Gorun çatlasın Məşədi, Zəngilan camaatı da sən deyəni deyir…

OXU.az-ın məlumatına görə,  “Azərbaycanda mövcud ailə münasibətləri: sosial-psixoloji təhlil” sosioloji sorğu-tədqiqatın nəticələrinə dair keçirilən tədbirdə Vəkillər Kollegiyasının sədri hörmətli  Anar Bağırov öz çıxışında maraqlı məqamlara toxunub. 
Vəkillər Kollegiyasının sədri  bildirib ki, ölkəmizdə qadın məhkəmə sədri yoxdur: “Qadınlar irəli çəkilməlidir. Azərbaycanda bir nəfər də qadın məhkəmə sədri yoxdur”.
Sözün düzü, Anar Bağırovun  bu fikri bizə xeyli maraqlı gəldi. Niyə ?
Çünki  xeyli vaxtdır Gündəlik-Bakı olaraq  Suraxanı rayon məhkəməsinin sabiq  hakimi, hazırda Zəngilan Rayon Məhkəməsinin sədri olan Gülsarə Kərimovna İmanovanın əməlləri barədə yazırıq. 
Hər dəfə qeyd edirik ki,  Türkmənistan vətəndaşı olan, Orta Asiyada dünyaya gələn, orada təhsil alan Gülsarə Kərimovna necə oldu ki, birdən birə Azərbaycana gəldi və məhkəmə hakimi, sonra isə məhkəmə sədri oldu ?
Axı, əcnəbi vətəndaşın  Azərbaycanda məhkəmə sədri olması mümkün olan hal deyil.  Digər tərəfdən Azərbaycanda ikili vətəndaşlıq  barədə qanun yoxdur və s. 
Bəs onda hansı sirrli qüvvə  Gülsarə Kərimovnanı öz qanadları üstə  Azərbaycana gətirib ? 
Həm də gətirməklə kifayətlənməyib, hələ məhkəmə sədri də  qoyub?
Hələ Gülsarə Kərimovnanın dövlət dilimizi bilməməsi, milli-mənəvi dəyərlərimizə yad olan biri olması, qanunsuz qətnamələr qəbul etməsi, məhkəmə zalında özünü apara bilməməsi, məhkəmədə tərəflərə qarşı  kobud rəftar etməsi və digər  neqativ hallar  saymaqla bitən deyil. 
Gülsarə Kərimovnanın əlindən Zəngilan camaatı  çoxdan bezib və onun məhkəmə sədrliyindən uzaqlaşdırılması üçün  müxtəlif orqanlara şikayət edirlər. 
Bütün bunlar bizim yazdığımız məqalələrdə öz əksini tapıb.
Bütün bunlarla Vəkillər Kollegiyası sədri  Anar Bağırovun dedikləri uyğun gəlmir. Necə yəni Azərbaycanda qadın məhkəmə sədri yoxdur ? 
Bəs Gülsarə Kərimovna ? 
Bəlkə, Anar müəllim  nəyəsə əsaslanıb deyir bu fikirləri..?
Bəlkə,  Gülsarə  Kərimovna qadın deyil ?
Bəs onda nədir ? Hansı cinsin nümayəndəsidir ? 
Lənət şeytana, birdən Gülsarə Kərimovna…məsəl  var ee, deyir erkəyi, dişisi olmaz…birdən…adamın ağlına hər şey gəlir…
Bəlkə buna görə, Gülsarə Kərimovnanı  Türkmənistandan “deport”  ediblər ? 
Məşədi İbad demişkən, ə, bunu məhkəmə sədri qoyanda baxmadınız ki, bunun…
Adamın ağlına hər cür fikir gəlir ee…
Bəlkə heç Gülsarə Kərimovnanın adı dövlət sənədlərində məhkəmə sədri kimi rəsmiləşdirilməyib ? 
Bəlkə, Gülsarə Kərimovna “kitayski”  məhkəmə sədridir ?
Bəlkə geydirmədir ? 
Bu boyda saxtakarlıq olmaz ee…
Axı, Vəkillər Kollegiyası ciddi qurumdur, rəhbəri də ciddi şəxsdir. Bəs, onda onun dediklərini necə başa düşək ? 
Amma Anar Bağırovun dediklərində  həqiqət payı olduğu  hiss olunur. 
Biz axı neçə vaxtdır ki, deyirdik, yazırdıq, cəmiyyətə  car çəkirdik ki, Gülsarə Kərimovna  nəsə elə bil başqa planetdən gələnə oxşayır, məclislərdə şirin sudan içib mikrafonu götürüb qəribə mahnılar oxuyur, qəribə hərəkətlər edir…
Nə isə hörmətli Anar müəllimin dedikləri bizi xeyli uzaqlara apardı…
Yazının bu yerində  yenə Məşədi İbad yadımıza düşdü..
Ay aman, qoymayın bu kişi çıxdı.
P.S Bu mövzu geniş müzakirə tələb edir.