Mərdan Camalov səninki Allah qorxusu deyil e....

Bizim rüşvətxor, dələduz, “moşennik”, korrupsioner, xalqın qanını içən məmurlarımız, həbsxanaya düşən kimi, ya da vəzifədən qovulan kimi yadlarına Allah düşür, namaz qılmağa, oruc tutmağa, Quran oxumağa başlayırlar. Guya bununla haqq yoluna qayıdırlar. Bunlar başa düşmür ki, bu haramzadalar Allahın yadından çoxdan çıxıblar, bunların Allahı puldur, rüşvətdir, ən yaxşı halda Boqdur. 
Belə məmurlardan biri də Şirvanın keçmiş, Zərdabın indiki icra başçısı Mərdan Camalovdur. 
Görünür bu adam qarşıdan gələn təhlükəni, həbs məsələsini başa düşdüyü üçün son vaxtlar yaman tez-tez Allaha üz tutur və onun barəsində tənqid yazanları Allaha tapşırır. 
Mərdan Camalov, medianın günahı nədir ki, sən media mənsublarını Allaha tapşırırsan ? 
Ən böyük günahkar sən və sənin ailə üvlərindir. 
İstəyirsənsə,  cüzi bir hissəsini deyək. 
Sən kənd müəllimini, kim icra başçısı səviyyəsinə qaldırdı ? 
Əlbəttə, mərhum nazir qardaşın  Yavər Camalov.  Sən gön-dəri fabrikində  “svarşik” işləyirdin. Yavər Camalovun xalqdan oğurladığı  milyonların hesabına Şirvanda icra başçısı oldun. 
Qarğış elədiyin media  mənsubları sizin ailəniz kimi xalqın pullarını, dövlətin büdcəsini talan etməyib. Allahın qəzəbinə sən və ailən gələ bilər. 
Sən qardaşının haram pullarının hesabına icra başçısı oldun. 
Mərhum qardaşının bu gündə Bakıda Niaqara, Kral və s kimi dəyəri 10 milyonlar olan şadlıq sarayları var. 
Mərdan Camalov, bu milyonlar bəlkə atanızdan, bəlkə babanızdan qalıb, bəlkə gizli xəzinəniz olub, bəlkə dünya şöhrətli alim olmusunuz, kəşfləriniz olub...? 
Adi müəllim, çilingər olmusan. Mərhum qardaşın da korrupsioner nazir idi. 
Camalov, bəzən deyirlər ki, ölünün dalınca danışmaq olmaz. Əgər ölü sənin kimi şəhid atasına kəllə atırsa, şəhidin atasını döyüb qapıdan qovursa, o ölünün nəinki dalınca danışmaq, hətta sağ ikən ağzını tikmək lazımdır ki, ona dərs olsun və bir də şəhid atasının üstünə bağırmasın. Başa düşdünmü, Mərdan Camalov. 
Sizin ailə ancaq Azərbaycan xalqına qənim kəsilib. Keçən il parlament seçkilərində qardaşın oğlu Şirvandan deputat olmaq istəyirdi, sonra bəlli oldu ki, xarici ölkənin vətəndaşıdır. Siz necə tayfasınız, əcnəbi vətəndaşı ola-ola, hələ Milli Məclisin üzvü olmaq istəyirsiniz..? 
Hələ utanıb-qızarmadan  səndən yazanları Allaha tapşırısan...
Qardaşın Azneft-in baş direktoru olanda  pulu sənin maşınında  daşıyırdınız, yadından çıxıbmı ? 
İndi deyirsən, xalq  bunları unutmalıdır ? 
Sən Şirvanda  dəyəri  500 min olan Azəriqaz-ın turbalarını kəsib satanda, keçmiş Baş rokuror Zakir Qaralovla böləndə heç Allah yadına düşmürdü ? 
İndi deyəsən, barmağın qalıb qapı arasında, qorxuya düşmüsən, həbsxanada yerin boş qalıb. 
Şəhid atası  sənin barəndə “azğınlaşmış”  icra başçısı deyir. Bundan utanmırsan ? 
Şirvanda icra başçısı olanda ən bahalı torpaqları, ticarət, ictimai-iaşə obyektlərini, restoranları ələ keçirdin.       
Sən yetim-yesirə dövlətin verdiyi cüzi maaş kartlarını gecələr balıncının altına qoyursan. Sizlər necə tayfasınız ?
Camalov, cəhənnəmdə o kartları bir-bir bilirsən də neyləyəcəklər...? 
Camalov, Şirvan şəhər telekomunikasiya qovşağından çıxarılan, dəyəri  500 min  manat olan  qiymətli metalları  necə həzm elədin ? 
Mərdan Camalov dünyanı bəlaya salan koronavirusdan da pul qazanır, sahibkarlardan pul yığır, iş adamlarına zülm edir. 
Bu adam  insan faciəsindən də  pul qazanır, abadlıq, yol tikintisi adı altında öz qohumlarını adına açılan şirkətlər vasitəsilə dövlətin milyonlarını mənimsəyir. Hətta o qədər həddini aşıb ki, rayon ərazisində faəliyyət göstərən müxtəlif nazirliklərin rəhbərlərinə deyir ki, mənimlə hesablaşmalısınız, öz nazirinizlə yox. 
Gör adam nə qədər həddini aşıbsa, bunun tabeçiliyində olmayan  nazirliklərin rayondakı rəhbərlərinə hədə-qorxu gəlir, yaxşı ki kəllə atmır. 
Kəllə deyəndə yadıma Gəncənin sabiq icra başçısı Elmar Vəliyev düşdü. Mərdan Camalov, çalış kəlləni qoru.