AAAF Park sakinindən şikayət: - “Kommunal xərclər artıq yazılır”
8-05-2021, 15:31
94

AAAF Park sakinindən şikayət: - “Kommunal xərclər artıq yazılır”

AAAF Park Yaşayış Kompleksinin sakini kommunal xidmətlərə dair ödənişlərin düzgün hesablanmamasından narazıdır.

Bu barədə Oxu.Az-a Abşeron rayonu Xırdalan şəhərində yerləşən AAAF Park Yaşayış Kompleksindən mənzil alan Nicat İsmayılov şikayət ünvanlayıb.

Sakin iddia edir ki, 5 iyul 2016-cı il tarixində sözügedən yaşayış kompleksində 72 kvadrat metr sahəsi olan mənzil alıb, amma heç vaxt mənzildə yaşayış olmayıb:

“Bu mənzili 2016-cı ildə həyat yoldaşımın adına almışam. Mənzil təmirsizdir və yaşayış olmayıb. Mənzili aldıqdan sonra ilk 4-5 ay ərzində kommunal ödənişlərlə bağlı çeklər göndərilib. Çeklər yolladışımın adına gəlirdi və aylıq kommunal xərc 7 AZN olaraq hesablanırdı. Lakin, bir müddət sonra sakinlərlə heç bir müqavilə imzalamadan “M-Kommunal Servis” MMC tərəfindən kommunal xərclər hesablanmağa başladı. Artıq bundan sonra hər ay mənə 20 AZN kommunal hesablandı. Mənzildə yaşayış olmadığı barədə dəfələrlə onlara müraciət ünvanlamışam, lakin müraciətlərim cavabsız qalıb”.
Şikayətçi iddia edir ki, onlara kommunal borcla bağlı gələn bildiriş vərəqəsində mənzil sahibinin deyil, başqa şəxsin adı qeyd olunub:

“AAAF Parkdan alınan küçə 1B, bina 2, 38 nömrəli mənzil 2016-cı ilin iyul ayından mənim həyat yoldaşımın adınadır. Bir neçə ay hər şey qaydasında oldu. Mənzil təmirsizdir və yaşayış yoxdur. Kommunal xidmət haqqı da ona müvafiq olaraq gəlirdi. Lakin bir müddət sonra bildiriş vərəqəsində Mustafazadə Seymur Rafiq oğlu adı qeyd olunmağa başladı.

Bununla bağlı da müraciət etmişəm. Mənə bildirilib ki, daha əvvəl bu mənzili həmin şəxs almaq istəyib. Bu səbəbdən də sənədlərdə texniki səhv olub, lakin hələ də səhv aradan qaldırılmayıb. Xahiş edirəm məsələ ilə bağlı araşdırılma aparılsın və hesablanan əlavə məbləğ ləğv edilsin”.

Vətəndaşın iddialarına cavab olaraq qarşı tərəfin mövqeyini də öyrəndik. AAAF Park Yaşayış Kompleksinin hüquqşünası Ramil Süleymanov Oxu.Az-a açıqlamasında bildirib ki, həmin mənzilin sözügedən şəxsin həyat yoldaşının adında olduğuna dair heç bir şübhə yoxdur və bu məlumat inkar edilmir:

“Bildirmək istəyirəm ki, “AAAF İnşaat” MMC hər hansı bir kommunal xidmətlər həyata keçirmir. Şirkət kommunal xidmətlərin həyata keçirilməsi üçün “M-Kommunal Servis” MMC ilə müqavilə bağlayıb. AAAF Park Yaşayış Massivinin ərazisində qeyd olunan kommunal xidmətlər birbaşa bu müqavilə əsasında “M-Kommunal Servis” MMC tərəfindən həyata keçirilir. Bizimlə onlar arasında razılaşdırılmış məsələlərdən biri də ondan ibarətdir ki, əhalinin həssas kateqoriyası hesab olunan şəxslərin kommunal xidmətlərdən tam yararlanması təmin edilir və ödəniş qəbul edilmir.

Onu da əlavə edim ki, sakinlərə kommunal xidmətlərə görə ödənişlər kvadrat metrə görə deyil, otaq sayına görə hesablanır. Sakinlər kommunal xidmətlərə görə ödənişləri mənzillərin təmirli və ya təmirsiz olduğuna dair kateqoriyaya müvafiq olaraq həyata keçirir. Bir halda ki, mənzil təmirlidir və yaşayış var, onlara bir tarif, təmirsiz və yaşayış olmayan mənzillərə görə isə onun 50 faizi məbləğində (yarısı qədər) tarif tətbiq edilir”.

R.Hüseynov şikayətçi vətəndaşın yenidən şirkətə yaxınlaşmasını və məsələnin bir daha araşdırılması üçün şəraitin mövcud olduğunu da qeyd edib:

“Redaksiyanıza müraciət edən şikayətçi bir daha servis mərkəzinə yaxınlaşsın. Bir daha dəqiqləşdirmə aparılsın. Həqiqətən mənzil təmirsiz və yaşayış olmadığı dəqiqləşdirilsin və ona 50 faizlik güzəştlə (nəzərədə tutulan qiymətin 50 faizi ödənilməklə) kommunal xidmətlərə görə kommunal borc hesablanacaqdır. Biz bir nəfərə görə bütün kompleksin xidmətlərini kəsmirik, hər kəsə fərdi qaydada yanaşırıq. Həmin sakinin hər hansı anlaşılmazlığı varsa, yaxınlaşsın”.

Oxşar xəbərlər

“AAAF Park”da OĞURLUQ
“AAAF Park”da dülgərin üzərinə divar aşdı
Sakinlərə zülm edən AAAF Park... - Günahı dövlət qurumunun üzərinə atır...
Gözləri doymur: Sakinlərin həyatı belə TƏHLÜKƏYƏ ATILIR... - NARAZILIQ!
Millət vəkili cəbhə bölgələrində kommunal qiymətlərin aşağı salınmasını təklif etdi
“Cənnət Park” MTK-dan cəhənnəm əzabı... - GİLEY
"Cənnət" MTK-dan ŞİKAYƏT OLUNDU... - "...məni pulumu verib aldığım mənzilə buraxmırlar"
“AAAF Park”da daha bir problem - “4 ildir qazsız qalmışıq”
"ASAN xidmət" 3 gün işləməyəcək
SON DƏQİQƏ! Abşeronda yenə ara qarışdı:narazı camaat küçələrə axışdı- ETİRAZ AKSİYASI – CANLI YAYIM
Keçmiş nazirə ağır zərbə: Qazandığı tenderlərin nəticələri ləğv olundu
Evlərini təhvil ala bilməyən vətəndaşlar AAAF PARK-dan şikayətçidirlər - VİDEO
“ASAN xidmət” və "ASAN Kommunal" noyabrın 9-u işləməyəcək
"Qaz çəkilmir evlərə, donuruq soyuqdan, necə yaşayaq belə?" - AAAF Park yaşayış Kompeksindən Şikayət
“Qaçqınkom”-da maxinasiya – Nazirlər Kabinetinin qərarı olmadan 3 “JEK” yaradılıb
Mədəniyyət Nazirliyinin “sevimli” şirkəti 20 gündə 8 tenderi necə qazanıb?- İcazə verin şübhələnək..
Yevlax Rayon Mərkəzi Xəstəxanası cərimələndi - RƏSMİ (FOTO)
Paytaxt küçələri növbəti dəfə dezinfeksiya edildi
Paytaxt sakinlərinə xəbərdarlıq: Bu gün küçəyə çıxmayın!
Bakı küçələrində növbəti dezinfeksiya işləri aparılır
Xəzər rayon Mənzil Kommunal Təsərrüfatı Birliyində iş görən kim, pul alan kimdir? - İTTİHAM
Yasamalda yaşayış binasında yanğın baş verdi
Sənədsiz evlərə “kupçalar” nə zaman veriləcək?
Bakıda gücləndirilmiş dezinfeksiya işləri aparılır - Küçəyə çıxmayın
“AAAF Park”da vətəndaşlar soyuqdan donur - etiraz aksiyası
Deputat: "Kommunal xərclər sıfırlansın və kreditlər dondurulsun"
Bakıda 552 küçə dezinfeksiya edilib - Yenilənib
Güzəştli mənzillərlə bağlı yeni xəbər
Bakıda doqquzmərtəbəli binada yanğın olub
“Olympus Park” və “Marin Group” MMC vətəndaşları incidir... - "Nə edəcəyimizi bilmirik, küçələrdə qalmışıq"