Bu təhsillə Kəlbəcərə qayıtmaq olmaz... - İDDİA
7-12-2020, 12:56
103

Bu təhsillə Kəlbəcərə qayıtmaq olmaz... - İDDİA

Ramana qəsəbəsində yerləşən Kəlbəcər rayonu 108 nömrəli tam orta məktəblə bağlı sosial şəbəkələrdə səs yazısı yayılıb. Səs yazısında məktəbin direktor müavini Yasəmən Sarıyeva müəllim kollektivindən 10 manatdan pul yığılmasını tələb edir. Daha sonra əlavə edir ki, toplanan vəsaitlə məktəbə Heydər Əliyev və İlham Əliyevin şəkilləri alınacaq (səs yazısında bu cür deyir - red.) Y.Sarıyeva pul yığıb sinif də aça biləcəklərini xüsusi vurğulayır.

Onun bu tələbi müəllim kollektivi tərəfindən narazılıqla qarşılanır.
Digər bir səs yazısı isə məktəbin direktoru vəzifəsini icra edən Ülkər Quliyevaya məxsusdur. Maraqlı məqam ondan ibarətdir ki, məktəb direktoru nazirliyin əməkdaşlarını da hədələyir:
“O nazirlikdəkinə denən mənə zəng etsin, yaxud nömrəsini at, mən onunla danışacağam, görüm, kimdilər ki, əsassız məlumata görə bu qədər insana əziyyət verir. Nazirliyin hansı işçisidir ki, bu qədər məsuliyyəti üstünə götürüb, çıxsın cavab versin”.



Məsələ ilə bağlı Təhsil Nazirliyi ilə əlaqə saxladıq. Sorğumuza cavab olaraq bildirildi ki, məsələ nazirliyin diqqətindədir, artıq araşdırmalara da başlanılıb.
Təhsil eksperti, əməkdar müəllim Almaz Həsrət mövzu ilə bağlı “BakuPost”a bildirdi ki, pandemiya və müharibə kimi həssas bir dönəmdə bu cür məlumatların yayılması təəssüf yaradır:

“Bütün təhsil müəssisələrinə - peşə, orta və ali məktəblərə vacib atributlar, önəmli portret və şəkillər dövlət tərəfindən tam pulsuz, ödənişsiz əsaslarla paylanılır. Hətta hansısa dövlət tədris müəssisəsinin sinif otağında asılan portret və ya şəkillərdə köhnəlmə, qüsur aşkarlanırsa, aidiyyəti quruma rəsmi şəkildə məktub göndərilir və məktəb yenidən lazım olan avadanlıqlarla təmin olunur. Bu səs yazısı təəssüf doğurur. Görünən odur ki, kollektiv arasında sağlam pedaqoji mühit formalaşmayıb. Çünki məktəblərə ödənişsiz olaraq verilən bu avadanlıqlar üçün müəllimə “pul müqabilində həmin şəkilləri əldə edə bilərsiniz” deyilməsi doğru deyil. Əsla ola bilməz. Mən özüm tədris müəssisəsinin rəhbəri, bu proseslərin şahidi kimi qeyd edirəm ki, bütün lazım olan məhsullar Bakı Şəhəri üzrə Təhsil İdarəsi və Təhsil Nazirliyi tərəfindən pulsuz olaraq verilir. Martdan bu günədək tüğyan edən pandemiyanın olmasına, eyni zamanda müharibə dövrünü keçdiyimizə baxmayaraq, heç bir vəsait, avadanlıq baxımdan çətinlik çəkmədik. Hətta dezinfeksiya tədbirləri üçün tələb olunan məhsullar da tam ödənişsiz olaraq məktəblərə ötürülüb”.
“Təəssüf edirəm ki, cəbhədə mübarizənin getdiyi bir vaxtda Kəlbəcər məktəbdə bu cür hallar baş verib və bunu mənfi, neqativ hal kimi qiymətləndirirəm”, - deyən A.Həsrət əlavə etdi ki, bu cür halların qarşısının alınması üçün ədalətli araşdırmanın aparılması şərtdir:

“Belə bir şey həqiqətən olubsa, buna göstəriş verən, icra edən şəxslər məsuliyyətə cəlb olunmalıdır. Mütləq layiq olduqları cəzanı almalıdırlar”.
Maraqlıdır ki, bir müddət öncə bu məktəbin direktoru Bəsti Hüseynova məhz eyni səbəbdən işdən qovulmuşdu. Onun da sosial şəbəkələrdə müəllimlər arasında pul bölgüsü etməsi ilə bağlı səs yazısı yayılmışdı. Bundan sonra Təhsil nazirinin müavini Məhəbbət Vəliyeva 108 nömrəli məktəbə gələrək kollektivlə görüşmüş və direktorun işdən azad olunduğunu bildirmişdi.

Gundemxeber.az

Oxşar xəbərlər

Bu cür məmurları azad edilmiş Kəlbəcərimizə yaxın buraxmaq olmaz... - İTTİHAM
Məktəb direktorundan qanunsuzluq: məktəbin təmirini müəllimlərə etdirir — Səs yazısı
Qaxda övladlarımıza təhsili KİMLƏR VERİR? - Biabırçılıq
Nazir müəllimlərdən pul yığan direktoru işdən çıxardı
Slovakiyada məktəbə silahlı hücum: Ölənlər var
Bakıda məktəb direktoruna cinayət işi açıldı - Korrupsiya
"Şagirdləriylə qumar oynayır, araq aldırır, ..." - Valideynlərdən direktora qarşı AĞIR İTTİHAMLAR
Məktəb direktoru və müavinləri cəzalandırıldılar
Lerik təhsilində vəzifə bölgüsü və yaxud qohumbazlıq? – VİDEO
Bakıda məktəb direktoru vəfat etdi
Məktəbi müəllimlərə təmir etdirən direktorla bağlı ARAŞDIRMA BAŞLADI
Gəncə təhsilində nələr baş verir? - İDDİA
Abşeronda müəllimlər günü qeyd edilib
Sabirabadda təhsil sistemi bərbad gündədir... - NARAZILIQ...
Sabirabaddan nazirə müraciət olundu:1 saylı tam orta məktəbdə böyük RƏZALƏT VAR- GİLEY
Saatlıda təhsil adına biabırçılıq: HEYDƏR ƏLİYEV FONDUNUN ŞAGİRDLƏRƏ VERDİYİ HƏDİYYƏ ÇANTASI GERİ ALINDI
45  və  212 saylı  məktəblərdə nələr  baş verir ?
Gənc müəllim şəhid oldu - FOTO
Gəncə təhsilində nələr baş verir? - İTTİHAM
Bakı üzrə yüksək bal toplayan məzunlar - Siyahı
Lerikdə təhsildən başqa hər şey var
“Elinanın gündəliyində "ölümümə 52 gün qalıb” yazılmışdı" - Məktəb direktoru
Prezident və xanımı 216 nömrəli məktəbin açılışında
Baş Prokurorluqdan intihar edən müəllimin işi ilə bağlı MÜRACİƏT
Təhsil şöbəsi müdirinin şok səs yazısı. Özü özünü işfa etdi! ( video səs )
147 saylı məktəbdə qalmaqal: Sinif rəhbəri valideyni təhqir etdi...
Məktəb direktorundan Təhsil Nazirliyinin əməkdaşlarına İTTİHAM: - “Alıcı quş kimi məktəbə şığıdılar…”
Göygöldə təhsil sistemi bərbad gündədir - GİLEY
Mehriban Əliyeva Uşaq İncəsənət Məktəbinin yeni binasının açılışında iştirak edib
Bakıda 27 yaşlı müəllim özünü binadan atdı - Foto