İki gün öncə dərc etdiyimiz  “Əlilin amputasiya olunmuş ayağı təzədən uzanmır, cənab Sahil Babayev. Abşeron səhiyyəsində Zakir Qaralovun qohumları at oynadır” başlıqlı yazıda  Qarabağ əlili Firudin Fərəcovun bacısının fikirlərini vermişdik. Linkə baxın. https://gundelik-baku.com/sosial/16577-elilin-amputasiya-olunmush-ayagi-tezeden-uzanmir-cenab-sahil-babayev-absheron-sehiyyesinde-zakir-qaralovun-qohumlariat-oynadir.html
Qısa məlumat üçün  qeyd edək ki, Firudin  Fərəcov 1-ci Qarabağ savaşında  yaralanıb  və  27 ildir əlillik pensiyası alır.  Sahil  Babayev nazir təyin olunandan sonra əlili get-gələ salıblar. Bu məsələdə   Abşeron rayon Mərkəzi Xəstəxanasının  baş həkimi Mehriban Qaralova və onun xalası oğlu,  Abşeron rayon poliklinikasının müdiri   Fariz Musayev  əlilə qarşı çox aqressivdirlər. Məlumat üçün bildirək ki, Mehriban Qaralova keçmiş deputat Zahid Qaralovun qızı və üstəlik sabiq baş prokuror Zakir Qaralovun əmisi qızıdır. 
Əlilin bacısı ''Gündəlik Bakı'' qəzetinin redaksiyasına zəng edərək bildirdi ki, bu gün 3 saylı poliklinikada  səhiyyə naziri Oqtay Şirəliyevlə görüşüb və bütün sənədləri cənab nazirə təqdim edib. Nazir söz verib ki, məsələ ciddi və obyektiv araşdırılacaq.