzi məmurların yaşam tərzi...