İcra başçısı işə velosipedlə, bəlkə atla gəlib-gedir…

RİH-nin saytında  bütün qrafalar niyə boşdur ? 

Neçə illərdir ki, Gündəlik-Bakı olaraq yazırıq ki, rayonların icra hakimiyyətlərinin saytı  hansısa həvəskarın, yaxud bloqqerin saytı deyil. Bu rəsmi dövlət orqanının, hakimiyyətin saytıdır, burada  bir qayda-qanun yaradın. 
Amma kimə deyirsən..? 
Hər  rayon icra hakimiyyətinin saytı  öz başçısına oxşayır. 
İndicə  İmişli Rayon İcra Hakimiyyətinin saytını açırıq. 
http://www.imishli-ih.gov.az/
Bilmək istəyirik görək  bizə daxil olan məlumatlar nə dərəcədə  həqiqətə uyğundur, ya yox, amma...
Əmması odur ki,  saytda icra başçısının adının qarşısında Rzayev  Elçin Adil oğlundan başqa  heç bir məlumat yoxdur. 
Təsəvvür edirsiniz bu adamın adının qarşısında adicə telefon nömrəsi də yoxdur. 
Bəs görəsən bu adam işçilərlə necə əlaqə saxlayır..? 
Təsəvvür edirsiniz  icra başçısının 1-ci və digər müavinin adının qabağı boş qalıb, telefon nömrəsindən danışmağa  dəyməz. 
RİH  başçısının köməkçisi  qrafası da bomboşdur. 
Vallah, bizi qınamayın, dəlixanadır. 
Bəs icra başçısı köməkçi olmadan necə işləyir ? 
Axı, icra başçısı  Elçin Rzayev 2 ildir  bu vəzifəyə təyin olunub. Hələ özünə katibə, köməkçi-zad götüməyib..? 
Hələ bu harasıdır ? 
Adətən icra hakimiyyətlərinin saytlarında sürücüləri texniki işçi kimi göstərirlər. 
İmişli RİH-nin saytında  sürücü  də yoxdur. 
Bəs  Elçin Rzayev işə necə gəlib-gedir..? 
Bəlkə velosiped sürür, bəlkə atla, dəvə ilə işə gəlib gedir..?
Necə yəni köməkçi yox, sürücü yox  və s..
Bəlkə, cənab başçı  köməkçisini  və sürücüsünü  mediadan gizlədir ? 
Çünki bizə daxil olan məlumata görə, iki il əvvəl Elçin  Rzayev icra başçısı olan kimi qardaşı  Şamil Rzayevi özünə köməkçi götürüb. Bacısı oğlu  Hafizi  isə özünə sürücü təyin edib. 
Deməli,  icra başçısı  Elçin Rzayev  icra hakimkiyyətini  ailə podratına çevirib. 
Hələ bu harasıdır ? 
İcra başçısının qardaşı, yəni köməkçisi  Şamil Razyev rayondakı bütün bələdiyyə  sədrlərinə deyib ki, mənə aylıq verməlisiniz. 
Adama deyərlər bələdiyyə sədrlərinin köməkçiyə  nə dəxli var..? 
Məlumdur ki, İmişli RİH-nin sabiq başçısı, hazırda həbsxanada olan  Vilyam Hacıyevin həbsindən sonra Elçin Rzayev rayona icra başçısı təyin olundu. 
İndi bir biabırçılığa da nəzər salaq ? 
RİH-nin saytında  (http://www.imishli-ih.gov.az/)  icra başçısı ilə bağlı bircə cümlə yazılıb. Kimin şübhəsi varsa, buyurub baxsın. 
İcra Hakimiyyətinin başçısı
- Rzayev Elçin Adil oğlu
Lənət şeytana.  Bu adamı kim, nə vaxt, neçənci ildə icra başçısı təyin ediblər..? 
Bu adam harada doğulub, harada yekəlib, harada oxuyub,  harada işləyib, kimin qohumudur..? 
Niyə bunları gizlədir ? 
Özümüz xeyli  axtarışdan sonra  öyrənə bildik ki, 21 may 2020-ci ildə  Elçin Rzayev  İmişliyə icra başçısı təyin olunub. Özü də hansı ali məktəbi bitirdiyi, orduda olub-olmadığı bəlli deyil. Ancaq o məlumdur ki, Elçin Rzayev Əmlak Məsələləri Dövlət Komitəsində Kərəm Həsənovun yanında  şöbə  müdiri işləyib.  Sonra  Əziz Əzizov Cəlilabaddan Yasamal Rayon İcra Hakimiyyətinin başçısı vəzifəsinə təyinat aldıqda  Elçin  Rzayev onun yanında qısa müddət rayonun Ərazi idarəetmə və yerli özünüidaretmə orqanları ilə iş şöbəsinin müdiri işləyib, 1 ay sonra  müavin olub  və oradan da İmişliyə icra başçısı gedib. 
Bu adam Dövlət Əmlak Komitəsində çalışdığı zaman milyonlara sahib olub. Bununları qoyaq bir kənara. 
Təsəvvür edirsiniz ki, rayon camaatının dediyinə görə hər ay rayondakı bələdiyyələrdən, idarə müdirlərindən, iş adamlarından nə isə alan  icra başçısı   bir Qarabağ  qazisinin  yanan evini təmir etdirə bilmir və deyir ki, məndə vəsait haradandır ? 
Qarabağ  qazisi deyir ki,  qohumların köməyi ilə  tikdiyim  evim yanıb kül olub, hazırda yaşamağa yerim yoxdur, bir balaca daxmada  gecələyirik.  Ancaq icra başçısı  Elçin Rzayevin heç vecinə də  deyil. 
Rayon sakinləri deyir ki, təzə  icra başçısı Elçin  Rzayev köhnə, həbsdə olan icra başçısı Vilyam Hacıyevin dədəsinə rəhmət oxutdurur. 
Elçin Rzayev  Vilyam Hacıyevin köhnə, korrupsioner komandası  ilə elə çulğalaşıb ki...
Bəli, Vilyam Hacıyevlə birgə rayonu  xaraba qoyan məmurlar  məhkəmədə Vilyam Hacıyevin üzünə durduqları kimi bir gün də  Elçin Rzayevin üzünə duracaqlar. 
İcra başçısı  abadlıq və quruculuq  işləri adı altında  dövlətin ayırdığı vəsaiti mənimsəyir. 
İcra başçısından soruşan lazımdır ki, rayondakı Şəhidlər Xiyabanını hansı sahibkarın pulu ilə tikdirmisən..? 
Bəs dövlətin vəsaiti   hara gedib..? 
Bir sözlə, icra başçısı Elçin Rzayev Prezidentin etimadını  doğrultmur. Deyəsən vaxtı çatıb..
Qarşı tərəfin  mövqeyini dərc etməyə hazırıq.