GDU-nun rektoru Yusif  Yusibovu universitetin həyətində niyə döyüblər..?  

Doğrudan da, yatsaq yuxumuza girməyən, ağlımızın ucundan keçməyən hadisələr  baş verir. 30-40 il əvvəl kimin ağlından keçərdi ki, orta məktəbdə  müəllim öz şagirdi ilə, yaxud universitet rektoru tələbə, yaxud müəllimə ilə eşq yaşasın. Amma nə qədər acı olsa da  son illər bu cür əxlaqsız olayların şahidi oluruq. Və bu proses dayanmaq bilmir. Kim düşünə bilərdi ki, orta məktəb direktoru  korrupsiya ilə məşğul olsun, müəllimlərdən rüşvət yığsın, yaxud universitetin rektorunun şərab biznesi olsun, tikinti biznesi olsun, ya da oteli, restoranı olsun. Sözün düzü, Gəncə Dövlət Universitetində baş  verən mənəviyyatsız hərəkətlərlə  bağlı elektron poçtumuza  hər həftə  dəhşətli materiallar daxil olur. Onu da etiraf edək ki,  bu mənfi yüklü materilları yazmağa, redaktə etməyə  və tirajlamağa nə vaxtımız, nə də xüsusi həvəsimiz var. Və yazıda adı keçən vəzifəli şəxsləri nə yaxından, nə də uzaqdan tanımırıq. Amma düşünürük ki,  mən yazmayım, sən yazma, o yazmasın, bəs bu millətin sabahı necə olacaq. Yaxşı hamımız susaq, başımızı qoruyaq, bizə daxil olan informasiyaları malalayaq, ört-basdır edək, cəmiyyətdən gizlədək...

Ona görə, möhtərəm Prezidentimiz İlham Əliyev cənabları dəfələrlə deyib ki, bir çox məlumatları məmurlar məndən gizlədirlər, ona görə əhali ilə özüm birbaşa görüşürəm, problemləri soruşuram, həm də bu informasiyaları ölkə mətbuatından alıram... 
İndi aydın oldumu, informasiyaları cəmiyyətdən gizlədən media həm də dövlətə xəyanət etmiş olur. Sözün qısası, elektron poçtumuza Gəncə Universiteti ilə bağlı daxil olan ( həm də öz açıq imzası ilə, anonim yox ) müraciəti kiçik ixtisarla dərc edirik. Və qarşı tərəfin söz demək haqqını qəbul edirik.   
Azərbaycan Respublikasının Prezidenti cənab İLHAM  ƏLİYEVƏ Cənab Prezident, məlumunuz edirik ki, Gəncə Dövlət Universitetinin professor-müəllim heyəti  2013-cü ildən müxtəlif  təşkilatlara, kütləvi  informasiya vasitələrinə şikayətlər ünvanlayır. Lakin  bu barədə  heç  bir  tədbir görülmür. Çünki, rektor Yusif Yusibovun qardaşı Cavanşir Yusibov Maliyyə Nazirliyinin aparat rəhbəridir. Naxçıvanda  keçirilən əməliyyatları bütün xalqımız dəstəkləyir, bu əməliyyatları Gəncə Dövlət Universitetində  aparmaq çox vacibdir. Əgər DTX  burada,  qanuni  şəkildə maliyyə sistemində yoxlamalar  aparsa, buranın  böyük  bir korrupsiya bataqlığı olduğu üzə çıxar. Bu  universitetdə rektor heç bir elmi dərəcəsi olmayan, erməni əsilli şəxslərə  yüksək maaşlar verir. Tədris prosesini bütün çiyinlərində daşıyan professor-müəllim  heyətinin maaşı respublikada ən aşağı səviyyədədir. Prezidentin göstərişi  ilə minimum əmək haqqı 300 manat müəyyən edilsə də, tədris  köməkçi heyətinin maaşı 240-270 manat həddindədir. Ali təhsilli laborantlar xadimə ilə eyni maaş alır. Vəzifələrə təyinatlar hamısı rüşvətlə həyata keçirilir. Rüşvət isə prorektor Şahin  Xurşudovun əli illə yığılır. İmtahanlar  testlə  keçirilsə  də,  imtahana düşən 25 sual bunker sualı kimi salınır, bu suallar isə tələbələrə keçilməyən mövzudan salınır. Rektor  dəfələrlə deyib ki, "imtahana elə suallar salın ki, tələbələr  kəsilsin. Nəyə  görə, biz  tələbələrə  təqaüd  verməliyik? 

Tələbələrə  verilən təqaüdə   universitetin  büdcəsindən xeyli pul gedir.  Tələbələri kəsin, qoy bu pulları təqaüdə verməyək. Həm də tələbələr kəsilsə,  onda kredit pulu da ödəyəcəklər". İmtahanları da Vasif Həsənovun əli ilə keçirir. Universitetdə 8 xidməti  maşın var.  Rektorun özünün xidməti maşını olsa da, maşın  həvəskarı  olduğundan  son model idman stilli  bahalı cip alıb.  20-AA-530. Bir gün birindən, başqa gün o birindən istifadə edir. Heç magistr təhsili belə olmayan, universitetin nəzdində olan, özünü maliyyələşdirmə prinsipi ilə işləməli olsa da, universitetin büdcəsinin hesabına maliyyələşdirilən İdman klubunun sədrinə də xidməti maşın ayırıb. Universitet əməkdaşlarının narazılığından sonra  qeyri-qanuni  maliyyələşdirməyə qanuni don geyindirmək üçün, ona əlavə olaraq bir ştat da mühafizə xidməti vəzifəsini yaradaraq həvalə etmişdir. Xidməti  maşınların hamısı saz vəziyyətdədir,  amma təmir adı ilə sənədləşdirib yalandan pul silirlər. Bu  günlərdə  guya universitet tender elan edib, bu tenderin qalibi isə “Leqal FN” MMC olub. Məqsəd nəqliyyat vasitələrinin əsaslı təmiridir. Bu niyyətlə GDU 26239.8 manat şirkətə maliyyə köçürəcək.  Amma maraqlıdır ki, universitetin balansında hamısı saz vəziyyətdə olmaqla həddindən artıq  xidməti  avtomobillər var, bu avtomobillər müxtəlif vəzifə  sahiblərini  evindən işə və əksinə aparmaq üçündür, rektorun köməkçisinin belə xidməti maşını var. Müəllimlərin maaşı artırılmır, universitetin laboratoriyalarına avadanlıq alınmır, kitabxanada  müasir ədəbiyyatlar yoxdur. Belə şəraitdə  xidməti maşınların  təmirinə  26 mindən  çox pulun  ayrılması, yalandan kosmetik təmirlərə  yüz  minlərlə  pulun  sərf  olunması  nə  dərəcədə  düzgündür? (Əslində bu təmirlər də dekanlardan pul yığılaraq həyata keçirilir). 
Universitetin tələbə yataqxanasını kosmetik təmir etdilər, bu məqsədlə ayrılmış 8 milyon manat pulun heç 3 milyonu ora sərf olunmayıb.          
İndi saz vəziyyətdə  olan xidməti  maşınlardan  ötrü  az qala  bir maşının qiyməti qədər təmir xərcləri nəzərdə tutulub. Bu da öz növbəsində keçirilən tenderin  formallığını gözlər  önünə sərir və  maxinasiya şübhələrini artırır.          
İndi Gəncə Dövlət Universitetinin 5 saylı korpusunun 2 mərtəbəli tədris binasının təmiri üçün guya tender keçirilib. Bu tenderin qalibi isə qeyri-rəsmi şəkildə Yusif Yusibovun qardaşı Çingiz Yusifovun idarə etdiyi  "19 Saylı Tikinti Təmir İdarəsi" MMC olub. Universitet balaca ikimərtəbəli bir korpusun təmiri üçün 2 milyon 157 min 123.41 manat ödəyəcək. Bəli, bir manatlıq bir avadanlığı  20-30 manata sənədləşdirib universiteti talan edirlər. Gəncədəki orta məktəblərdə olan təchizat, avadanlıq  GDU-dan dəfələrlə yüksəkdir.         
Universitetin əməkdaşlarından Heydər Kərimov, Eyyub Mirzəyev, Qulu Qurbanov, Mahizər Hacıyeva və s. kimi müəllimlər xəstəlik səbəbi ilə işə gəlmir, bir  neçəsi  yataq  xəstəsidir, amma  buna baxmayaraq  onlara tam ştat maaş verilir.         
Rektor Yusif Yusibovun illər ərzində GDU-nun maddi-texniki bazasını yeniləmək adı ilə böyük vəsaitlər mənimsəməsi, tələbələrdən rüşvət yığması, kimya kafedrasının baş müəllimi  Z….. Əliyevanın  ailəsini dağıtması,  Z….. xanımın sabiq yoldaşının  universitetin həyətində rektor Yusif Yusibovu  hamının gözləri qarşısında  döyməsi, daha  sonra  onu qondarma cinayət yolu ilə həbsə atdırması, qorxusundan uzun  müddət şəxsi  cangüdənlə gəzməsi və  s. kimi  cinayətləri azmış kimi, indi də maşın təmiri, bina təmiri adı ilə pullar silir.           
Cinayətləri  bilib, onu  deməmək  özü də bir cinayətdir, amma rəhbər vəzifəli şəxslər bu cinayətin üstünü  ört-basdır edirsə, onda  bu dövlətə  xəyanət  hesab olunmalıdır.
Çox xahiş edirik ki, Dövlət Təhlükəsizlik Xidməti yolunu bizim universitetə də salsın...        

Cənab  Prezident, Sizdən  çox artıq dərəcədə  xahiş edirik ki,  bu universitetdə  qayda-qanun yaradılması  üçün lazımi göstəriş  verəsiniz.                                                         
Hörmətlə, Gəncə Dövlət Universitetinin professor-müəllim heyəti adından  
Azadə  Murad qızı Vəliyeva.
P.S. Qarşı tərəfin mövqeyini dərc etməyə hazırıq.