"Döyüşdə yaralanıb, rütubətli daxmada ac canıyla mücadilədədir” - GİLEY
23-02-2021, 13:15
37

"Döyüşdə yaralanıb, rütubətli daxmada ac canıyla mücadilədədir” - GİLEY

Övladımın halını gördükcə ürəyim param-parça olur. Üstəlik, maddi imkansızlıq üzündən əziyyət çətinlik çəkirik. Oğlum döyüşdə ağır yaralanıb, bircə əməliyyatını dövlət edib. Hospitaldan evə buraxılandan bütün əziyyəti, xərci mənim üstümdədir. Qapısını döydüyüm qurumlar da oğluma kömək etmədi”.

Bunu Meydan TV-yə Göyçay rayonu, Mallı-Şıxlı kənd sakini Maygül Məmmədova deyir. Maygül xanımın 19 yaşlı oğlu Yusif Məmmədov Cəlilabadda həqiqi hərbi xidmətdə olarkən, İkinci Qarabağ Müharibəsi başlayan ilk gündən Murovdağa döyüşə göndərilib. 3 gün sonra – sentyabrın 30-da onurğasından qəlpə yaraları alıb. Əvvəl Gəncədəki, sonra Bakıdakı Hərbi Hospitala götürülüb. Əməliyyat olunandan sonra evə buraxılıb. Aylardır ki, yarımcan vəziyyətdə olan gənc çox şəraitsiz, rütubətli bir otaqda həyatla mücadilə edir.

Ananın deməsinə görə, o gündən Yusifin sonrakı taleyi ilə maraqlanan olmayıb: "Yusif belindən qəlpə yaraları alıb, yerimə qabiliyyətini itirib, qucağımızda daşıyırıq. Bununla belə, onu Hərbi Hospitaldan 1 aylıq məzuniyyətə buraxıblar, ordudan tərxis etməyiblər. Deyiblər, 1 aydan sonra hospitala qaytarılmalıdır, əlillik üçün sənədləri hazırlanmalıdır. Özünü fiziki idarə edə bilmədiyi üçün yəqin ki, 1-ci qrup əlillik təyin olunacaq. Hazırda müalicəsiylə, qidalanmasıyla təkbaşına məşğul oluram, heç bir qurumdan kömək yoxdur. Həyat yoldaşımı çoxdan itirmişəm, Yusifdən başqa daha üç övladım var. Qızlarım ailəlidir, digər oğlum isə Yusifdən kiçikdir, orda-burda fəhləlik edir, qəpik-quruş qazanır, çörəyimizi alır... Bütün bu çətinliklərə baxmayaraq, Yusifi dindirəndə deyir, ana, döyüşdyüm üçün peşman deyiləm, Vətən sağ olsun. Deyir, ana, heç kimin qapısına getmə, heç kimdən yardım istəmə, mən ona görə döyüşməmişəm ki, mənə görə kimdənsə kömək istəyəsən...”

Yusifin onurğasında əməliyyat aparılıb, çanaq orqanları funksiyasını itirib: "Tamamilə yeriyə bilmir. Çarpayıdan qucağımda götürüb tualetə aparıram... Özüm çimizdirirəm. Göyçay Rayon İcra Hakimiyyətinə gedirdim, başçının qəbuluna düşmək istəyirdim, deyirdilər, icra başçısı Mehdi Səlimzadə heç kimi qəbul eləmir. Deyirdim, axı, bu uşaq döyüşüb, üstümə yarımcan gəlib, niyə bir dəfə qapını açıb vəziyyətiylə maraqlanmırsız? Gəlin bircə gün onun yatdığı otaqda qalın, görüm o nəmişliyə, havasızlığa davam gətirərsizmi? Torpaq döşəmənin üstündə gəzə bilərsizmi? Dam örtüyü dağılmış evin içinə yağan yağış sularına dözə bilərsizmi? Niyə soruşmursuz ki, yaralanıb evə buraxılandan sonra bu uşağın vəziyyəti necə oldu, öldü, qaldı? Dedilər: "Narahat olma, get evə, prezident özü nə lazımdırsa, edəcək”. Axırda götürüb İlham Əliyevə yazdım, laqeyd münasibətdən gileyləndim, bir də baxdım ki, başçı gəlib, qapıdadır. Rayonun bir neçə məmuruyla, bələdiyyə sədri ilə gəlmişdi. Dedim, yəqin uşağa köməyə gəliblər, bəlkə yarımçıq qalan evin tikintisinin başa çatdırılmasına göstəriş verəcək, eləcə, "sağ ol ki, bizim üçün döyüşmüsən” deyib, getdilər. Bircə arada icra nümayəndəsi ərzaq gətirir, başqa heç bir məmurdan köməklik görməmişik”.

Göyçay Rayon İcra Hakimiyyətindən Meydan TV-yə bildirilib ki, fevralın 11-də Mehdi Səlimzadə İkinci Qarabağ Savaşında yaralanmış əsgər Yusif Məmmədovun yaşadığı ünvanda olub, ona baş çəkib, problemlərilə maraqlanıb. Qurumdan bildirilib ki, bundan əvvəl də icra başçısı bir neçə qazi ailəsində olub.

Yazı dərcə hazırlanarkən Maygül Məmmədova Meydan TV ilə əlaqə saxlayaraq bildirib ki, Yusif hərbi xidmətə getməmişdən əvvəl qardaşıyla birlikdə yalnız hörgü işlərini apara bildiyi evin bir otağına köçürülüb. Həmin otaq ayrı-ayrı adamların köməkliyi ilə düzəldilib. Ana Meydan TV vasitəsilə də həmin şəxslərə təşəkkürünü çatdırmaq istəyib.
"Döyüşdə yaralanıb, rütubətli daxmada ac canıyla mücadilədədir” - GİLEY



Oxşar xəbərlər

Qazi ailəsi Göyçayın başçısından ŞİKAYƏT ETDİ - Prezidentə müraciət olundu
Qazi atası icra başçısından Prezidentə şikayət etdi: “Bir dəfə də olsun...” - FOTOLAR
“Xankəndində yaralanan oğlumun kəllə qapağı çıxarılıb və..." - Qazimizin anası kömək istəyir
Həbs olunan Qarabağ qazisinin atası çarəsiz qalıb... - "Bilmirəm, yanına gedim, yoxsa körpələrinə baxım…"
Daha bir erməni əsgər öldü
Qazi: "Vətən müharibəsi yaralanmağımdan 9 saat sonra qələbəylə bitti"
Balakən icra hakimiyyətindən BİABIRÇI MÜNASİBƏT... - NARAZILIQ...
Yaralı qazilərdən etiraz: - “Bizi xəstəxanadan çıxarmaq istəyirlər”
“AZİ”nin rektoruna SƏRT İTTİHAM - “Tələbələri hədələyirlər ki, döyüşdə olmaqlarının dəxli yoxdur”
Qazimiz niyə müalicə olunmur?
Sahil Babayevin nazirliyindən ağlasığmaz qərar — Qarabağda gözünü itirən əsgər 110 manat alacaq
Əmiləri ilə çiyin-çiyinə vuruşan qazimiz - VİDEO
300-dən çox düşməni məhv edən igid qəhrəmanımız (VİDEO)
Xankəndidə yaralanan qazimizin durumu ağırdır
İki əsgər yetişdirən ailə çətin durumda - Müraciət...
Yaralı halda 2 gün döyüşən şəhidimiz - VİDEO
Ölümündən sonra dörd medalla təltif olunan qəhrəman döyüşçü - Video
Ürəyindən yaralanan qazimiz Bakıya gətirilib
Vətən müharibəsi qazisi şəhid oldu
Şuşanın azad edilməsini Ali Baş Komandana məruzə edən xüsusi təyinatlı kimdir? - FOTO
Alınmaz qalanın mətin komandiri!
Qazi atası icra başçısından NARAZILIQ ETDİ - "...heç qəbul etməyiblər"
Xudatda Qazi ailəsini incidən kimdir? - torpaq dələduzluğu...
Yaralı qazimizin müalicəsi niyə dayandırılıb? - GİLEY
Dənizdə batan bank müdiri tanınmış prokurorun qardaşı oğludur - Yeni təfərrüatlar
Düşmənə öldürücü zərbələr vuran Hikmət: "Erməni hərbi hissəsinə girdik..." (VİDEO)
Məni güllə altında sürüyərək ərazidən çıxardılar - Qarabağ qazisi
"Tək istəyim oğlumun sağlamlığına qovuşmasıdır" - GİLEY
Bu gün Mübariz İbrahimovun doğum günüdür
"Həkimə hörmət etmədim deyə sənədə sağaldığımı yazdı" - GİLEY