"Gəncənin icra başçısı məni ölümə sürükləyir" - GİLEY
28-01-2021, 09:32
73

"Gəncənin icra başçısı məni ölümə sürükləyir" - GİLEY

"Mən uçuq damımın altında yaşamaqdan qorxuram, Gəncənin icra başçısı məni ölümə sürükləyir”.

Bunu II Qarabağ müharibəsi zamanı Ermənistan Silahlı Qüvvələri tərəfindən Gəncəyə atılan raket nəticəsində evi dağılan şəhər sakini Vüsalə Əliyeva "Toplum TV”-yə deyib.

Bir neçə həftə əvvəl sosial şəbəkələrdə Vüsalə Əliyevanın Gəncə Şəhər İcra Hakimiyyətindən narazılığını bildirən videosu yayılmışdı.

"İcra başçısına dedim ki, müraciət etdik, amma bizi qovdular"

Şikayətçinin dediyinə görə, həmin videodan sonra İcra Hakimiyyətinin nümayəndələri onlara baş çəkib: "Evə gələndən sonra bizi İcra Hakimiyyətinə çağırdılar. "Kəpəz TV”-dən də çəkilişə gəlmişdilər. Bilirdim ki, belə olacaq, çünki mən də videomüraciət etmişdim. İcra hakimiyyətinin başçısı dedi ki, niyə mənə müraciət etməmisiniz, video ilə şikayət etmisiniz? Mən də məktubları göstərdim ki, müraciət etmişəm, amma bizi qovublar”.

Vüsalə Əliyevanın sözlərinə görə, görüşdə qərar verilib ki, ailə üzvlərinin hamısı müalicə olunacaq, buna görə də onları Gəncə Şəhər Beynəlxalq Xəstəxanasına yönəldiblər. Lakin müayinədən sonra onun həyat yoldaşı müalicə xərcləri üçün İcra Hakimiyyətinin nümayəndəsi Tural İbrahimova davamlı zəng vursa da, cavab verən olmayıb.

"Dedilər ki, dövlət buna görə bizə pul ayırmayıb"

"Neçə gündən sonra telefonumuzu açdılar. Tural müəllim dedi ki, biz sizi müayinəyə göndərmişdik, müalicəyə yox, xərclər çoxdur, dövlət bizə buna görə pul ayırmayıb. Yoldaşım dedi ki, biz prezidentə müraciət edirdik, siz də dediniz ki, hər şeyi özümüz həll edəcəyik. İndi də deyirsiniz ki, bizim o qədər pulumuz yoxdur? Əgər pulunuz yoxdursa, biz başqa orqanlara müraciət edək. Tural müəllim də sərt şəkildə cavab verdi ki, məni təhdid eləmə, bizim də bildiymiz var, bizim də həyatımız var. Bəli, Tural müəllim, oktyabrın 4-dək bizim də həyatımız var idi”, - deyə Vüsalə Əliyeva bildirib.

Şikayətçi deyir ki, onların iş yeri də evlərinin içində olub, 10 otaqlı evlərini həm gözəllik salonu, həm də şirniyyat sexi kimi işlədiblər. Evləri dağıldığı üçün indi işləyə bilmirlər.

Onların banklara kredit borcu da var. İcra Hakimiyyəti isə evlərinin dağıldığını təsdiq edən sənədi onlara vermədiyi üçün banklar borclarını tələb edir: "Bizə banklardan zənglər gəlir ki, borcunuzu ödəyin. Yoldaşım onlardan birinə zəng vurdu, evimiz, iş yerimiz dağılıb, ödəyə bilmirik dedi. Cavab verdilər ki, bununla bağlı İcra Hakimiyyətindən rəsmi təsdiq sənədi olmalıdır. Biz 2 ay əvvəldən müraciət etmişik, amma İcra Hakimiyyəti bir sənədi də bizə qıymır”.

"Mehriban Əliyevaya, Hikmət Hacıyevə, Kəmaləddin Heydərova, Sahibə Qafarovaya müraciət etdim"

Şikayətçi Mehriban Əliyevaya, Hikmət Hacıyevə, Kəmaləddin Heydərova, Sahibə Qafarovaya da müraciət etdiyini bildirib: "Mənim 10 otaqlı villam var idi, indi 6 nəfərlik ailə bir otağa sıxışıb qalıb. Küçələrdən odun yığıb evə gətirirəm. Evin üstü yoxdu, çadırdan dam düzəltmişik. Haqqım olan pulu məmurlar yeyir”.

Şikayətçi İcra Hakimiyyətindən onlara 2 min manat pul ayrıldığını deyib: "Biz ev dağılanda ordan çılpaq çıxmışıq, 1000 manatı verdilər ki, üst-başınıza bir şey alın, qalan 1000 manata da Bakıya gedib gözünüzü müalicə etdirin. Həkim 19 dənə resept yazıb, bir gözüm görmür, boğazımda da şiş var, bu pul nəyə bəs edəcək?”

Tural İbrahimov: "Mən heç kəslə kobud şəkildə danışmamışam”

İcra Hakimiyyətinin Sosial iqtisadi inkişafın təhlili və proqnozlaşdırılması şöbəsinin baş məsləhətçisi Tural İbrahimov "Toplum TV"-yə açıqlamasında şikayətçinin iddialarını təkzib edib: "Dedikləri sübut etməyənə qədər iddiadır, mən heç kəslə kobud şəkildə danışmamışam”.

T. İbrahimov digər sualları cavablandırmaq istəməyib və qurumun elektron ünvanına sorğu göndərməyi tövsiyə edib: "Rəsmi müraciət edin, rəsmi də cavab verək”.

Gəncə Şəhər İcra Hakimiyyətinin baş məsləhətçisi, hüquqşünas Elnur Rəhimov deyir ki, müharibədə zərərçəkən şəhər sakinlərinin müayinə və müalicə xərclərini İcra Hakimiyyəti qarşılayır: "Şəhər sakinlərinin bir qismi artıq Beynəlxalq Xəstəxanada müayinə olunub, onların müalicə xərcləri də qarşılanıb, xərcləri ödənməyən şəxslər isə xəstəxanadan verilən arayışla birlikdə yazılı şəkildə İcra Hakimiyyətinin başçısına müraciət etsinlər, ərizələrinə baxılacaq”.

Vüsalə Əliyevanın bankların arayış tələb etməsi, lakin İcra Hakimiyyətinin isə ona həmin sənədi verməməsi məsələsinə isə hüquqşünas belə cavab verib: "Araşdırmaq lazımdır ki, onların müraciətinə niyə cavab verilməyib? Mən özüm də vətəndaşı qəbul edib barəsində arayış hazırlaya bilərəm”.

Onun sözlərinə görə, qurum şikayətçilərin ərizəsinə 15 gün ərzində cavab verməlidir.

İcra Hakimiyyəti: "Həqiqəti əks etdirməyən əsassız iddiadır"

Gəncə Şəhər İcra Hakimiyəti "Toplum TV”-nin yazılı sorğusuna cavab olaraq bildirib ki, Vüsalə Əliyevanın iddiaları həqiqəti əks etdirmir və şikayətçinin müalicə üçün tələb etdiyi vəsait şəhər İcra Hakimiyyətinin imkanları xaricindədir.

"Zərərçəkən bəzi KİV və sosial şəbəkələr vasitəsi ilə həqiqəti əks etdirməyən əsassız iddialarla çıxış edərək, onlara lazımi köməkliyin göstərilmədiyini bildirib. Vətəndaş Vüsalə Əliyeva və həyat yoldaşı Tapdıq Abdullayev Gəncə Şəhər İcra Hakimiyyətinin başçısı Niyazi Bayramov tərəfindən qəbul edilib, onların şikayətləri dinlənilib. İcra başçısının tövsiyəsinə əsasən onlar Gəncə Beynəlxalq Xəstəxanasında müayinədən keçsələr də, təkrar müayinə və müalicə üçün Bakıda olan özəl tibb müəssisələrindən birinə getmək istədiklərini bildiriblər. Bununla bağlı onlar Niyazi Bayramovdan maddi köməklik istəyiblər və istəkləri müvafiq qaydada təmin olunub. Daha sonra vətəndaş Tapdıq Abdullayev şəhər İcra Hakimiyyəti başçısı Aparatının bəzi məsul əməkdaşlarına yenidən zəng edərək, diş implantasiyası üçün əlavə 20 000 AZN-ə ehtiyac olduğunu bildirib. Sözügedən vəsaitin ödənilməsinin şəhər İcra Hakimiyyətinin imkanları xaricində olduğu onların diqqətinə çatdırılıb”, - İcra Hakimiyyəti sorğuya belə cavab verib.

Qurumun cavabında həmçinin qeyd olunub ki, T.Abdullayevin ilkin müraciətinə əsasən İşçi qrupunun üzvləri vətəndaşın evinə təkrar baxış keçirərək, akt tərtib ediblər.

"Gəncənin icra başçısı məni ölümə sürükləyir"
"Gəncənin icra başçısı məni ölümə sürükləyir"
"Gəncənin icra başçısı məni ölümə sürükləyir"
"Gəncənin icra başçısı məni ölümə sürükləyir"
"Gəncənin icra başçısı məni ölümə sürükləyir"
"Gəncənin icra başçısı məni ölümə sürükləyir"
"Gəncənin icra başçısı məni ölümə sürükləyir"

Oxşar xəbərlər

ABŞ-ın məşhur jurnalisti Gəncəyə səfər edib
Şuşanın icra başçısı onu tənqid edənlərə “kor” dedi
Bu arada hansı icra başçılarına “qırmızı kart” göstəriləcək? – SİYAHI
İcra başçısı məhkəməyə verildi
Sabiq icra başçısının həbs müddəti daha 2 ay uzadılıb
Naftalan şəhər İcra Hakimiyyətində dəyişiklik
İcra başçısı müavini və şöbə müdirini işdən çıxardı
Goranboyun icra başçısı ilə bağlı ŞOK İDDİA - Belə deyirlər...
Koronavirusdan ölən icra başçısı dəfn olundu
İcra başçısı ilə bağlı müəmmalı xəbər... - İDDİA
Elmar Vəliyevin adamları Hacıkəndin ərazilərini satır? - İTTİHAM
Gəncə Şəhər İcra Hakimiyyətinin rəhbərliyi “YAŞAT” Fonduna ianə edib
Gəncə şəhər İcra Hakimiyyətinin saxlanılan sabiq vəzifəli şəxsləri məhkəməyə gətirildi
Göyçay icra başçısı sakini belə aldatdı - İTTİHAM
Bir neçə rayon rəhbəri ilə bağlı İDDİA - SİYAHI
İcra başçısının koronavirusdan vəfat edən müavininin yerinə təyinat oldu
Ağsunun icra başçısı ölməyib, vəziyyəti ağırdır - AÇIQLAMA
Deputat da başçının həbsini tələb etmişdi, amma... - İndi də sakinlər imza toplayır
Azərbaycanda icra başçısı dünyasını DƏYİŞDİ
Kəlbəcərin icra başçısı müavinini və köməkçisini İŞDƏN ÇIXARDI
Nizaməddin Quliyevin işdən çıxarılan kadrının yerinə TƏYİNAT
Azərbaycanda icra başçısı belə tutuldu - ANBAAN VİDEO
Gənc icra başçısı baş redaktoru cərimələtdi
Gəncə Şəhər İcra Hakimiyyəti həbslərlə bağlı məlumat yaydı
Yeni icra başçısı köməkçisini özünə birinci müavin təyin etdi
İcra başçısına xanım müavin təyin olundu - FOTO
DTX-nın həbs etdiyi sabiq icra başçısı vəkilindən imtina etdi
"Lakin müraciətlərim nəticəsiz qalıb..." - GİLEY
Binəqədi icra başçısı iki gözünü itirən qazimizə qarşı SAYĞISIZLIQ - Prezident “Cəsur döyüşçü” adı verib
Yeni icra başçısı müavinlərini və köməkçisini İŞDƏN ÇIXARDI