Son illər  dövlətimizə və dövlətçiliyimizə  zərbə vuran, vətəndaşları  dövlətdən narazı salan və korrupsiyaya bulaşmış  xeyli sayda məmur vəzifəsindən uzaqlaşdırılıb.
Nəinki vəzifəsindən uzaqlaşdırılıb, hətta qanunusuz əmlakı müsadirə olunaraq həbs olunan məmurlar da az deyil. 
Hansı ki, bir neçə il əvvəl, bu məmurlar az qala özlərini toxunulmaz hesab edirdilər. 
Biz Gündəlik-Bakı olaraq dəfələrlə  Ağcabədinin sabiq, Masallının işdən yenicə azad olunmuş, öz röyalarında Göyçayın icra başçısı olmaq yuxusunu görən, eks icra başçısı Şahin Məmmədovun əməlləri barədə yazmışıq. 
Biz hətta Şahinin illər öncə mənsub olduğu dini təriqəti gizlətmək üçün media mənsubuna nə təklif etməsini də bilirik. Hətta mediada "yanıbalalı camış" söhbətidə eşidilmişdir. 
Amma Gündəlik-Bakının dəst-xəttinə uyğun olaraq  bizim üçün kiminsə etnik, dini, regional mənsubiyyəti deyil, dövlətə və dövlətçiliyə bağlı olması önəmlidir. 
Məsələn, xeyli müddətdir ki, Əmək və Əhalinin Sosial Müdafiəsi Naziri Sahil Babayevin minlərlə təqaüd alan vətəndaşları, təqaüddən məhrum etməsi və əvəzində yeni saxta taqaüdçülər ordusu  yetişdirməsi barədə yazmışıq. 
Deməli, sən minlərlə vətəndaşı, bu on minlərlə ailə üzvü  deməkdir, dövlətdən narazı sal və əvəzində özün üçün saxta təqaüd biznesi qur. 
Biz bunları yazanda başqaları kimi, Sahil Babayevin nənəsinin erməni olması, babasının hansı mövzuda kitab yazması  barədə deyil, dövlətçiliyə zərbə vurması barədə yazmışıq. 
Biz başqalarından fərqli olaraq Bərdə sakini olan təqaüdçünün nazirə müraciət edərək  “Əgər pensiyamı kəssən, gedib  qəbristanlıqda yatan nənən Lusiya Sergeyevna Munasyanın qəbri üstündə aksiya keçirəcəm” fikrini tirajlamamışıq. 
Amma əvəzində  cənab nazirin  həkimlərlə əlbir olaraq  saxta təqaüdçülər ordusu yaratmasını ciddi şəkildə təhlil edərək ortaya qoymuşuq. 
Bir daha  qeyd etmək istəyirik ki, bizim üçün nə Şahin Məmmədovun hansı dini təriqətə qulluq etməsi, nə də Sahil Babayevin nənəsinin erməni olması, Mirzə Melkumyanla qohumluğu maraqlı deyil. 
Bizim üçün  maraqlı olan hansısa təriqətə deyil, dövlətə qulluqdur. 
Bəli, illər uzunu yazdıqlarımız öz təsdiqini tapır. 
Və  cənab Prezident İlham Əliyev Masallının icra başçısı Şahin Məmmədovu vəzifəsindən uzaqlaşdırdı. 
Gündəlik-Bakının təhlili onu göstərir ki, Şahin Məmmədovu da həbs olunan və əmlakı müsadirə olunan icra başçılarının talehi gözləyir. 
Gündəlik-Bakıya daxil olan digər məlumata görə, nazir  Sahil Babayev də  yaxın zamanda vəzifəsindən uzaqlaşdırılacaq. 
Ümumiyyətlə,  yaxın zamanda  ölkədə ciddi kadr  islahatlarının aparılması gözlənilir.
P.S. Şahin müəllim, adamlarına denən getsinlər Alimpaşa ilə Mahirin qohumlarını tapsınlar. Sonrası növbəti yazıda.