Son günlər imkansız ailələrə yardımlar edən müğənni Nazənin Salayeva sosial şəbəkələrdə izləyicilər tərəfindən təhqir dolu mesajlar aldığını bildirib.
Sənətçi ATV-də yayımlanan “Bizimləsən” sosail-ictimai proqramda qonaq olarkən ona söyüş yazanlara efir vasitəsi ilə səslənərək, xəbərdarlıq ünvanlayıb:



“Balalarımın boğazından kəsib, ürəklə, könüllü olaraq bir aksiyaya qoşulmuşam. İmkansız ailələrə bu çətin günlərdə hamı kimi mən də yardım əlimi uzatmışam. Ürəyimizdən gəlir, vicdan borcumu yerinə yetirirəm. Amma əgər toplanan müəyyən məbləğ puldan kiməsə pay çatmırsa, sosial şəbəkədə mənə söyüşlər yazmayın, qarğış etməyin.
Telefonumu artıq mən yox, köməkçim işlədir. Bunları görmək insana xoş deyil. Çıxdığımız yola bizi peşman etməyin. İnsanı nalayiq ifadələrlə həvəsdən salırsınız. Belə etməyin!”

Rəşad Əliyev