Yasamalda  vətəndaşların yolunu  kəsən “Araz”...

İki il öncə ölkə mediasında yayılan məlumatdan bəlli olurdu ki,  “Favorit Market”lər şəbəkəsi  rəsmən “Araz”  marketlər şəbəkəsinə birləşdiyini elan edib. 
Daha dəqiq desək,  “Favorit Marketin” aid olduğu “Baku Retail Group” MMC  “Araz Supermarket” MMC-yə qoşularaq ləğv edildiyini açıqlayıb.
Beləliklə “Baku Retail Group” MMC-nin bütün hüquq və öhdəlikləri təhvil aktı üzrə “Araz Supermarket” MMC-yə ötürülüb.
“Araz Supermarket” MMC də “Baku Retail Group” MMC-nin ləğv olunaraq ona qoşulması nəticəsində yenidən təşkil edildiyini, “Baku Retail Group” MMC-nin bütün hüquq və öhdəliklərinin təhvil aktı üzrə “Araz Supermarket” MMC-yə keçdiyini elan edib.
Belə ki, 2011-ci ildən fəaliyyətə başlayan “ARAZ SUPERMARKET” və 2008-ci ildən fəaliyyətdə olan “FAVORİT-MARKET” şəbəkələri birləşərək pərakəndə sektorda birgə fəaliyyətə qərar verdilər.
Qısa məlumat üçün qeyed edək ki, “Araz”  marketlər şəbəkəsi  Aydın  Talıbovun  sahibi olduğu  “Veysəloğlu” şirkətlər qrupuna məxsusdur. 
Daha doğrusu, Aydın Talıbov, “Araz”, “Oba”  marketlər şəbəkəsi ilə kifayətlənməyib  və “Favorit”  marketlər şəbəkəsini də öz əlinə keçirib. Və…
Aydın Talıbov deyir ki, dünya təcürbəsinə istinad edərək söyləyə bilərik ki, bu cür birləşmələr pərakəndə sektorun inkişafına səbəb olur. Pərakəndə sektorun inkişafı öz növbəsində yerli istehsalın artmasında mühüm rol oynayır. Yerli istehsal sektorunun inkişafı isə ölkə iqtisadiyyatının əsas təkan verici qüvvəsi hesab olunur.
Ay Veysəl müəllimin oğlu, sənin iqtisadiyyatdan başin çıxır, yoxsa, yox, amma  dünya iqtisadiyyatı ANTİİNHİSAR qaydaları əsasında  rəqabətə davam gətirir. Sən bütün marketləri öz əlində cəmləşdirirsən, inhisarçılıq edirsən, sağlam rəqabətə imkan vermirsən və…üstəlik deyirsən ki, guya bu iqtisadiyyatın inkişafı deməkdir. 
Sən hansı inkişafdan danışırsan..? 
Sənin  öz şirkətlərinə qoşduğun “Favorit”  marketlər şəbəkəsinin adı  velosiped yolunun kəsilməsində hallanıb. 
Hətta  mediada  “Favorit” market velosiped yolunu “işğal” edib  başlıqlı  xəbərlər yayılıb. 
Bəli, Binəqədi – Novxanı yolunda  “Azəravtoyol”un təşəbbüsü ilə yolda velosipedçilər üçün xüsusi zolaq ayırılıb və yolun bu hissəsi işarələnib. Amma təəssüf ki, yolun kənarında olan “Favorit” market velosipedçilərin zolağını “işğal” edib və alış-verişə gələnlər üçün dayanacaq yaradıb.
Və nəticədə,  öz zolağında olan velosipedçi hərəkətinə davam etmək üçün marketin qarşısında xətlənmiş zonada dayanan avtomobillərə görə əsas yola çıxmaq məcburiyyətindədir. Bu isə açıq-aşkar qəza, insan ölümü  deməkdir.
Yeri gəlmişkən,  Gündəlik-Bakı olaraq bir neçə gün öncə  Yasamal rayonunda “Araz”  marketin nəinki velosipedçilərin, hətta  məktəblilərin yolunu kəsməsi ilə bağlı geniş bir  yazı və VİDEO material paylaşmışdıq. 
Deməli, Aydın Talıbov  mahiyyətcə,  sanki yolkəsəndir, Binəqədidə yol kəsir, Yasamalda yol kəsir və s…
Aydın Talıbova  deyirik ki, müəllimlərin sənə YOL ÇƏKMƏYİ, yoxsa YOL KƏSMƏYİ öyrədib..? 
Bu hələ harasıdır..? 
Favorit marketləri  həmişə müştərilərin  həyatını təhlükəyə atıb. 
Belə ki, marketdə  “remont”-təmir gedə-gedə  müştərilərə ərzaq  məhsulları satılır, marketdə toz-torpaq, sement, əhəng ərzağa  qarışıb. Bu barədə videomaterial da  var və  hadisə Yasamal rayonunda, keçmiş Çörək zavodu adlanan ərazidə baş  verib. 
İndi gördünüzmü,  “Favorit”də  baş verənlərin ən pisi  “Araz”da, “Oba”da baş verir. 
Nə qədər yazmaq olar ki, “Araz”da, “Oba”da  kiflənmiş pendir  satırlar, Patron tumlarının içindən mıx-mismar çıxır, Rusiyadan gətirilən toyuqlar iy verir və s…
Belə faktlar yüzlərlədir. 
İndi başqa bir  misala nəzər salaq. 
“Favorit”   marketdə  yanğın olub və tüstüdən zəhrələnənlər  xəstəxanaya  yerləşdirilib. 
“Araz”  marektin  tavanı uçub və  marketdə olan reklam meneceri xanım  xəsarət alaraq xəstəxanaya yerləşdirilib. 
Görürsünüzmü,  Aydın Talıbovun  bütün obyektlərində eyni problemlər yaşanır. 
“Favorit”  market  alıcıları aldadır….
Bəli, marketdən alınan balıq filesinin qablaşdırmasını açan zaman  alıcı  şoka düşüb. 
Alıcı balıq filesinin üzərindəki buz qatını əli ilə qıraraq bütöv çəki üçün verdiyi pulun yarısını əslində su üçün ödədiyini bildirir. Alıcı balıq filesi üzərindəki buz qatını qırıb qabın içinə tökür. Sonda qabda ən az balıq filesinin çəkisinin özü qədər buz qatı toplanır.  
Bəli, alıcının BALIQ adı ilə aldığı  məhsulun yarısı SU çıxıb. 
Buna nə deyirsən, Veysəl müəllimin oğlu..? 
Vallahi, piştaxtadakı qiymətlərlə  kassadakı qiymətlər arasındakı fərqi yazmaqdan bezmişik. 
Ona görə də yazını bu yerdə bitiririk. Və Aydın Talıbovdan soruşuruq ki, sən  niyə  əməkdaşlarına adi etika qaydalarını öyrətmirsən. Ki, alıcılarla  “moral” oxuyurlar, alıcıları  aşağılayırlar…
Bu barədə növbəti yazıda. 
Bizi izləyin.
Yazıda başqa saytların materiallarından istifadə edilib.
Qarşı tərəfin mövqeyini dərc etməyə hazırıq.