Hippokrat andı sənə qənim olsun, Kəmaləddin Qafarov...-  İki baş həkim həbs olundu, Kəmaləddin Qafarov niyə həbs olunmur ?
20-05-2021, 19:38
323

Hippokrat andı sənə qənim olsun, Kəmaləddin Qafarov...- İki baş həkim həbs olundu, Kəmaləddin Qafarov niyə həbs olunmur ?

Kəmaləddin, Hüsaməddin, Nəsrəddin, XEYR-əddin...Qafarovlar

Bunlardan DİN-ə XEYR gəlməz


Atanın adı Nəsrəddin, deputat oğulun adı Kəmaləddin, qardaşının adı Hüsaməddin, yəqin məntiqlə nəvənin də adı Xeyrəddin  olmalıdır. Söhbət Qafarovlar ailəsindən gedir. 
Xeyrəddin, yəni dinə faydası, xeyri  dəyən adam. 
Ancaq  bu ailənin ən üzdə olan adamı, Binəqədidən deputat olan, Milli Onkologiya Mərkəzinin ( MOM ) direktor müavini Kəmaləddin Qafarovun əməllərindən görünür ki, bunlardan DİN-ə FAYDA, XEYR gəlməz, ancaq və ancaq ziyan gələ bilər. 
Bu adam  normal ali təhsil də ala bilməyib. Naxçıvanda hansısa məktəbdə  aqronom-üzümçü  diplomu alıb.
Bu aqronom-üzümçü  necə  Milli Onkologiya Mərkəzində direktor müavini ola bilər ? 
Bu adamın heç tibb feldşer təhsili də yoxdur e. Heç olmasa mal doxturu-baytar-zad olsaydı, cəhənnəmə deyərdik. 
Bəs  aqronomu kimlər  səhiyyənin ən ağır sahəsi olan Onkologiya Mərkəzinə rəhbər qoyur. 
Bu adam  rəhbərdən çox  alverçidir. Ölümlə çarpışan, ümidsiz insanların, kasıb təbəqənin barmağındakı üzüyə, qulağındakı sırğaya tamam salan, faizə-sələmə  xəstəyə dərman satan adamdan  nə gözləmək olar ? 
Ada bax ee…Nəsrəddin, Hüsaməddin, Kəmaləddin, Xeyrəddin…
Azərbaycan  səhiyyəsinin “ xərçəngi ” adını qazanmış Kəmaləddin Qafarov onkoloji xəstədən ilk müraciət zamanı 500 manata yaxın pul alır . Sonra kimyaterapiya üçün 300 manat, sonra şüa qəbulu 1000 manat, sonra pozitron-emissiya tomoqrafiyasına görə 1500 manat, sonra...

Bu adam  həm  “AzəriMed” şirkətinin sahibidir, həm də Onkologiya Mərkəzinin direktor müavinidir. Deməli, bu adam öz şirkətindən direktor müavini olduğu MOM-a 43 milyon manat dəyərində  mal alır. Yəni satan da özüdür, alan da özü. 
Dünyada bunun analoqu yoxdur. 
İzi itirmək üçün şirkəti gah qardaşı Hüsaməddinin adına keçirir, gah  hansısa xanımın adına. Yəni aşıq-aşkar  bu adam milyonları mənimsəyir. 
Bütün bunlar azmış kimi ölkəyə  gətirilən  keyfiyyətsiz dərmanların çoxunu Kəmaləddin Qafarovun şirkətləri gətirir.  
Bu adam milləti fiziki cəhətdən zəhərləyir. 
Bizim  aqronom-deputat  dərmandan, xəstələrdən qazandığı milyonları yönəldir  bina tikintisinə. Bəli, üzümçü-aqronom “VERSAL PALACE” MTK-ya da sahibdir, Ağ Şəhərdə binalar tikir. Qafarovun xeyli biznesini yaxın qohumu Canilya Qafarova idarə edir. “Versal Palace” isə  Elmira Məmmədovanın adınadır. 
Kəmaləddin Qafarov həm də “Zəfəran” apteklər şəbəkəsinin sahibidir. Ümumiyyətlə, onun biznesi Gürcüstandan Yunanıstana qədər uzanıb gedir. Və ən dəhşətlisi odur ki, milyonluq tenderlərin hamısını Qafarovlar ailəsinə məxsus şirkətlər udur. 
İndi isə Kəmaləddin, Hüsaməddin, Cəlaləddin qardaşlarının adına olan şirkələrin siyahısına baxın və nəticə çıxardın.

1.Kəmaləddin Qafarova bağlı ailə şirkətlərinin ən başında "AZƏRİ MED” MƏHDUD MƏSULİYYƏTLİ CƏMİYYƏTİ gəlir. Niyə ən başında? Çünki "Azəri Med” onun baş direktor müavini olduğu mərkəzin şübhəli tenderlərində aktiv tərəfdaşdır. Bu həmin şirkətdir ki, onkoloji xəstələrin dərisini şişindən çıxaran, dərmanından bintinədək gərəkli bütün ehtiyacları xəstələrin özlərinə qarşılatdıran Milli Onkologiya Mərkəzi dövlətin on milyonlarla manat vəsaitini tibbi sifarişlər adı altında bu şirkətə yönəldir. 

2.Şirkət ayrıca Əhməd Rəcəbli küçəsindəki AzeriMed "Tibbi Market”də tibbi ləvazimatların və avadanlıqların satışını həyata keçirir, bütün ölkəboyu şəbəkələşmiş "ZƏFƏRAN” apteklərinə və "ZƏFƏRAN HOSPİTAL”ı idarə edir. 
Qanuni təmsilçisi Kəmaləddin Qafarovun yaxın qohumu CANİLYA QAFAROVA RƏHİM qızıdır. 

3. Qafarovun ailə biznesində ən çox diqqət çəkən isə VERSAL PALACE şadlıq evidir. Olduqca dəbdəbəli və gözqamaşdırıcıdır. Şadlıq sarayı 7-ci mikrorayonda, A. Kunanbayev 57 ünvanında yerləşir və "VERSAL PALACE” MƏHDUD MƏSULİYYƏTLİ CƏMİYYƏTİ (VÖEN nömrəsi 1402942941) tərəfindən idarə olunur. Qanuni təmsilçisi Kəmaləddin Qafarovun qardaşı CƏLALƏDDİN QAFAROV NƏSRƏDDİN oğludur.

4. "VERSAL PALACE” MƏNZİL-TİKİNTİ KOOPERATİVİ – 2004-cü il avqustun 16-da 500 manat nizamnamə kapitalı ilə ELMİRA MƏMMƏDOVA PAŞA qızının adına rəsmiləşdirilib. Bakının Babək prospektində və Ağ Şəhərdə (10 bloklu, 7 mərtəbəli, 118 mənzilli) çoxmərtəbəli yaşayış komplekslərinin tikintisini həyata keçirir. 

5. "KANON” MƏHDUD MƏSULİYYƏTLİ CƏMİYYƏTİ Bu şirkət üzərindən Qafarovlar ailəsi Kanon apteklər şəbəkəsinə sahibdir.
Qanuni təmsilçisi Kəmaləddin Qafarovun əmisi oğlu HÜSAMƏDDİN QAFAROV ŞƏMSƏDDİN oğludur.

Bu siyahını uzatmaqla  oxucunu yormağa da ehtiyac görmürük. 
Ancaq bir sual var: 
Bir müddət əvvəl Baş prokuror yanında Korrupsiyaya qarşı Mübarizə Baş İdarəsi   “Yeni klinika”nın direktoru Pərviz Abbasovu  və FHN-nin Zığ qəsəbəsindəki Modul tipli xəstəxanasının baş həkimi İmran Ağayevi  həbs etdi. 
Bəs bu boyda cinayət əməlləri ortada olduğu halda Kəmaləddin Qafarov niyə həbs olunmur ? 
Bu gün cəmiyyəti  düşündürən ən vacib və aktual sual budur.

Oxşar xəbərlər

Meyvə-tərəvəzçi, üzümçü və...onkoloq deputat Kəmaləddin Qafarov-ONKOLOGİYANIN BƏDXASSƏLİ “ŞİŞİ”
İki  baş  həkim  getdi “qazamata“- İndi səni deyirlər, Kəmaləddin  Qafarov
Onkologiya Mərkəzində sələmçilik: - Üzük ver, əlil arabası al
Onkologiyanın Kəmaləddin Qafarov şişi-BİZNESİNİN ŞOK SİYAHISI
Bu qədər varidatı olsa da, Vətən Savaşına dəstəkdə görünmədi... - İLGİNC FAKT
Kəmaləddin Qafarov şübhəli tenderləri necə udur? - VİDEO
“Sədərək”dən açıqlama: “Yusif Qədiməliyevi kim işdən çıxara bilər?”
"Sədərək" ticarət mərkəzi nə vaxt açılacaq? - AÇIQLAMA
Kamaləddin Qafarov baş həkimlərin həbsindən niyə narahat olub? – İzlər onu ələ verə bilər
Kamaləddin Qafarov baş həkimlərin həbsindən niyə narahat olub?
Kəmaləddin Heydərovun atası, deputat Fəttah Heydərov vəfat etdi
Müharibə zamanı ziyan dəymiş evlərlə bağlı nazirdən AÇIQLAMA
“Suqovuşan su anbarı mühafizəyə götürülüb” – Kəmaləddin Heydərov
Kəmaləddin Heydərovun oğlanları könüllü olaraq orduya yazıldılar - FOTO
Mayın 20-də Bakıda Azadlıq prospekti ilə Bakıxanov küçəsinin kəsişməsində Fövqəladə Hallar naziri Kəmaləddin Heydərovun xidməti avtomobili qəzaya düşüb.     Pravda.az-ın xəbərinə görə, K.Heydərova məxsus avtomobil işıqforun qırmızı işığında keçib və
Siraqəddin Cabbarov sakinləri NƏDƏN DİNLƏMİR? - "Ev dağılsa, üç uşaq altında qalacaq..."
Leyla Əliyeva və Kəmaləddin Heydərov şəhidlərimiz üçün mahnı yazdı - VİDEO
Merkel böyük siyasətdən gedir - Özü açıqladı
Saatlıda koronavirus xəstəsinə tibbi yardım göstərilmir - GİLEY
Ağdamın icra başçısı ilə bağlı sərxoşluq iddiasına CAVAB
Əli Mirəliyevdən qalmaqallı sözlər: “Bir dəfə də maska taxmamışam...“
"Təhsil Nazirliyi rüşvət alan məktəb direktorunu işdən azad edə bilmir”
Həbs olunan icra başçısı Ceyhun Cəfərov  “ziyanın bir hissəsini ödəyib”  azadlığa çıxmaq istəyir ?-   Deyəsən yeznə-qayın,  Vidadi Zeynalov-Ceyhun Cəfərov və Əli Abbasov Avropaya səyahətə gedəcəklər...
“Bakubus” MMC-yə məxsus avtobuslar qəzaya uğrayıb – FOTO
Təhsil naziri qalmaqallı məktəb direktorundan danışdı - "O, necə diektor oldu?"
“İdman zalları açılsa, nə olacaq?" - Deputat
Elmi-Tədqiqat Pediatriya İnstitutuna yeni direktor təyin olunub - Foto
Türkiyədə deputat həbs olundu
Abşeronun Masazır  qəsəbəsində məktəb tikilir, ancaq Təhsil İdarəsinin xəbəri yoxdur…-  Görəsən, FHN, Abşeron rayon icra hakimiyyəti hara baxır ?
Deputat Könül Nurullayevanın ailəsi-onun kiçik dövləti - Seçkidə  deputat  xanımın 2  rəqibi  “SOCAR”ın rəisləri olub