Sumqayıt Səhiyyə şöbəsinin müdiri Səkinə Sadıqovanın qanunsuz əməlləri...

“Gündəlik-Bakı”  olaraq Sumqayıt Səhiyyə şöbəsinin müdiri Səkinə Sadıqovanın əməlləri barədə xeyli  vaxtdır  faktlara söykənən araşdırma yazıları dərc edirik. 
Qısa məlumat üçün qeyd edək ki,  səhhəti-sağlamlığı tutduğu vəzifəyə uyğun gəlməyən bu xanım 300 min əhalisi olan Sumqayıt şəhərində insanların sağlamlığı üçün məsuliyyət daşıyır. 
Bunun üçün birinci adamın özü sağlam olmalıdır. 
İkincisi  dövlətin xəstə vətəndaşlara pulsuz verdiyi  dərmanları satan adamdan  necə rəhbər ola bilər? 
Axı, bu insanların imkanı olsaydı heç dövlətdən pulsuz  dərman gözləməzdi...
Üçüncüsü, deyilənə görə, bu xanım koronavirus pandemiyası dövründə COVİD pasportu satmaqla məşğuldur...
Dördüncüsü, Səkinə Sadıqova  Sumqayıt şəhərindəki  xəstəxanalarda çalışan tibb işçilərinə, baş həkimlərə cəhənnəm əzabı yaşadır. 
Belə ki, istədiyi həkimi işdən azad edir, xoşu gəlməyən baş həkimin xəstəxanasını şöbəyə çevirir, kimisə vaxtından əvvəl taqaüdə göndərir, pulunu alıb təqaüd yaşı çatanların müddətini uzadır, bir sözlə, Sumqayıt səhiyyəsində at oynadır. 
Bütün bunlar azmış kimi,  Səkinə Sadıqova tabeçiliyində olan Sumqayıt Təcili Tibb Yardım Mərkəzini  rüşvət və korrupsiya yuvasına çevirib. 
Belə ki, dövlətin  təsili yardım maşınlarına ayırdığı vəsaiti mənimsəyir, benzini, maşın yağını, ehtiyyat hissələrini Qarajın müdiri  Kamran Əhmədovun əli ilə satdırıb mənimsəyir. Nasaz vəziyyətdə olan və çağırışa gedə bilməyən sürücülərə isə deyir ki, öz cibinizdən benzin, ehtiyyat hissələri alın. 
Və Səkinə Sadıqova bu qanunsuz əməllərini TƏBİB-dəki qrup rəhbəri olan Rəşada  arxalanıb edir. 
Ümumiyyətlə, Səkinə Sadıqovanın “qara kassa”sı olan Kamran Əhmədovla bağlı cinayət işi var. 
Bütün bunlar Gündəlik-Bakıya istinadla ölkə mətbuatında yayılır. Amma...
Əmması odur ki, Sumqayıt şəhər prokuroru cənab Müqəddəs Sultanovun, Sumqayıt ŞPİ-nin rəisi  cənab Fəqan Azadəliyevin, DTX-nın Sumqayıt şəhər şöbəsini və  digər əlaqədar qurumların  səsi eşidilmir. 
Cənablar, şəhərdə baş verən qanunsuzluqlara görə ilk öncə siz hərəkət etməlisiniz, media yox. 
Amma biz  bütün hədələrə, təhdidlərə  baxmayaraq bu qanunsuzluqlara son qoymaq üçün çalışırıq. 
Barı, sizlər də bizim səsimizə səs verin, konkret tədbir görün. 
Axı, sağlamlığı  tutduğu vəzifəyə uyğun gəlməyən birisi 300 min insanın talehi ilə oynayır, daha doğrusu, alver edir. Axı biz danışan faktları göstəririk, sizə təqdim etmək istəyirik, niyə siz bu işləri araşdırmaq istəmirsiniz?
Bizi izləyin. Araşdırmalarımız  davam edir.