Gündəlik-Baku.com  olaraq Bakı şəhərində sərnişindaşıma fəaliyyəti göstərən,  “Xaliq Faiqoğlu” şirkətinin baş direktoru Faiq Seyidovun əməlləri barədə kifayət  qədər yazmışıq. 
Və hər  dəfə də Faiq Seyidova bildirmişik ki, bizim səninlə şəxsi müstəvidə heç bir problemimiz yoxdur. 
Sən bizi məhkəmə ilə hədələməklə problem həll olunmur. 
Bu gün də bir daha Faiq Seyidova  deyirik ki, havanın 32 dərəcə  isti olduğu  bir zamanda  300 min sərnişini niyə bişirə-bişirə mənzil başına aparırsan.
Axı, adamın bir insafı olar. 32 dərəcə isti bayırdadır, avtobusun içində bir o qədər insanın nəfəsi və s…deməli 40 dərəcədə sərnişinlər qan tərin içində gedirlər.
Faiq Seyidov, sənin özünü, ailə üzvlərini  avtobusa mindirsələr gedə bilərsənmi…? 
Nə üçün  bu dərəcədə istidə avtobusdakı kondisionerlərin işləməsinə imkan vermirsən..? 
Bunun səbəbini öyrənmək üçün dəfələrlə sənə məxsus şirkətin 012-430-85-85 nömrəsinə zəng etsək də normal cavab verməyiblər. 
Amma biz bunun səbəbini  bilirik. 
Faiq  Seyidov, sənin sərnişinin təhükəsizliyi, rahatlığı düşündürmür, səni pul düşündürür. Bilirsən ki, kondisionerlər işləyəndə  benzin, yəni pul gedir. 
Onu da qeyd edək ki,  xaricdən gətirdiyin ucuz avtobuslarda heç pəncərə də yoxdur, hamısı bağlı şüşələrdir. 
İndi  istəyirsənsə,  bizi ver məhkəməyə, bu sənin hüququndur. Amma bu yolla problem həll olunmayacaq. 
Biz sənə  bir daha xəbərdarlıq edirik ki, Faiq  Seyidov, belə davam eləsən, təkcə sərnişinlər deyil, hətta  sürücülər də sənə qarşı aksiya keçirəcək.
Axı, insanların hüquqlarını nə dərəcədə pozmaq olar. 
Biz Gündəlik-Bakı olaraq əbəs yerə yazmadıq ki, səni sərnişinlərin  talehi maraqlandırmır. 
Bəli, sürücülər xəttə çıxmazdan qabaq  tibbi baxışdan keçməlidirlər...
Paytaxt  sərnişilərinin  həyatını etibar etdiyi  sürücülərin tibbi müayinəsi  sizin şirkətinizdə formal olaraq həyata keçirilir. 
Hər gün sahibi olduğunuz sərnişin  daşıma  şirkətinin sürücüləri  həkim tərəfindən yoxlanılmadan  kitabçasına yalandan möhür vurulur.
Və hər gün sürücülərdən 1 manat yığılır  sonra “peçat” vurulur və bu pul guya həkimə çatır…
Sürücü hətta  sağlam olsa belə,  1 manat verməsə, möhür vurulmur...
Cənab  Seyidov,  bilmirsənsə, nəzərinə çatdırırıq ki, dövlətin müəyyən etdiyi qaydaya əsasən sürücü xəttə çıxmazdan öncə onun durumu həkim tərəfindən yoxlanılmalıdır. Təzyiqi ölçülməli, ürəyin fəaliyyətinə diqqət yetirilməlidir. Bundan sonra sürücünün tibbi müayinə kitabına onun sağlam olduğunu təsdiqləyən həkim möhürü vurulur. Amma təəssüf ki, 300 min sərnişinin taleyinin məsuliyyətini daşıyan şirkətiniz bu qaydaya əməl etmir. 
Deməli hər gün 300 min sərnişini  təhlükə  ilə  üzbəüz  qoyursunuz. 
Faiq Seyidov, özün  öz dilinlə sonuncu müsahibəndə deyirsən ki, hər gün 300 min sərnişin  daşıyırsınız. 
Yəqin ki, orta məktəbdə riyaziyyat oxumusan. 
300 min X 30 qəpik = 90 min manat, bir gündə.
Deməli,  hər ay 3 milyon, hər il 36 milyon gəlir əldə edirsən. Zəhmət olmasa, illik 36 milyonun vergisinin nə qədər olduğunu ictimaiyyətə açıqlayardın. Biz belə bir qənaətə gəlirik ki, sizin vergidən yayınma probleminiz də var. Bu başqa bir yazının mövzusudur. 
Cənab Faiq Seyidov, bir media olaraq  bizim sizinlə problemimiz yoxdur. 
Sizin şirkəti cərimə edən, şirkətinizə sanksiya tətbiq edən də Gündəlik-Baklı deyil, adam. Başa düşdünmü..? 
Bakı Nəqliyat Agentliyi  vətəndaşlar tərəfindən ən çox şikayət olunan marşrut xətlərini müəyyənləşdirib.
Bu barədə BNA özü xəbər yayıb. 
Gözün aydın, Faiq Seyidov, ən çox şikayət olunan marşrut xətləri siyahısında sahibi olduğun  “Faiqoğlu” şirkətinin adı 1-ci yerdədir. 
Buna nə deyirsən, Faiq  Seyidov ? 
Oğlunuz  Xaliq Seyidovun  piyadanı vurub öldürməsindən, Ramiz Mehdiyevin  “oxrana”sının rəisi Təhməzin  bütün günü “Faiq Xaliqoğlu” şirkətinin ofisinin qabağında dolaşmasından yazmadıq ki..?
Biz sizin özəl həyatınızla bağlı çox şey yaza bilərik. Amma yazmırıq. 
Bizi sizin gündə 300 min insanı dövlətdən narazı salmağınız maraqlandırır. 
Axı, niyə insanları  bezdirisiniz, narazı salırsınız..?
Axı, dövlət sizə hər cürə şərait yaradıb və milyonlar qazanırsınız. Qazanın, amma insanlara zülm etməyin. Xidmətinizdən istifadə edən vətəndaş kimi, sizdən xahiş edirik ki, sürücülərinizə tapşırıq verin soyutma sistemlərini işə salsınlar və hərəkətin təhlükəsizliyini təmin etsinlər.
Qarşı tərəfin mövqeyni dərc etməyə hazırıq. 
P.S. Faiq Seyidov, şirkətinizə tapşırın telefonlara cavab versinlər.