Antiinhisar və İstehlak Bazarına Nəzarət Dövlət Xidməti  “Veysəloğlu”na qarşı  iş qaldırıb…

Digər dövlət qurumu Vergilər Xidməti  “Veysəloğlu”na qarşı  2 milyondan çox sanksiya…

Buna nə deyirsən, cənab Aydın  Talıbov..? 


Bir  müddət əvvəl  ölkə mediasında  İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti tərəfindən “Veysəloğlu” şirkətinə qarşı iş qaldırılması barədə məlumat yayılmışdı. 
Dövlət Xidmətinin yaydığı  məlumata görə, şirkət ona ünvanlanan sorğuları cavablandırmayıb: “2021-ci ildə dünyada baş verən qlobal qiymət artımı fonunda ölkəmizdə də bir sıra ərzaq məhsullarının qiymətində dəyişiklik müşahidə edilir. Qiymət manipulyasiyalarının qarşısının alınması üçün İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti bazarda antiinhisar qanunvericiliyinin tələblərinə əməl olunmasına nəzarət məqsədilə araşdırmalara başlayıb. Dövlət Xidməti tərəfindən yerli idxalçı müəssisələrə zəruri sənəd və məlumatların təqdim olunmasına dair sorğular göndərilib”.
Göndərilən sorğulara əksər təsərrüfat subyektləri tərəfindən vaxtında cavab verilməsinə baxmayaraq, “Veysəloğlu” MMC tərəfindən Dövlət Xidmətinə heç bir sənəd və məlumat təqdim edilməyib. Bununla əlaqədar, Dövlət Xidməti “Veysəloğlu” MMC barəsində antiinhisar qanunvericiliyinin pozulması əlamətləri üzrə iş qaldırıb, sanksiya  tətbiq edilib. 
Bu xəbərdən xeyli əvvəl biz  Gündəlik-Bakı olaraq Aydın Talıbovun sahibi olduğu  “Veysəloğlu”  şirkəti və şirkətin tabeçiliyində olan “Araz”, “Oba” marketlərində baş verən qanunsuzluqlardan yazmışdıq. 
Amma bizim yazdıqlarımızı   Aydın Talıbovun şirkəti cavabsız qoymuşdu. 
Həə, indi sualın yeridir ki, buna nə deyirsən, cənab Aydın Talıbov..? 
Biz bir media olaraq  yazanda qəzəblənirsən, məhkəməyə müracaiət edirsən, bəs indi niyə Dövlət Xidmətini məhkəməyə vermirsən..? 
Bu birinci dəfə deyil ee, cənab Aydın  Talıbov..
Bundan öncə də  “Veysəloğlu” barədə bir neçə dövlət qurumu, o cümlədən Azərbaycan Qida Təhlükəsizliyi Agentliyi tərəfindən müəyyən addımlar atıldığına dair məlumatlar açıqlanıb. 
Düzdür, hər dəfə cənab Aydın Talıbov hansısa  güclü əlin sayəsində vəziyyətini düzəldə bilir. 
Amma, bir gün o güclü əl olmayanda görəsən, Aydın Talıbov  nədən yapışacaq..? 
Daha  bir dövlət xidməti də Aydın Talıbovun şirkətinə qarşı sanksiya tətbiq edib. 
Belə ki, Vergi  Xidməti  Bakı şəhəri Lokal Gəlirlər Departamenti “Veysəloğlu” şirkətində yoxlamalara başlayıb. 
Bu barədə  Azsiyaset.com xəbər yayıb. 
Bildirilir ki, 2022-ci ilin yanvar ayının əvvəlində “Veysəloğlu” şirkətinə məxsus olan onlarla müəssisədə səyyar vergi yoxlamaları həyata keçiriləcək. Şirkətdə yoxlamaların aparılması ilə bağlı qərarın ən üst səviyyədə verildiyi qeyd olunur. Məhsullarını vergi ödəyiciləri vasitəsilə satışa çıxaran “Veysəloğlu” şirkətinin məhz bu yolla vergidən yayındığı və dövlətə külli miqdarda ziyan vurduğu bildirilir.
Mənbə iddia edir ki, “Veysəloğlu” şirkətinin rəhbərliyi Vergilər Xidmətində  müəyyən şəxslərlə işbirliyi qurub. Elə buna görə də şirkətin bir neçə dəfə cərimə edilməsinə baxmayaraq, külli miqdarda vergidən yayınma hallarına son verilmir.
Qeyd edək ki, 2019-cu ilin əvvəlində də “Veysəloğlu” şirkətində səyyar yoxlamalar aparılmış və külli miqdarda vergidən yayınma halları aşkar edilmişdi. Məhz bu qanunsuzluğa görə “Veysəloğlu” şirkətinə 2 milyon manatlıq maliyyə sanksiyası da tətbiq edilmişdi.
Bütün bunları biz yazanda  daşımız ağır olur, amma dövlət qurumları bəyan edəndə  Aydın Talıbovun səsi də çıxmır. 
Amma  Gündəlik-Bakı  yazanda ki,  qiymətləri  son 4-5  ayda  40 faiz qaldırmısan….dinmirik…
Qurdlu şokoladı millətə yedirirsən, dinmirik…
Kiflənmiş  pendiri  kasıb təbəqəyə satırsan  səsimizi çıxarmırıq…
Vaxtı keçmiş balıq məhsullarını  satırsan susuruq…
Qiymətləri süni şişirdirsən,  Prezidentin tapşırıqlarını saymırsan….
Deyirsən 17 min işçim var….
Revizora  35 min manat əmək haqqı verirsən…
İşçiləri gündə  10-12 saat işlədirsən…
Əmək Müfəttişliyi səndən soruşur ki, niyə ölkə qanunlarını pozursan ? 
Hə, Aydın Talıbov, sənə neçə ay əvvəl  yazmışdıq ki,  sənə bir  AUDİT yoxlaması bəs edəcək. Hələ biz əmək müfəttişliyinin yoxlamasından danışmırıq.
Bax, yenə də həmin fikrə gəlirik ki, bir obyektiv AUDİT  yoxlaması, sənə himayədarlıq edən şəxslərin gözə görünməməsini ortaya qoyacaq. Başlayaq şərikin Pərvizdən, bilirsiniz Pərviz kimdir?

Bu haqda növbəti yazıda. 
Qarşı tərəfin mövqeyini dərc etməyə hazırıq.