AQTA sahibkarlara necə problem yaradır - NARAZILIQ!
23-01-2021, 10:05
57

AQTA sahibkarlara necə problem yaradır - NARAZILIQ!

Ötən ilin sonlarında Rusiya ölkəmizdən pomidor idxalına qadağa qoydu. Hazırda qadağanın bir hissəsi götürülsə də, məhsulun ixracı ilə məşğul olan sahibkarlar maliyyə itkisi ilə üzləşdilər. Bu günlərdə isə Qazaxıstan Azərbaycandan pomidor idxalını dayandırdığını bildirdi. Sputnik Azərbaycan-ın bölgə müxbiri pomidorun əsas istehsalçısı sayılan qərb bölgəsinin sahibkarları ilə görüşərək qadağaların onlara təsiri barədə söhbətləşib.

Söhbət zamanı məlum olub ki, nəinki Qazaxıstanın qadağası, Rusiya Azərbaycan pomidoruna yaşıl işıq yandırandan sonra belə, Şəmkirdən Rusiyaya tərəvəz vurulmayıb. Bu haqda danışan Tovuz rayon Düz Qırıqlı kəndindən olan sahibkar Rasim Hümbətov dekabrın 5-də yola saldıqları məhsulun geri qaytarılmasından sonra Rusiya bazarlarına tərəvəz aparılmadığını söyləyib.

“10 ildir istixanada məhsul becəririk, builki qədər ziyanımız olmamışdı. Dekabrın 5-dən bu günə xaricə malımız çıxmayıb. Məhsulumuzda da heç bir xəstəlik, problem yoxdur. 60 ton mal üstümüzə qaytarıldı. Yerli bazarlarda da tələbat olmadığından xarab oldu”, - deyə məlumat verib.

Sahibkarlar məhsullarında heç bir xəstəliyin olmadığını bildiriblər. Ədalət Zeynalovun sözlərinə görə, Tuta qurdu deyilən xəstəlik qış mövsümündə Şəmkir istixanalarının heç birində olmur. İndiyədək yerli bazarlara verilən mallarda da bu qurda rast gəlinməyib. Lakin yerli bazarlarda qiymətin maya dəyərindən 2-3 dəfə ucuz olması onları müflisləşməklə üz-üzə qoyub:

“Rusiya qadağanı götürdü ki, xəstəlik olmayan pomidor getsin. Buna görə AQTA (Azərbaycan Respublikasının Qida Təhlükəsizliyi Agentliyi) istixanalarda monitorinq aparıb rəy verməlidir ki, malımız bazara çıxsın. Yanvarın 6-dan AQTA tərəfindən istixanada baxış keçirilərək nümunələr götürülüb. Lakin aradan yarım aydan çox vaxt keçməsinə baxmayaraq heç bir cavab verilməyib. Proses ləng getdiyindən məhsul yetişib xarab olur”.
Fermerlərin sözlərinə görə, yetişmiş məhsul 10 gün ərzində xarab olur. Bu səbəbdən pomidorlar soyuduculara vurularaq saxlanılır ki, bunun özü də əlavə xərc tələb edir. Onlar bildirirlər ki, hər kiloqram üçün pomidorun maya dəyəri 1 manat civarında hesablanır. Yerli bazarlara isə pomidorun cüzi bir hissəsi çıxarılaraq 20-30 qəpiyə satılır.

12 ildir təsərrüfatla məşğul olan Səlahəddin Rzayev isə bir başqa məqama toxunub. Onun fikrincə, Qida Təhlükəsizliyi Agentliyi yalnız iri sahibkarların məhsularına rəy verərək ayrı-seçkiliyə yol verir. Fermer 3 hektardan aşağı torpaq sahəsi olan sahibkarlara agentliyin sertifikat vermək istəmədiyini söyləyib: “Təəssüf ki, tovuzlu və şəmkirli fermerlərin heç birinə icazə verilmir. Yalnız Samux və Abşeron yarımadasında olan böyük istixanalar icazə ala bilirlər. Belə başa düşürük ki, onlar daha böyük sahibkarlardır. AQTA bəyan edir ki, 3 hektardan aşağı torpaq sahəsi olan təsərrüfat sahibləri xaricə mal ixrac edə bilməzlər. Bu hansı məntiqə uyğundur - biz dərk edə bilmirik”.

Şəmkirli sahibkarlar üzləşdikləri problemlərlə əlaqədar aidiyyəti qurumlardan kömək istəyirlər.

Oxşar xəbərlər

Rusiyanın qoyduğu qadağa araşdırılır - AQTA
Rusiya Azərbaycandan alma və pomidor idxalına QADAĞA QOYDU
Peskov meyvə-tərəvəz idxalına qoyulan qadağaya münasibət bildirib
Cənab nazir, fermerlər dad deyir... - NARAZILIQ!
Rusiyadan Ermənistana YENİ QADAĞA
Rusiya Ermənistana xəbərdarlıq etdi
Azərbaycandan Rusiyaya alma ixracına qoyulan qadağa qismən ləğv edilib
Rusiya Azərbaycanın 12 müəssiəsindən pomidor idxalına İCAZƏ VERDİ
Rusiyanın “pomidor müharibəsi”...
Rusiyadan yenə pomidor qadağası
Bir sıra müəssisələrdən Rusiyaya məhsul ixracına icazə verildi
“Rosselxoznadzor” Azərbaycanın daha 4 istehsalçısından pomidor idxalına icazə verdi
«Elə bilirlər milyon qazanırıq, müflis olub getmişik» - Şəmkirdə istixana sahibləri
Rusiya peyvəndi Çin və Hindistanda istehsal oluna bilər
“Azəriqaz” Şəmkir sahibkarlarını müflis edib - GİLEY
“Lotu Quli”nin qardaşı Rusiyada davaya səbəb oldu: Yaralılar var
Qarabağda istehsal olunan məhsullar Rusiyada satılır - FOTOFAKT
Rusiya sərhədini qanunsuz keçməyə cəhd edən Azərbaycan vətəndaşı SAXLANILDI
TRT: Naxçıvana birbaşa gedən yolun bərpası dekabrın 1-dən sonra başlanacaq
Azərbaycanın idxal-ixracında əsas məhsulların və tərəfdaş ölkələrin SİYAHISI
Qazaxıstan yerli vaksin istehsalına başladı
“Düşməndən qənimət götürdüyümüz texnikaların nümayişi Rusiyaya pis təsir edib”
Hökumət sahibkarları unudubsa, bilək... - NARAZILIQ!
Qazaxıstan vaksin istehsalına başladı
Putin nəhəng kosmodromu Ərdoğana niyə təklif etdi?
Xankəndi aeroportu dekabrın 25-də açılacaq?
Koronavirusun daha bir təhlükəli növü Rusiyada aşkarlandı
“Tovuzda ermənilərin təxribatı Rusiyadan qaynaqlanırdı” – Deputat
Sovet İttifaqı Azərbaycanın haqqını necə yeyirdi? – STATİSTİKA
Samir Şərifov yola salınır... - Onun yerinə sürpriz namizəd!