Gülsarə Kərimovnanın qəbul etdiyi qanunsuz  qərar və qətnamələr ləğv edilməlidir…

Gülsarə Kərimovnanın müəmmalı həyat tərzi və iş qrafiki…



Azərbaycanda uzun müddət belə bir fikir formalaşıb ki, guya deputat, yaxud  məhkəmə hakimləri toxunulmazdır. 
Yəni bu iki statusa  malik şəxslər  istədiklərini edə bilərlər, qanunları poza bilərlər, amma onlara toxunmaq olmaz. 
Yəni istənilən məmura, hətta  nazirə, komitə sədrinə, icra başçısına “toxunmaq”  olar, amma hakimlər və deputatlar toxunulmazdır. 
Yəni bizim insanlar təəssüf ki, toxunulmazlıq məfhumunu beləcə bəsit şəkildə qəbul edirlər. Allah qoymasa, hakimlərimiz və deputatlarımız da belə düşünür. Amma…
Əmması odur ki, ötən il, yəni 2021-ci ildə  55 saylı Xaçmaz şəhər seçki dairəsindən Yeni Azərbaycan Partiyasının namizədi olaraq Azərbaycan Milli Məclisinin üzvü olan, deputat  Eldəniz Səlimovun polisi döyüb-söydüyünə görə, qısa  vaxtda deputat toxunulmazlığından məhrum edilərək həbs edilməsi bir daha göstərdi ki, heç kim toxunulmaz deyil. 
Yeri gəlmişkən, cənab sabiq deputat nə dərəcədə həddini aşıbsa, polisə əl qaldırır və nəticə göz qabağındadır. 
Yəni sənin deputatlığın, hətta hakim partiyanın üzvü olmağın, hətta  Həsənağanın, bağışlayın Ramiz Mehdiyevin qohumu-zadı olmağın  sənə toxunulmazlıq statusu verə bilməz. Yeri gəlmişkən, Ramiz Mehdiyevin deputat kürəkənini də arada qandalladılar.
İndi isə məhkəmə hakimlərləri ilə  bağlı nümunəyə keçək. 
İki gün öncə yayılan rəsmi xəbərlərdən bəlli oldu ki, Sumqayıt Şəhər Məhkəməsinin adından qəbul edilmiş qanunsuz qətnamələrlə əsassız olaraq pensiya təyinatlarının aparılması və digər pozuntulara yol verilməsi faktı ilə bağlı ƏƏSMN və Ədliyyə Nazirliklərindən daxil olmuş material üzrə Korrupsiyaya qarşı Mübarizə Baş İdarəsində cinayət işi başlanıb.
İstintaqla müəyyən olunub ki, 2008-2019-cu illərdə Məhkəmənin hakimi işləmiş İlyas Mahmudovun icraatında olan müxtəlif mülki işlər üzrə iddiaçıların tələblərinin təmin edilməsi barədə bilə-bilə ədalətsiz qətnamə qəbul etməsi müqabilində ayrı-ayrı şəxslərdən rüşvət qismində pul tələb edərək almasına, 2 halda ədalətsiz qətnamə çıxarmasına əsaslı şübhələr var.
Bundan başqa, İlyas Mahmudovun icraatında olan digər işlər üzrə qəbul etdiyi 25 qətnaməyə əvvəlcədən bilə-bilə yalan məlumatlar daxil etməsinə, əmək stajı və əlilliyin müəyyən edilməsi ilə bağlı qanunsuz məhkəmə aktlarının aidiyyəti qurumlara təqdim edilməsinə nail olmasına, bu hərəkətləri ilə də 243 min 441 manat pensiya ödənişinin verilməsinə səbəb olmaqla dövlətə zərər vurmasına dair əsaslı şübhələr müəyyən edilib.
Toplanmış kifayət qədər sübutlar əsasında İlyas Mahmudova Cinayət Məcəlləsinin 295.1 (bilə-bilə ədalətsiz hökm, qətnamə, qərardad və ya qərardad çıxarma), 308.2 (ağır nəticələrə səbəb olan vəzifə səlahiyyətlərindən sui-istifadə), 311.3.2 (təkrar rüşvət alma) və 313-cü (vəzifə saxtakarlığı) maddələri ilə ittiham elan edilməklə barəsində həbs qətimkan tədbiri seçilib.
Qeyd edək ki, İlyas Mahmudov qanunvericiliyin tələblərini dəfələrlə kobudcasına pozduğuna görə 2019-cu ildə səlahiyyətlərinə vaxtından əvvəl xitam verilib.
Görəsən, bundan  Suraxanı məhəkəməsinin sabiq hakimi, hazırda Zəngilan Rayon Məhkəməsinin sədri olan Gülsarə Kərimovna İmanova nəticə çıxaracaqmı..? 
Gülsarə Kərimovna  hələ Suraxanı rayon məhkəməsində hakim olarkən xeyli sayda qanunsuz və ədalətsiz qərarlar çıxardıb. 
Zəngilan məhkəməsinin sədri olaraq isə  gah ölüləri dirildir, gah diriləri ölü  hesab edir, gah da  ailələri kağız üzərində boşadır...
Bəli, Gülsarə Kərimovnanın xarici ölkə vətəndaşı olması, hansı statusla Azərbaycanda hakim olması, həyat tərzi barədə mətbuatda çox yazılıb. Bütün bunları hələlik qoyaq bir kənara. 
Konkret olaraq Gülsarə Kərimovna qəbul etdiyi qanunsuz qətnamələrlə təkcə vətəndaşlara deyil, dövlətə də ziyan vurub. 
Təsəvvür edirsiniz, koronavirus pandemiyası ilə bağlı karantin rejiminin ən kəskin vaxtlarında Gülsarə Kərimovna kağız üzərində boşanmalarla bağlı neçə-neçə məhkəmə işinə baxıb..? Ev bölgüsü ilə bağlı, köçürmədən bir neçə gün əvvəl çıxarılan qətnamələri araşdırsalar Gülsarə Kərimovnanın dövlətə vurduğu ziyanın üstü açılacaq. Onda ona heç kim kömək edə bilməyəcək, necəki İlyas Mahmudova etmədilər. 
Həmin qətnamələr ləğv olunmalı və Gülsarə Kərimovna qanun qarşısında cavab verməlidir. 
Biz yuxarıda  Güsarə Kərimovnanın  həyat tərzi məsələsini əbəs yerə qeyd etmədik. 
Bir soruşan yoxdur ki, ay Gülsarə Kərimovna, istirahət, hətta bayram günləri  məhkəmə binasına nə üçün və hansı məqsədlə gəlirsən..? 
Görəsən iş qrafikini hətta 6-cı günə də salmaqla Gülsarə Kərimovna kimə qulluq edir..? 
Ümumiyyətlə, məhkəmə binasında, kabinetində kiminlə iş görür...? 
Yeri gəlmişkən, rayon məhkəməsinin cavan əməkdaşı nə üçün hərbi qulluğa, əsgərliyə getmir..? 
Bəlkə, həmin əməkdaş “neqodnu”dur..? Əgər "neqodnu"dursa nə üçün məhkəmədə işləmək üçün "qodnu"dur? Nə üçün Gülsarə Kərimovnanın iki vəsiqəsi var? Gülsarə Kərimovnanın övladları hansı dövlət qurumunda çalışırlar? İmtahansız işə qəbul və ya mənim anam məhkəmə sədridir, cümləsinin kimə məxsusluğu isə başqa bir yazının mövzusudur.
Tükündən yağ daman bu cavan oğlan heç də “neqodnu”ya-zada oxşamır. 
Nə isə çox dərinliklərə getməyək. 
Və Gülsarə Kərimovna  dindiriləndə hər şey bəlli olacaq, təki dindirilsin.
Bizi ziləyin.