Elşad Həsənov işinin öhdəsindən GƏLƏ BİLDİMİ?.. - Faktlar onun əleyhinədir...
7-05-2021, 13:26
55

Elşad Həsənov işinin öhdəsindən GƏLƏ BİLDİMİ?.. - Faktlar onun əleyhinədir...

Yasamal Rayon İcra Hakimiyyəti (RİH) başçısı Elşad Həsənov 2020-ci il hesabatını verməyi “unudub”. Rublika.Az-ın məlumatına görə, İH-nin rəsmi saytında yalnız 2019-ci ilin hesabatına rast gəlmək mümkündür.

E.Həsənov isə 2019-cu ilin noyabrında təyinat aldığı üçün İH-nin saytındakı hesabat da onun dövrünə aid deyil. İcra başçısı 2020-ci il üçün hesabat təqdim etməliydi ki, onu da deyəsən, “yaddan çıxarıb”.

İcra başçısı ictimaiyyətə açıqlamır ki, pandemiya ilində Yasamal rayonunda hansı işlər həyata keçirilib, nə kimi problemlər həll olunub.

Bu da hesabatlılıq, şəffaflıq və məsuliyyətlilik nöqteyi-nəzərdən Yasamal İH rəhbərliyinin nöqsanı kimi qəbul olunmalıdır. Ümumiyyətlə, E.Həsənov Yasamalın necə deputatı olubsa, elə də icra başçısıdır.

O, parlament fəaliyyətində də seçiciləri ilə maraqlanmazdı, Milli Məclisdə çıxışlar etməzdi. Elə ki icra hakimi təyin olundu, bu sükut daha da çox davam etdi. Yasamal rayon sakinləri E.Həsənovu üzdən bəlkə tanımırlar.

Ən azı “Sovetski” sakinlərinin problemlərinə diqqət göstərməklə fərqlənə bilərdi. Amma dəfələrlə evləri sökülənlər Yasamal İH qarşısına toplaşıb, icra başçısı kabinetindən çölə çıxıb maraqlanmayıb.

Sakinlərin dediyinə görə, onların bir çoxu ev ala bilməyib, kirayələrdə qalan varlar, qeydiyyatları belə yoxdur, polisdədir.

Şikayətçilərin sözlərinə görə, Yasamal rayon icra başçısı Elşad Həsənov keçmiş başçı Əziz Əzizovun əməlləri haqda Bakı meri Eldar Əzizova məruzə etməliydi.

Amma E.Həsənov da sakinlərin hüquqlarının bərpası istiqamətində heç bir addım atmayıb. Bu mənada 2020-ci il üçün icra başçısının nə hesabat verəcəyi də məntiqə uyğundur. Axı E.Həsənov nə iş görüb ki, nəyin hesabın versin?!

Onun ən böyük “hesabatı” sərt karantin zamanı yaşı 65-dən yuxarı olan ahıl qadın günün günortaçağı “20 Yanvar” metrosu yaxınlığında küçə süpürməyə məhkum etməsi idi. Həmin vaxt yaşı 65-dan yuxarı olanların küçəyə çıxmasına qadağa qoyulmasına baxmayaraq, Yasamal Rayon İcra Hakimiyyətinə tabe olan MKTB rəhbərliyi yaşlı nənəyə küçə süpürdürdü.

Ona görə də Prezidentə və ictimaiyyətə Yasamal rayonu ilə bağlı 2020-ci ildə heç bir hesabat verilməyib. 2019 hesabatında isə görüntü xatirinə olsa belə hansı küçənin, hansı məhəllənin abadlaşması haqda ən azı məlumat var. E.Həsənov gəldiyi gündən bir yol asfaltlanmayıb, bir məhəllə abadlaşmayıb, bir ərazinin abadlaşmasına tapşırıq verməyib.

Çox uzağa getmədən, Yasamalın “Şamaxinka”, Alatava massivlərinə baxmaq, Yeni Yasamala baş çəkmək yetərlidir ki, yolların nə vəziyyətdə olduğunu görəsən.

Bundan əlavə, səliqə-sahman yox, hər yer satılıb, nəticədə Yasamal ən sıx əraziyə çevrilib. Çünki İH tərəfindən verilən sərəncamlarla harada gəldi obyekt, bina inşa olunub.

İcra başçısından narazılıq tək buna görə deyil. E.Həsənov Yasamaldan olan şəhid ailələri, qazilərlə də az maraqlanır. Baş çəkdiyi Yasamal rayonundakı bəzi şəhid ailəsinə isə müxtəlif çeşiddə ərzaq paketləri paylayıb. Sanki şəhid ailəsinin onun bir qutu ərzağına ehtiyacı var. Onlar dövlət tərəfindən hər bir qayğı ilə əhatə olunublar. Yəni E.Həsənov özünü göstərmək və təbliğat naminə bunu edir və İH-nin rəsmi saytında fotolar yerləşdirir. Prezident icra başçılarını təyin edərkən birinci göstərişi vətəndaşlara xidmətlə bağlı olmuşdu.

Amma görünür ki, E.Həsənov da digər İH rəhbərlərindən seçilmir. Halbuki kadr islahatları aparılarkən gənc məmurlara etimad göstərilməklə onların daha çevik, mobil iş quracağı gözlənilirdi.

Onlar isə gözləntiləri tam doğrultmurlar. Bu istiqamətdə daha bir gənc icra başçısı ilə bağlı yazımızı təqdim edəcəyik.
Rubrika.Az

Oxşar xəbərlər

Nə sakinlər vecinədir, nə də qanunlar... - Cənab Həsənov kimə arxayındır?
Kadr Islahatının Elşad Həsənov Fiaskosu: “Lal Deputat”, Bacarıqsız Icra Başçısı…
Elşad Həsənov gənc kadrdır, amma təfəkkürü "qoca"dır... - Adi bir problemi də həll etmirsə...
Yasamalın icra başçısı qazinin əlil xanımına üz çevirdi – Fakt
Yasamalın icra başçısı obyektlərdən pul yığdırır? - Sahibkar pul vermədiyinə görə obyekti dağıdılıb...
“Sovetski” camaatı ayağa qalxdı - NARAZILIQ!
Yasamal sakinləri Samir Şərifovu İTTİHAM ETDİ - “Nazirlə icra başçısı pullarımızı mənimsəyib”
“Sovetski” sakinləri Yasamal İH-ə yürüş etdi: aksiyadan – Fotolar
Əli Həsənovun qardaşı İsa Həsənov da aradan çıxır…-Ölkədən qaçmağa hazırlaşır?
Bir neçə rayon rəhbəri ilə bağlı İDDİA - SİYAHI
İcra başçısı həbs olunan rayonun məmuru intihar etdi
Azərbaycanda icra başçısı dünyasını DƏYİŞDİ
Nizaməddin Quliyevin işdən çıxarılan kadrının yerinə TƏYİNAT
Koronavirusdan ölən icra başçısı dəfn olundu
Azərbaycanın ən uzun ömürlü icra başçıları: onlar kimdirlər? - SİYAHI
"Bayram Səfərov əraziləri işğal edib!"
İcra başçısı məhkəməyə verildi
Ağdamın icra başçısı ilə bağlı sərxoşluq iddiasına CAVAB
Vilayət Eyvazov icra başçısının oğlunu işdən ÇIXARDI - FOTO
Yeni icra başçısı köməkçisini özünə birinci müavin təyin etdi
İcra başçısı müavinini İŞDƏN ÇIXARDI
İcra başçısına yeni müavin təyin edildi
Şuşanın icra başçısı onu tənqid edənlərə “kor” dedi
Bu arada hansı icra başçılarına “qırmızı kart” göstəriləcək? – SİYAHI
Əli Həsənov bu vəzifələri icra edəcək
İcra başçısı özünə yeni müavin TƏYİN ETDİ
Ağsu İcra Hakimiyyəti yeni başçını "qəbul etmir" - FOTOFAKT
Yeni icra başçısı müavinlərini və köməkçisini İŞDƏN ÇIXARDI
İcra başçısı şöbə müdirini İŞDƏN ÇIXARDI
Əli Həsənovun qardaşı da işdən çıxarıldı