GDU ilə bağlı Ali Attestasiya Komissiyasına MÜRACİƏT OLUNDU - İTTİHAM
6-01-2021, 09:41
96

GDU ilə bağlı Ali Attestasiya Komissiyasına MÜRACİƏT OLUNDU - İTTİHAM

Azərbaycan Respublikasının Prezidenti yanında Ali Attestasiya Komissiyasının sədri Famil Mustafayevə Gəncə Dövlət Universiteti ilə bağlı müraciət ünvanlanıb. Bir nüsxəsi də DİA.AZ-a daxil olan müraciətdə deyilir:

"Hörmətli, Famil müəllim, mən Gəncə Dövlət Universitetində baş verən bir özbaşınalıqla bağlı məlumat vermək istəyirik. Gəncə Dövlət Universitetinin Pedaqoji fakültəsinin hazırki dekanı Apoyev Bayram Fəti oğlu 20 ildir ki,dekan işləyir. O,Azərbaycan Dövlət Pedaqoji İnstitutunun cografiya ixtisasını bitirmişdir, bir müddət orta məktəblərdə biologiya və coğrafiya müəllimi işləmişdir. İndi isə "Pedaqogika" kafedrasının dosenti və "Pedaqoji" fakültənin dekanıdır.

O, professor Akif Abbasova pul verərək özünə doktorluq dissertasiyası yazdırıb.Maraqlıdır, hal-hazırda görkəmli filoloqlar Nizami yaradıçılığında nəyi isə axtarıb tapa bilmirlər, çünki bu böyük şair ətraflı tədqiq olunub. Bu coğrafiya müəlliminin doktorluq dissertasiyasının mövzusu Nizami Gəncəvinin yaradıcılığı ilə əlaqəlidir. Hazır dissertasiya işi tapana qədər elmi şurada müzakirə olunmadan bir neçə dəfə doktorluq dissetasiya işinin adı dəyişdirilmişdir. Heç bir elmi yaradıcılıq məzuniyyətində, heç bir kitabxanada olmayıb.

Maraqlıdır,elmi-tədqiqat işini bu adam harada aparıb? Bu şəxs bütün günü tələbələrdən rüşvət yığmaqla məşğul olub. 20 ildir ki,dekan kimi rüşvət yığma

fəaliyyətini davam etdirir.Bunun rüşvət yığmaqdan nə vaxt başı açıldı ki,bu elmi-tədqiqat işi apardı?

Bayram Apoyev özü dəfələrlə etiraf edib ki, "Ali Attestasiya Komissiyasında mənim yaxın adamım var,ona 30000 manat vermişəm, ekspertdən də keçmişəm, kim istəsə ona kömək də edə bilərəm.Ali Attestasiya Komissiyasındakı yaxın adamım 30000 manat alıb doktorluq dissertasiyasını təsdiq elətdirir".

Bayram Apoyev bu günlərdə guya kitab yazıb: Heydər Əliyev və Nizami Gəncəvi. Halbuki,bu kitabı ona pul müqabilində professor Mübariz İmran oğlu Yusifov yazıb.

İndi də Bayram Apoyev deyir ki,Azərbaycan Dövlət Pedaqoji Universitetinin Ümumi psixologiya kafedrasının müdiri, professor Əliyev Ramiz İbrahim oğlu və İbtidai təhsil fakültəsinin dekanı, Əməkdar Elm Xadimi, pedaqoji elmlər doktoru, professor Fərrux Rüstəmov mənim yaxın dostlarımdır. Onlar mənə söz veriblər,yaxın günlərdə doktorluq dissertasiyamı təsdiq etdirəcəklər.

Bayram Apoyevin plagiat sözündən xoşu gəlir,belə ki,onun kitabları müxtəlif alimlərin kitablarından köçürmə olduğu kimi, plagiat kitablara da özü rəy verib.Məsələn,Bayram Apoyevin müavini İlqar Haqverdiyevin və GDU-nun "Bədən tərbiyəsi və idman" kafedrasının sabiq müdiri Ağayev İlham Mansır oğlunun birgə həmmüəllifliyi ilə ərsəyə gələn " Fiziki tərbiyə dərslərinin təşkili və keçirilməsi metodikası" dərsliyi.

Sözü gedən dərs vəsaitinin orijinal variantını - "Fiziki tərbiyənin nəzəri-metodik və praktik işlərinin əsasları"nı yazıb ərsəyə gətirən Azərbaycan Pedaqoji Universitetin dosenti, pedaqoji elmlər namizədi, Azərbaycan Respublikasının " Fəxri bədən tərbiyəsi və idman işçisi", SSRİ idman ustası Baloğlan Quliyevdir. Hazırda həmin dərs vəsaiti Prezident kitabxanasındadır. Azərbaycan Respublikasının Təhsil Nazirliyinin 17 fevral 2010-cu il tarixli, 202 saylı əmri ilə dərs vəsaiti kimi təsdiq edilmiş bu kitab 2009-cu ildə Bakıda, ADPU-da işıq üzü görsə də, sonradan, daha dəqiqi, 2016-cı ildə GDU-nun müəllimləri - İlham Ağayev və İlqar Haqverdiyev həmin kitabdan plagiatlıq edərək yeni bir dərs vəsaiti

"ərsəyə gətiriblər". Bu kitaba müsbət rəy verən elə həmin Bayram Apoyev olmuşdur.

Məlumunuz edirəm ki, Bayram Apoyevin doktorluq dissertsiyasını pedaqogika üzrə elmlər doktoru, professor Akif ABBASOV yazıb.Bayram Apoyevin özünün bu dissetasiasiya işindən ümumiyyətlə, xəbəri belə yoxdur. Bayram Apoyev deyir ki, yaxın günlərdə dissertasiya işim AAK tərəfindən təsdiq olunacaq və diplomumu alacam.

Bütün bunlar Ali Attestasiya Komissiyasında işləyən bəzi şəxslərin korrupsiyaya bulaşdığını göstərir.

Hörmətli Famil müəllim ,biz Sizi obyektiv adam kimi tanıyırıq.Xahiş edirik ki,bu hərc-mərcliyin qarşısını alasınız.

Bir də bildirmək istəyirəm ki,universitet rəhbərliyi mənim adımdan müxtəlif aidiyyəti təşkilatlara cavab göndərir ki,guya ərizəni mən yazmamışam.Mən yazdığım ərizəyə tam cavabdehəm və xahiş edirəm ki,ərizəmdəki faktlar araşdırılsın və lazımi tədbir görülsün".
İddia olunanlarla bağölı dia.az olaraq qarşı tərəfi də dinləməyə hazırıq...

Oxşar xəbərlər

Ali Attestasiya Komissiyasında yeni təyinatlar
İttiham hədəfi olan Ali Attestasiya Komissiyasının sədri DANIŞDI - "BƏLİ, "PORT BAKU"DA MƏNZİLİM VAR"
Professor şəhid Xudayara şeir həsr etdi - Video
Professora TƏBİB-də vəzifə verildi - Foto
İlham Əliyev Möhsün Nağısoyluya vəzifə verdi
Coğrafiya müəllimi olmaq istəyənlər imtahan verir
BDU-nun dosenti vəfat etdi
Azərbaycanda yüksək vəzifəli şəxs koronavirusdan öldü - FOTO
BDU-nun tanınmış müəllimi vəfat etdi - FOTO
BDU-nun dosenti vəfat etdi - FOTO
Səhiyyə Nazirliyinin baş nevroloqu vəfat etdi
Kafedra müdiri koronavirusdan vəfat edib
İsmayıllı məktəbinin müəllimi də şəhid olub - FOTO
Nazir bu məktəbdə baş verənlərdən xəbərdar olmalıdır...
“30 ildir Akademiyada işləyir, amma tərcümeyi-halını yaza bilmir” - Ənvər Əliyev
BDU-nun dekanı vəfat etdi
Professor oğlu olan universitet müəllimi külli miqdarda dələduzluqda ittiham olunur
Rektordan Nazirlər Kabinetinin qərarına hörmətsizlik - İLGİNC FAKT
“Elə müəllim var, 5 fəndən dərs deyir”
Ramiz Mehdiyevin qızı kimdir? - Fotolar
Azərbaycanın daha bir professoru vəfat etdi - FOTO
Səriştəsiz GDU rektoru və onun ŞÜBHƏLİ ƏTRAFI - İTTİHAM
Orta bal göstəricilərinə görə fərqlənən universitetlər - SİYAHI
Xəzərin səviyyəsi 18 metrədək enəcək? - RƏSMİ MÖVQE
İşə qəbul imtahanlarında ən yüksək nəticə göstərən namizəd - Foto
Gəncənin qocalmış rektorları yola salınır - Meydan gəncliyindir
Ulu öndər Heydər Əliyevin xatirəsi anılıb - Video
GDU-nun dekanı rektoru necə aldadıb? - Moskvada və aylıqdakı tələbələr...
Gəncə təhsilində nələr baş verir? - İTTİHAM
Binəqədinin icra başçısına yeni müavin təyin edildi