Sabiq nazir Hüseynqulu Bağırovun “qara kassası”  indi də Muxtar Babayevin “kassir”idir...

Bütün dünyada məmurların, hətta prezidentlərin fəaliyyətinə  konkret müddət qoyulur. O müddət keçən kimi məmur vəzifəsindən uzaqlaşdırılır. 
Bu məhkəmə sədrlərinə, digər vəzifə sahiblərinə də aiddir. 
Amma təsəvvür edin ki, bizdə  Firdovsi Əliyev adında bir nazir müavini var,  18 ildir ki, eyni vəzifədə, nazir müavini postunda oturub. 
Adam, az qalıb ki, bir qərinə ola ee….
Söhbət 2004-cü ildən Azərbaycan Respublikası Ekologiya və Təbii Sərvətlər Nazirinin müavini olan Firdovsi Əliyevdən gedir. 
Bu adamın tərcümeyi-halına bir nəzər salaq.
Əliyev Firdovsi Şahmirzə oğlu 1961-ci il mayın 5-də Lerik rayonunun Monidigah kəndində anadan olmuşdur.

1983-cü ildə Azərbaycan Dövlət Pedaqoji Universitetinin coğrafiya-biologiya fakültəsini bitirib.
1988-1991-ci illərdə Azərbaycan Respublikası Elmlər Akademiyası Coğrafiya İnstitutunda aspirant olub.
1991-1993-ci illərdə AMEA Coğrafiya İnstitutunda kiçik elmi işçi, 1993-2000-ci illərdə AMEA Torpaq və Aqrokimya İnstitutunda böyük elmi işçi vəzifəsində çalışıb.
1994-cü ildən kənd təsərrüfatı elmləri namizədidir. Yeni Azərbaycan Partiyası Siyasi Şurasının üzvüdür.
2000-ci ildə Bakı Dövlət Universitetinin hüquq fakültəsini bitirib. 1995-2000-ci illərdə Azərbaycan Respublikası Milli Məclisinin deputatı olub.
2002-ci ildə Azərbaycan Respublikasının Ekologiya və Təbii Sərvətlər Nazirliyində Ekoloji Siyasət İdarəsinin rəisi və 2003-cü ildə Ekspertiza İdarəsinin rəisi işləyib.
2004-cü ildən Azərbaycan Respublikası Ekologiya və Təbii Sərvətlər Nazirinin müavinidir.
2021-ci ildə Azərbaycanda ətraf mühitin və təbii sərvətlərin qorunmasında xidmətlərinə görə 2-ci dərəcəli “Vətənə xidmətə görə” ordeni ilə təltif olunub.
Deməli, bu adam nazir müavini olmaqdan əvvəl də Ekologiya Nazirliyində mühüm vəzifələrdə işləyib, yəni 20 ildən çoxdur  Azərbaycan ekologiyasını pis günə qoyur. 
Bu adamın bir neçə müsahibəsini diqqətlə vərəqləsək də bir maraqlı fikirə rast gəlmədik. 
Cənab nazir müavini  Firdovsi  Əliyev öz müsahibəsində deyir ki, vaxtilə Zəngilanda sıx meşələr olub, ermənilər sonradan qırıblar. 
Cənab nazir müavini Firdovsi Əliyev, icazə  ver nəzərinizə çatdıraq ki, sənin nazir müavini olduğun 20 ildə heç də az meşələr qırılmayıb. 
Erməniləri başa düşdük ki, düşməndirlər və meşələrimizi məhv ediblər. 
Bəs sən və sabiq nazirin  Hüseynqulu Bağırov guya ermənilərdən az meşələri məhv edib..? 
Bəs niyə bircə dəfə də olsun səsini çıxarmamısan..?
Bütün Azərbaycan  gözəl bilir ki, Hüseynqulu Bağırovun sağ əli  və “qara kassası”  sən olmusan…
Cənab Firdovsi Əliyev, sonuncu müsahibəndə demisən ki, ermənilər işğal olunmuş ərazilərdə narkotik bitkilər əkiblər…
Tamamilə düzdür. 
İndi icazə ver səndən soruşaq ki, bizim meşələrdə tonlarla narkotik bitkilərin əkilməsi ilə bağlı  RƏSMİ xəbərlər yayılıb  dəfələrlə. 
Bundan sənin və  rayonlardakı nümayəndələrin, meşə bəyilərin guya xəbəri yox idi…? 
Bizim meşələrimizi təkcə ermənilər deyil ee, başda Hüseynqulu Bağırov olmaqla  sanki Firdovsi Əliyevlər işğal etmişdi. 
Bu illər ərzində neçə yüz minlərlə ağac doğranıb mebel sənayesinə material olub. 
Meşələri heyvandarlıq fermerlərinə  örüş yeri kimi satan erməni olub, yoxsa siz olmusunuz, cənab Firdovsi Əliyev ? 
Firdovsi Əliyev,  deyirsən ki, böyük şair Nəsiminin 650 illik yubileyinə görə, rayonlarda 650 min ting əkəcəyik. 
Səndən tələbimiz odur ki, 650 min ting əkməyi saxla  özünə, bizim ölkənin meşələrinə toxunma. Sənin ting əkməyin lazım deyil. 
Bəli, bütün media  yazır ki,  Oğuzda, Qəbələdə, Lerikdə meşələri qırdıran Firdovsi Əliyev şair Nəsimin yubileyində 650 min ağac əkmək istəyir…
Bəli, sən öz doğulduğun, böyüdüyün Lerikin meşələrini məhv etmisən. 
Sən  Qəbələdə, Oğuzda, Lerikdə  mebel  mafiyası üçün  100 minlərlə  ağacı  məhv etdirdin və  milyonlar qazandın. 
İndi dahi şairin adından istifadə edib guya ağac əkmək istəyirsən...
Meşələri məhv etməyi bir yana  Firdovsi Əliyev hətta “Vətənə xidmətə görə” orden  də alıb. 
Firdovsi Əliyev,  sənin bu vətən qarşısında hansl xidmətin olub ? 
Nazirliyin Meşə Təsərrüfatlarına  təyin etdiyin müdirlərdən aldığın hədiyyələrin hesabına qurduğun biznesin miqyası xarici ölkələrə qədər gedib çıxır....
Hərdən Meşə işçiləri  həbs ediləndə sən yada düşürsən...
O sıravi meşə işçilərinin nə günahı var ?
Bütün bu cinayət əməllərinin başında  19 ildir sən dayanmısan...
Deyəsən yeni Ekologiya naziri Muxtar Babayevlə dil tapıb əməkdaşlıq edirsən. 
Amma unutma ki, məmurların həbs dalğası bir gün sənə də yetişəcək. 
Yazıda  bir çox saytların materiallarından istifadə edilmişdir. 
Qarşı tərəfin mövqeyini dərc etməyə hazırıq.