Məşhur sənət adamlarımız ilə bağlı xırda bir araşdırmada xeyli maraqlı faktlara rast gəldik. Məsələn, oxuyuruq: “Xalq artisti aktrisa Hökümə Qurbanova da çoxnikahlı qadınlar sırasındadır. Hökumə xanımın qanunu  üç  əri olub”. Vallahi, anlamaq çətindir....necə yəni qanuni üç əri olub..? Məgər qadının qeyri-qanuni əri də olur..?  
Özü də söhbət indidən getmir ee, 50-60 il əvvəldən gedir... Araşdırma zamanı bəlli oldu ki, tanınmış rejissor Mehdi Məmmədovun 3-cü arvadı xalq artisti Barat Şəkinskaya olub. Yeri gəlmişkən, Mehdi Məmmədovun 3-cü arvadı Barat Şəkinskayanın da həyatı çox keşməkeşli keçib. O, da dörd fəfə nigaha girib. Barat Şəkinskayanın birinci əri Miribrahim Həmzəyevdən qızı Solmaz Həmzəyeva doğulub. Uzun illər dövlət televiziyasında rejissor kimi çalışan Solmaz xanımın hazırda 76 yaşı var. Barat xanımın ikinci həyat yoldaşı isə tanınmış mədəniyyət xadimi Şəmsi Bədəlbəyli olub. Bu nigahdan aktrisanın qızı Rövşanə dünyaya gəlib. O, indi Amerikada yaşayır. Mehdi Məmmədov Barat xanımın üçüncü əri olub. Barat Şəkinskayajdan ayrılandan sonra ikinci dəfə ailə quran Şəmsi Bədəlbəylinin bu nigahdan oğlu Fərhad dünyaya gəlib. Xalq artisti Fərhad Bədəlbəyli indi Azərbaycanda tanınmış mədəniyyət xadimidir. Bunları yazmaqda  məqsədimiz kiminsə həyat yoluna  kölgə salmaq deyil. Amma bizə təccüblü gələn odur ki, beşinci ər, dördüncü  arvad-həyat yoldaşı xeyli maraqlı gəldi. Biz bu məsələdə çox dərinə getmədən onu qeyd edək ki, Barat xanım Şəkinskaya ilə ailə quran Şəmsi Bədəlbəylinin övladı Fərhad Bədəlbəyli hazırda Üzeyir Hacıbəyov adına Musiqi Akademiyasının rektorudur. Fərhad Bədəlbəyli haqqında yazırlar: Fərhad Bədəlbəyli kökü keçən əsrlərə çatan zadəgan nəslindəndir. Ata tərəfdən babaları Qacar şahları sülaləsinə mənsub olublar. Ana tərəfdən də Səfərəlibəylilər zadəgan nəslindəndilər. Biz zadəgan-zad söhbətinin əleyhinə deyilik. Amma.... Rəhmətlik Nizami Süleymanov var idi...Partiya sədri, sonra Prezidentliyə namizəd... O bir zamanlar kooperativ Milli Akademiya açmışdı...kim baxım-görüm edirdisə, oranın akademiki olurdu... 
Bir də oxucuların yadında olar Maqsud İbrahimbəyov var idi yazıçı, müxalifətçi Rüstəm İbrahimbəyovun qardaşı... 
Bəli, rəhmətlik  Maqsud İbrahimbəyov 90-cı illərdə  Zadəgan cəmiyyəti yaratmışdı və 100 manata zadəgan “knijka”sı paylayırdı... 
Sözümüzün canı odur ki, zadəganlıq çətin məsələdir, partiya bileti kimi verməklə zadəganlıq olmur... Nə isə Fərhad Bədəlbəylinin zadəganlıq məsələsini buraxaq tarixin, zamanın öhdəsinə...bu günümüzə qayıdaq... 
Məlumdur ki, Fərhad Bədəlbəyli azərbaycan dilində, daha doğrusu, azəri türkcəsində danışır. Amma maraqlı odur ki, görəsən, Fərhad Bədəlbəylinin bacısı oğlu hansı dildə danışır..? Və niyə azərbaycan dilində danışmır..? O niyə anasının deyil, atasının dilinə mehr-məhəbbət salıb..? Görəsən, zadəganlıq budurmu, bəy nəvəsi, Fərhad Bədəlbəyli..?