Çaya susuz aparıb susuz gətirmək....


Köhnə kadrlar  bəzi "məsələlərdə" yeni kadrları çaya susuz  aparıb susuz gətirərlər...


Gömrükdən sonra növbə "Azərsu"yundur...


Son illər aparılan  kadr islahatlarının  sosial sifariş olması barədə media orqanı olaraq dəfələrlə yazmışıq. 
Həqiqətən də, on illərlə kresloya  bitən və qopmayan icra başçılarının, nazirlərin, komitə sədrlərinin vəzifədən uzaqlaşdırılması  cəmiyyətin gözləntilərindən idi. 
Bu məmurların bir çoxu az qala ÖTƏN ƏSRİN 90-cı illərindən vəzifəyə gəliblər. 
Yəni ən yaxşı halda  cəmiyyətin gözünü “mazol”  ediblər. 
Ən dəhşətlisi odur ki, “mazol” məsələsindən başqa, bu kreslo sahibləri  başdan ayağa  rüşvət və korrupsiya bataqlığında idilər, bunların  rüşvət hesabına aldıqları villalar, mülklər, avtomobil kolleksiyaları  cəmiyyətdə haqlı olaraq aqressiya  yaradırdı. 
Digər  vacib faktorlar da var. 
Həm də ən vacibi, bu şəxslər dövlət başçısının etimadını doğrultmurlar. 
Belə olan halda bütün sferalarda yeniləşmə, kadrların gəncləşməsi prosesi başladı. 
Qısa vaxtda xeyli sayda rayonlarda  yeni, gənc icra başçıları vəzifələrə təyin olundu. 
Daha  sonra  bir neçə komitə və nazirliklərə gənc, Avropada təhsil almış  kadrlar təyin olundu. 
Amma gəlin açıq etiraf edək ki, gözlənilən nəticə ortada yoxdur. Hətta cənab Prezident yeni kadrları təyin edəndə “Əgər etimadı doğrultmasanız...”  deyir. 
Bəli, ortada  faktlar və ciddi səbəblər var. 
Yəni böyük bir rayona, yaxud komitəyə, nazirliyə təyin olunan  gənc kadr,  rüşvətxor və korrupsilayalaşmış  şəbəkə ilə işləmək məcburiyyətində qalır. 
Babalarımızın gözəl  bir misalı  var ee...
Deyir səni çaya susuz aparıb susuz gətirərəm...
Bəli, köhnə rüşvətxor  komanda  yeni rəhbəri elə  təcrid edir ki,  “çay-su” məsələsi yada düşür.
Gəlin konkret olaq  qurumların birində bu məsələyə nəzər salaq. 
Məsələn, Azərbaycan Meliorasiya və Su Təsərrüfatı Açıq Səhmdar Cəmiyyəti  ( ASC )  misalında gəlin problemə nəzər salaq. 
Bu qurumda baş verən yüz milyonlarla maxinasiyalar, tender oyunları, 1 kranı 1 milyona satmaq və s kimi cinayət əməllərini sadalamaqdan media orqanları yorulub. 
Kimlərsə deyə bilər ki, bunlar azad medianın uydurmasıdlr. 
Yaxşı, bəs cənab Prezident İlham Əliyevin müşavirədə dediklərinə nə deyirsiniz, cənablar..? 
Cənab Prezidentimiz İlham Əliyev ölkədə su təsərrüfatının vəziyyətinə həsr edilmiş və videokonfrans rejimində keçirilən müşavirə zamanı bu sahədə hökm sürən neqativ meyllər barədə sərt danışıb. Cənab, Prezidentimiz ölkədə su itkisinin 40-50 faiz təşkil etməsini “dözülməz hal” adlandırıb, bu itkilərin kimlərinsə marağında olduğunu dilə gətirib.
Ali Baş Komandanımız onu da deyib ki: 
“Bəzi hallarda bu itkilər süni şəkildə şişirdilir. Bəzi hallarda heç itki olmur, amma suyun həcmi itkilərə silinir. Mənə verilən məlumata görə, burada da xoşagəlməz hallar kifayət qədər geniş vüsət alıb. Ona görə, birincisi, biz bu itkiləri azaltmalıyıq. Çünki 40-50 faiz itki dözülməz səviyyədir. Mən yenə də deyirəm, əgər itkilər aradan qaldırılsa, bizim mövcud su mənbələrimiz və su resurslarımız kifayətdir”.
Prezidentimiz özü də açıq şəkildə deyir ki, 40-50 faiz  su itkisi yalandır…
Deməli, 40-50 faiz  su itkisi milyonlar deməkdir. 
Bəli, biz media olaraq  dəfələrlə, ASC-nin az qala 20 ildir sədr müavinləri  olan Rafiq Aslanovun, Zakir Quliyevin əməllərindən yazmışıq. 
Axı, dövlətdən konkret maaş  alan  Rafiq Aslanov, yaxud  Zakir Quliyev  Avropada mülkləri hansı pulla alıblar..? 
Zakir Quliyev  daş-qum-çınqıl  karxanasını, balıq vətəgələrini  hansı pulla  saxlayır..? 
Əlbəttə, cənab Prezidentimizin  dediyi 40-50 faiz  su itkisi ilə…
Əslində bunun adı sadəcə  su itkisidir…
Biz dəfələrlə oxucularda aydın təsəvvür yaranması üçün  ASC-nin  bütün qurumlarının siyahısını vermişik ki,  qurumdakı rüşvət və korrupsiyanın miqyası, “razmeri”  aydın olsun. 
Azərbaycanın hər rayonunda  ASC-nin idarəsi, kanalı, istismar müəssisəsi var. 
İndi isə keçək əsas  mətləbə. 
Bütün ölkəni əhatə edən, son dərəcə korrupsiyanın olduğu ASC-yə  Zaur  Mikayılov xeyli müddətdir ki, sədr təyin olunub. 
Bu müddət ərzində nə dəyişib..? 
Niyə bircə dəfə  Zaur Mikayılov müavinləri  Zakir Quliyev, Rafiq Aslanovun əməlləri  barədə hüquq-mühafizə orqanlarına məlumat vermir, yaxud  obyektiv audit yoxlaması tələb etmir..?
Bax, bizim üçün maraqlı olan budur ki, yeni rəhbər kadrlar, nə üçün köhnə komanda ilə işləməyə üstünlük verirlər  və  tədricən onlara uyğunlaşırlar. 
Sözümüzün canı odur ki, niyə təyin olunan yeni kadrlar susmağa üstünlük verirlər..
Bax, əsas məsələ budur. 

P.S. Biz üzərimizə düşən məsələni etdik, eşitdik, dinlədik və yazdıq. Araşdırmaq isə Hüquq Mühafizə Orqanlarının işidir.