RƏZALƏT: Fabrik şəhid anasını işdən çıxardı - “Dedim, heç olmasa, 40-ı çıxsın...”
18-12-2020, 11:33
133

RƏZALƏT: Fabrik şəhid anasını işdən çıxardı - “Dedim, heç olmasa, 40-ı çıxsın...”

Qarabağ müharibəsində şəhidlik zirvəsinə ucalan qəhrəmanlarımızdan birinin - Adil Akif oğlu Rzayevin anası işdən çıxarılıb.

Dia.az Teleqraf.com-a istinadən xəbər verir ki, bu barədə şəhidin anası Məhbubə Hüseynova məlumat verib.
Ana deyir ki, 1999-cu il avqustun 20-də Qobustan rayonunun Xilmilli kəndində anadan olan Adil ailənin beşinci övladı imiş: “Üç oğlum, iki qızım vardı. Adilə sentyabrın 21-də Səfərbərlik və Hərbi Xidmətə Çağırış üzrə Dövlət Xidməti çağırış göndərmişdi. Bir neçə gün Qusarda təlim keçdilər.

Oktyabrın 4-də qardaşı ilə danışıb ki, onları oradan Füzuli istiqamətinə aparırlar. Oktyabrın 10-dan Adilin nömrəsinə zəng çatmadı. Noyabrın 28-nə qədər onu axtardıq. Balamın adı itkinlər siyahısında çıxmışdı. Bu müddət ərzində Müdafiə Nazirliyinə də getdik. Noyabrın 29-da zəng vurub dedilər ki, Füzulidə bir şəhid var, gəlin baxın. Kimliyinin müəyyənləşməsi üçün Bakıda məndən DNT analizi götürdülər. Qardaşı ilə dayısı gedib baxdılar ki, Adildir. Noyabrın 30-da oğlumu Sumqayıtdakı Şəhidlər Xiyabanında dəfn etdik”.

Hazırda Sumqayıt şəhərinin Hacı Zeynalabdin Tağıyev qəsəbəsi (Nasosnu), Kərim Kərimli küçəsində yaşayan ailənin maddi vəziyyəti yaxşı deyil. Məhbubə Hüseynova deyir ki, Adil şəhid olandan bəri onlarla heç kəs maraqlanmayıb: “Həyat yoldaşımı itirdikdən sonra ailənin dolanışığı üçün Sumqayıtdakı “Elat” quşçuluq fabrikində işə düzəlmişdim. Orada aşpaz işləyirdim.

Adilin yeddisi çıxan kimi fabrikdən zəng vurdular ki, işə çıxmalısan. Dedim, heç olmasa, qoyun üzümün cırığı, yarası sağalsın. Balamın 40-ı çıxana qədər onlardan möhlət istədim. Adilin atası da yoxdur ki, gələnlərin qarşısına çıxsın. Səhhətim tez-tez pisləşir, demək olar ki, hər gün təcili tibbi yardım gəlir.

İşdən gələn zənglərin də ardı-arası kəsilmirdi. Vəziyyətim yaxşı olmadığı üçün heç yana təkbaşına çıxa bilmirəm. Axırda bacımla fabrikə getdik. Bacım katibəyə dedi ki, Məhbubə şəhid anasıdır, özünə hələ gəlməyib, heç olmasa imkan verin 40 gün evdə qalsın. Bu vəziyyətdə işə necə gələ bilər?

Katibə də bildirdi ki, Hidayət müəllim (fabrikin direktoru) deyir, ya işə gəlsin, ya da ərizəsini yazıb getsin. Başqa yolu yoxdur. Bacım ona dedi ki, səlahiyyətli qurumlar bilirmi siz şəhidin anasını işdən çıxarırsız, icazə vermirsiz 40 gün övladının yasını saxlasın? Katibə dedi, gedin kağız gətirin ki, hökumət sizin 40 gün işləməməyinizə icazə verir. Əgər onlar icazə versə, biz də verərik.

Çox çalışdım ki, məni işdə saxlasınlar. Amma dedilər, sən bu şirkətdə işləyə bilməzsən. Oğlum şəhid olana qədər 15 gün fabrikdə işləmişdim. Həmin günlərin maaşını da vermədən məni işdən çıxardılar. Ailədə tək işləyən mənəm. Digər oğlanlarım günəmuzd işləyir. İndi də karantin rejimi olduğu üçün onlar da oturublar evdə”.

Ailəsi ehtiyac içində yaşayan Məhbubə Hüseynova deyir ki, heç şəhid ailələrinin kommunal xərclərinə də güzəşt etmirlər: “Kommunal xərclərimizi qonşular ödəyir. Yaşadığımız şəraitsiz ev belə bizim deyil. Mətbəxi var, suyu yoxdur. Hamam da yoxdur. Sağ olsun, qonşularım çox köməklik edir.

Qaldığımız yerin yolları bərbaddır. Bacım qəsəbənin icra nümayəndəliyinə gedib dedi ki, heç olmasa yola iki maşın qum səpilsin ki, şəhidi aparanda palçığa batmasınlar. Dedilər, qəsəbənin İnzibati Ərazi Dairəsi üzrə nümayəndəsi Lalə Hacıyeva məzuniyyətdədir. Onun səlahiyyətlərin müvəqqəti icra edən şəxs də deyib, cibimdən pul verəsi deyiləm ki...

Tək bu deyil. Adil şəhid olandan nə qəsəbənin İcra Hakimiyyətindən gələn var, nə də aidiyyəti qurumlardan...

Bu gün vəziyyətimiz olduqca acınacaqlıdır. Bizə yardım olunması üçün aidiyyəti qurumlardan kömək etmələrini xahiş edirəm. Bu işi də çətinliklə tapmışdım. Ailəmizin çətin vəziyyətini nəzərə alıb, bizə kömək göstərilməsini xahiş edirəm”.

Oxşar xəbərlər

19 yaşlı qəhrəman: Qəsəbənin 30 ildən sonra ilk şəhidi (VİDEO)
“Oğlum şəhid olan gün saatım dayandı” - Video
“Telefonuma zəng çatmasa bilin ki, getdim...” – Füzulidən Qubadlıyacan + Video
Nazirlikdən şəhid Xudayar Yusifzadə ilə bağlı sevindirici addım
Səfərbərlik və Hərbi Xidməti gəncləri yola saldı
"Oğlumun sadəcə bir arzusu vardı" - Şəhid anası
Azərbaycanda ehtiyatda olan hərbi vəzifəlilərin təlimləri başladı
Prezidentdən Səfərbərlik və Hərbi Xidmətə Çağırış üzrə Dövlət Xidməti ilə bağlı SƏRƏNCAM
Səfərbərlik Xidməti məlumat yaydı - Diqqət!
Bir Zeynal şəhid oldu, digər Zeynal doğuldu (VİDEO)
Cəbrayıl-Füzuli istiqamətində şəhid olan gizir
28 ermənini məhv edən şəhidin atası: “Ölümünə inanmadım, elə bilirəm...” - VİDEO
“Vətən uğrunda” medalı ilə təltif edilən 18 yaşlı şəhid Bayraqdarov
Şəhid atası: “Son danışığında dedi ki, mənimlə qürur duyacaqsan”
“Oğlum vurulan anda evdə ürəyim getmişdi” - VİDEO
Həqiqi hərbi xidmətə çağırışla bağlı açıqlama
Tərtərin başçısından şəhid anasına təhqir: “1000 manat alanda yaxşıydı…” – Video
Şəhid Ağabəyin anası: “Deyirdi, gələn kimi evlənəcəm” - VİDEO
İlk qadın şəhidimizin ailəsindən - Videoreportaj
Şəhidlik zirvəsinin 20 yaşlı fatehi Cavid Abdullayev - VİDEO
Çoban Xanışın şəhid nəvələri - Foto
Səfərbərlik Xidmətindən bu şəxslərə MÜRACİƏT - SMS daxil olduqda...
Dərs deyə bilmədən tarix yazan qəhrəman şəhidimiz - VİDEO
İki oğlu şəhid olan Zeynəb ana: “Təki Vətən sağ olsun!”
Xüsusi təyinatlı şəhidin vəsiyyəti: "Zeynəbimi axtararsız" - VİDEO
Xankəndidə yaralanan qazimizin durumu ağırdır
Xidməti avtomobildə cinsi əlaqəyə girən polislər işdən çıxarıldı - Foto
Səfərbərlik Xidməti məlumat YAYDI
Şəhid baş leytenant ölümündən sonra oğul atası oldu - VİDEO
Füzuli uğrunda şəhid olan gizir