Cənab nazir ! 
“Gündəlik-Bakı” qəzetinin Baş redaktoru olaraq bildirirəm ki, Sumqayıt Şəhər Səhiyyə Şöbəsinin müdiri Səkinə Sadıqovanın qanunsuz əməlləri, tender maxinasiyaları, tabeçiliyində olan şəxslərə qarşı qanunsuz hərəkətləri, dövlət vəsaitini mənimsəməsi və s barədə silsilə araşdırma yazıları dərc etmişik. 
Və qarşı tərəfin cavab haqqını da hər dəfə xüsusi  olaraq qeyd etmişik. 
Amma  Səkinə Sadıqova  yazdıqlarımıza sivil qaydada cavab vermək əvəzinə redaksiyamıza özünü Qarabağ qazisi kimi təqdim edən Elvin Qəhrəmanlının adından zəng etdirərək  kollektivə hədə-qorxu gəlir, basqın edəcəyini, “ordu yeridəcəyini”, sui-qəsd edəcəyini bildirir. 
Elvin Qəhrəmanlı  telefon söhbətinə  Səkinə Sadıqovanın Qarabağ əlillərinə 4 min manat yardım etdiyini açıq-aşkar bildirib. 
Görünür, Səkinə Sadıqova öz çirkin əməllərinə Qarabağ əlillərini də bulaşdırmaq  istəyir. 
Biz bir media olaraq zəng edən şəxsin həqiqətən də Qarabağ əlili olub-olmadığını deyə bilmərik. Bunu araşdırmaq  bizim vəzifəmiz deyil  və buna imkanımız da yoxdur. 
Amma Səkinə Sadıqovanın xeyli müddət Ruhi dispanserdə müalicə olunduğunu,  belə bir şəxsin rəhbər vəzifədə çalışmağa layiq olmadığını deyə bilərik. 
Səkinə Sadıqova koronavirus  pandemiyasının tüğyan elədiyi bir zamanda  tabeçiliyində olan “Sumqayıt Təcili Tibbi Yardım” kimi vacib  qurumu korrupsiya mərkəzinə çevirib. Sürücülərə benzini, ehtiyyat hissələrini pulla satır. Və nəticədə  İMDAD gözləyən ağır xəstələr günlərlə təcili yardım gözləməli olurlar. 
Vaxtilə  ruhi xəstə olan  Səkinə Sadıqova çoxminlik Sumqayıt səhiyyə kollektivində intriqa yaradır, baş həkimləri şantaj edir. 
Biz bütün bunları yazaraq  Səhiyyə Nazirliyinə, TƏBİB-in rəhbərliyinə, İcbari Tibbi Sığorta Agentliyinə müraciət etmişik. Ki, konkret tədbir görsünlər. 
Bütün bu yazdıqlarımızın qarşılığında heç bir qurumdan  rəsmi cavab almamışıq. 
Amma  Səkinə Sadıqova əlillərdən bizə qarşı deyəsən, “killer”  kimi istifadə etmək istəyir. 
Cənab nazir ! 
Sizə və fəaliyyətinizə hörmət və etiramımızı  bildirməklə xahiş edirik ki, Səkinə Sadıqovanın kollektivimizə qarşı  olan hədə-qorxu, təhdid əməlləri ciddi araşdırılsın. 
Biz sivil, demokratik bir ölkədə yaşayırıq. Sizdən xahiş edirik ki, Səkinə Sadıqova kimi məmurların “İŞİD” metodları ilə azad mətbuatı susdurmaq  niyyətinə son qoyulsun. 
Onu da qeyd edək ki, məsələ ilə bağlı DİN-in 102 Xidmətinə məlumat vermişik.