Hökumət iki azyaşlının əlilliyini ləğv edib... - əlillər dərmansız, ərzaqsız qalıb
21-04-2021, 20:02
146

Hökumət iki azyaşlının əlilliyini ləğv edib... - əlillər dərmansız, ərzaqsız qalıb

“Uşaqların əlillik pensiyası kəsilib, bir ildir ki, dərmanlarını ala bilmirik. Hər ikisi epilepsiya xəstəsi və əqli qüsurludur. Bir ildir ki, məmurlar məni də, əlil uşaqlarımı da süründürürlər. Bu vəziyyət isə uşaqlarımın səhhətinə daha ağır zərbə vurur”.

Zərdabın Qaravəlli kəndində yaşayan Gülnar Yusifova Meydan TV-yə danışır ki, iki əlil övladının – 14 yaşlı Asifin və 11 yaşlı Fəridin əlilliyi ləğv olunub. Onun sözlərinə görə, ötən ilin iyulunda hər iki uşağın əlilliyi ləğv olunub. Avqustda ana uşaqlarına görə Psixi Sağlamlıq Mərkəzindən sənədlər alaraq Tibbi-Sosial Ekspertiza Komissiyasına göndərib, ancaq imtina cavabı alıb. Səbəb kimi uşaqların epilepsiya tutmaları ilə bağlı məlumatların “Forma-88”-də qeyd olunmaması göstərilib. Ana Uşaq Nevroloji Xəstəxanasından TSEK-in tələb etdiyi qaydada sənədləri də alaraq təkrar komissiyaya göndərib. Yusifovlar ailəsinə TSEK-dən yenə imtina cavabı verilib. Bu dəfə imtinaya səbəb kimi uşaqların 10 günlük stasionar müalicə almadıqları göstərilib.


“Hansı sənədi istədilərsə apardım, amma…”

“Bu ilin martında hər iki övladımla Əmək və Əhalinin Sosial Müdafiəsi Nazirliyində oldum. Sonra isə Dövlət Tibbi-Sosial Ekspertiziya Komissiyasına getdim. Komissiyadan 10 günlük stasionar müalicənin “Forma-88”-də qeyd olunması üçün Uşaq Nevroloji Xəstəxanasının həkimləri ilə əlaqə saxladılar. Oradan TSEK-ə bildirildi ki, uşaqların psixi problemlərinə görə xəstəxana stasionar yox, ev şəraitində müalicə yazıb. Səbəb psixi xəstəliyi olan uşaqların Uşaq Nevroloji Xəstəxanasında saxlanılması üçün şəraitin olmamasıdır. TSEK-də məndən 2021-ci ilin rəyini istədilər və mən Əsəb-Ruhi Dispanserindən onların istədikləri sənədləri əldə edərək növbəti dəfə TSEK-ə təqdim etdim. Ancaq övladlarıma hələ də yenidən əlillik təyin olunmayıb”, – ana danışır.

İki əlil uşaqla yollarda…

“Sənədlər TSEK-dədir. Ancaq hər dəfə müxtəlif bəhanələrlə məni dağa-daşa salırlar. İki xəstə uşaqla Zərdabdan Bakıya gəlirəm, Nazirliyə gedirəm, ordan TSEK-ə, ordan xəstəxanaya, ordan yenə rayona… İki əlil uşaqla yollarda qalmışam. Tez-tez huşlarını itirmələri, dillərinin qatlanması, 20-30 dəqiqə ərzində dəfələrlə bu halların təkrarlanması bu uşaqlara əlillik təyin etməyə kifayət etmirmi? Böyük uşağın psixi problemləri daha çoxdur. Bu boyda get-gəllər uşaqların psixi pozğunluğunu daha da artırır”.


Tibbi rəy

“Pulsuzluqdan müalicəsiz qalıblar”

Ailənin maddi gəlirləri aşağıdır, bu üzdən də uşaqların müayinə və müalicəsi 1 ildir dayanıb:

“Maddi durumumuz çox ağırdır. Həyat yoldaşım Laçın köçkünüdür, bircə köçkünlüyə görə dövlət ona və iki uşağa 60 manat verir. Hər iki uşağa görə ümumilikdə 300 manat pensiya, iki əlil uşağa baxdığıma görə mənə 100 manat verilirdi. Əlillik ləğv olunandan sonra o 100 manat da kəsildi. Uşaqlar əlildir deyə, təhsillərini ev şəraitində alırdılar, buna görə hər ay 50 manat verilirdi. Bir neçə ay əvvəl onu da kəsdilər. Uşaqlar hər ay müayinədən keçib, müalicə almalıdır. Pulsuzluq üzündən müayinədən də, müalicədən də kənarda qalıblar. Bu uşaqların günahı TSEK-dəki qarnı yekə məmurların gözünü tutacaq”.

Dövlət Tibbi-Sosial Komissiyasının Laçın rayon şöbəsindən bildirilib ki, dövlət səhiyyə müəssisəsi tərəfindən rəsmiləşdirilmiş göndəriş natamam doldurulub. Diaqnozun ağırlaşmalarını təsdiq edən müayinələrin nəticələri dəqiqləşdirilməli və sənəddə ətraflı qeyd edilməlidir.


Oxşar xəbərlər

“Deyirlər, get, müalicə ol…” - GİLEY
Babayevin "islahatlarının" daha bir qurbanı... - Prezidentə müraciət olundu
Əlilliyi olan uşağa müavinət NİYƏ VERİLMİR? - GİLEY
DSMF-nin işi-gücü narazılıq yaratmaqdır... - GİLEY
Gəncədə əlilin başına kimlər oyun açır? - GİLEY
Lerikdə vətəndaşı incidənlər kimlərdir? - GİLEY
Xızıda MƏMUR ÖZBAŞINALIĞI... - Vətəndaş şikayət etdiyinə görə...
I qrup əlillik üçün müraciət etdi, II qrupu da ləğv edildi - GİLEY
Anadangəlmə xəstəyə əlillik dərəcəsi niyə verilməyib? – ƏƏSMN-dən qəribə qərar
Əlillik pensiyası səbəb göstərilmədən dayandırılıb - GİLEY
“Bu şikəst ayağımla məni gəzdirir, problemi bir-birinin üstünə atırlar” - GİLEY
Deputat Sahil Babayevin işçilərindən Əli Əsədova şikayət etdi - "Əlillik almada süni maneələr yaradılır"
Əlilliyin elektron müəyyən edilməsi qaydası, yoxsa “elektron dələduzluq” ? - NARAZILIQ!
Əlillik “oğru qanunu” ilə qiymətləndiril(m)ir - İTTİHAM
Sahil Babayevin işçilərindən ŞOK QƏRAR - FOTO
Sahil Babayevin 190 manatlıq oyunbazlığı... - Kürdəmirdə total NARAZILIQ...
Qazilər avtomobillə növbədənkənar təmin olunur
Şirkətlər və sahibkarlar üçün - YENİ CƏRİMƏLƏR
Gözdən əlillərin pensiyası niyə kəsilir? - Oftalmologiya Mərkəzində biabrıçı mənzərə yaşanır
Azərbaycanda əlillik və müavinətlər kütləvi ləğv edilir - NƏ BAŞ VERİR?
71 yaşlı Şəki sakini pensiyasının artırılmasına nail ola bilmir - GİLEY
"3 azyaşlı uşaqla pensiya ilə dolanıram...” - GİLEY
"Müayinə və müalicəsini vaxtı–vaxtında etməyə imkanım yoxdur" - GİLEY
19 aylıq uşaq maska taxmadığı üçün ailəsi təyyarədən endirildi - FOTO
11 uşaq anasının işığı borca görə kəsildi: - Xəstə oğlunun pensiyası da dayandırıldı
Sağlamlıq imkanı məhdud uşaqların I sinifə qəbulu qaydası açıqlandı
"Əllilik pensiyamı bu uşağa xərcləyirik" - GİLEY
5 nömrəli TSEK-də əməliyyat keçirilib - Nazirlik
ƏƏSMN nədən pensiya hüququ ilə bağlı yalnız İMTİNA CAVABI VERİR... - NARAZILIQ!
DSMF 2-ci qrup əlilə niyə rədd cavab verir?.. - Yenə də absurd bəhanə...