Sevinc Şıxəliyeva üçün insan  həyatından qiymətli heç nə yoxdur…

Sevinc həkim öz peşəsinə məhz könül vermiş gənc həkimlərimizdən biridir 

Bütün peşələr  cəmiyyət üçün vacibdir. 
Peşənin yaxşısı, pisi olmur. Dahi Nizami Gəncəvi əbəs yerə demirdi ki: 
Kamil bir palançı olsa da insan, 
Yaxşıdır yarımçıq  papaqçılıqdan. 
Bəli, əsas olan odur ki, öz peşəni yarımçıq deyil, mükəmməl, şair demişkən, KAMİL biləsən. 
Düzdür, dedik ki, peşənin yaxşısı-pisi olmur. Amma həkimlik peşəsi  cəmiyyət üçün  əvəzolunmazdır. 
Tarix boyu böyük  həkimlərimiz olub. Hətta, böyük ictimai-siyasi xadim Nəriman Nərimanov da həkim olub. 
Bunları sadalamaqda məqsədimiz odur ki, bu gün də Azərbaycanda  böyük təbiblərin, həkimlərin yolunu davam etdirən həkimlərimiz var. 
Onlardan biri də Sevinc  xanım Şıxəliyevadır. 
Əbəs yerə yazmadıq ki, insan öz peşəsini  şair demişkən, KAMİL bilməlidir.
Sevinc  doktor da mükəmməl təhsil alıb, böyük iş təcrübəsi var. Qısa məlumat üçün qeyd edək ki, Sevinc Şıxəliyeva 2005-ci ildə Azərbaycan Tibb Universitetinin müalicə-profilaktika fakültəsini bitirib. 
2005-2006-cı illərdə Fuad Əfəndiyev adına 4 saylı şəhər kliniki xəstəxanasında çalışıb. Akademik Mirqasımov adına Respublika klinik xəstəxanasında ixtisaslaşma kursu keçmişdir.  2010-2011ci illərdə AXDG QSC-nin 1saylı poliklinikasında həkim-otorinolarinqoloq vəzifəsində çalışıb.
 2015-ci ildə Türkiyənin Istanbul Florence Nightingale Xəstəxanasında ixtisaslaşdırma kursu keçmişdir.
 2016-cı ildə Rusiyanın Moskva şəhərində keçirilən «Междисциплинарный конгресс по заболеваниям органов головы и шеи» konqressində iştirak etmişdir.
2017-ci ildə Ukraynanın Kiyev şəhərində Prof. O.S.Kolomiyçenko adına olan Burun-Qulaq-Boğaz institutunun otolarinqologiya şöbəsində “rino-cərrahiyyə” bölümü üzrə ixtisaslaşma keçmişdir.
  2017-ci ildə Ukraynanın Kiyev şəhərində “Otorinolarinqologiyada son elmi naliyyətlər” mövzusunda keçirilən konfirensiyada iştirak etmişdir.
 2008ci ildən AXDG-də QSC-nin Əhmədli tibbi sanitar hissədə həkim-otorinolarinqoloq vəzifəsində çalışır. 
Sonda onu da qeyd edək ki, müdriklər  deyib ki, həkimin dərmanları ilə bərabər onun dili, ünsiyyəti, xasiyyəti  də çox vacibdir. 
Sevinc həkimi tanıyanlar onda bütün bu üstün cəhətləri görürür. 
Və ən vacibi odur ki, Sevinc xanım öz peşəsinə könül vermiş həkimlərdən biridir. Və onun üçün insan həyatından qiymətli heç nə yoxdur. 
Biz də Sevinc həkimə işlərində uğurlar arzu edirik.