“Bir necə gündür Azərbaycanda koronavirusa yoluxma sayında çoxalma qeydə alınır. Düzdür, sağalanlar da az deyil. Ancaq vətəndaşlarımız arxayanlaşıblar. Sanki virus məhv olub və heç bir problem də yoxdur. Qətiyyən buna yol vermək olmaz. Əksinə insanlar daha ciddi şəkildə qaydalara əməl etməlidir. Əks halda yenidən sərt karantin rejiminə keçə bilərik”

Bu açıqlamanı Moderator.az saytına BAXCP sədrinin müavini, QHT sədri Niyaməddin Orduxanlı bildirib. Onun sözlərinə görə, Avropada "Covid-19"un ikinci dalğası başlanmışdır. Bununla bağlı artıq ölkələr sərt karantinə keçir, qapanmalar baş verir: 

“ Avropada bir çox ölkələri yenidən sərt karantik rejiminə keçirlər. Qardaş Türkiyə və Gürcüstan da artıq qapanmaya keçən ölkələrdəndir. Azərbaycan isə yumşalma prosesləri gedir. Lakin görünür vətəndaşlar bu yumşalma proseslərinindən sui-istifadə edir. Özüm də bir necə gündür müşahidə edirəm, artıq maska taxanlar azalıb və əvvəlik kimi qaydalra əməl edilmir. Vətəndaşlar maska taxmır, sosial məsafə qorumur. Biz cəmiyyət olaraq hər birimiz maraqlı olmalıyıq ki, hökümət yumşalmaları gedirsə, bütün qaydalara əməl olunmalıdır. İctimai qınaq təşkil edilməlidir. İmkan verməməiyik ki, vətəndaşın məsuliyyətsizliyi səbəbindən ölkəmizdə yenidən yoluxma sayı yüksəlsin. Hər birimiz vətəndaşlara çağrışılar etməliyik. Bir daha qeyd edirəm, insanlarin prosesdən sui-istifadə etməsi sərt karantinə keçid ilə nəticələnəcəkdir. İndidən geniş iş aparmalıyıq ki, sonrakı dönəmdə ciddi problem olmasın.”