"Aznar"a işləyənlər PULLARINI İSTƏYİR - NARAZILIQ!
16-07-2021, 10:46
42

"Aznar"a işləyənlər PULLARINI İSTƏYİR - NARAZILIQ!

Azərbaycanlı milyarder, Rusiyada yaşayan tanınmış iş adamı Fərhad Əhmədov və idarəçiliyində olan şirkətlə bağlı şikayətlər aktivləşib. Ötən həftələrdə iş adamı Fərhad Əhmədova və onun şirkətlərinə məxsus İsmayıllı və Göyçay rayonları ərazisindəki malikanələrdə işləyib haqqını ala bilməyən işçilərlə bağlı xəbərlərin yayımlanmasının ardından şikayətlərin dayanmasına cəhdlər olsa da, zərərçəkmiş Nəriman Rəşid oğlu Qarayev yenidən heç nəyin müsbətə doğru dəyişmədiyini, problemin həll edilməmiş qaldığını yazır.
Vətəndaş Nəriman Rəşid oğlu Qarayevin "Demokratik.Az" saytına daxil olan fərdi müraciətində deyilir:
"Baş vermiş ədalətsizlik haqqında xəbərin yayımlanmasından sonra işçilərə olan borcların bir qismi yarım-yapalaq ödənsə belə borcun böyük qismi hələ də ödənməmiş olaraq qalır. Fərhad Əhmədov cəbhəsində müsbətə doğru dəyişikliklər gözlədiyimiz halda Fərhad Əhmədovun rəsmi nümayəndələri Bəylər Abbasov, Nail Şahverdiyev və Asif İsmayılov zərərçəkənlərin, yəni borclu olduqları işçilərin vəziyyətindən sui-istifadə edərək, əvvəlcədən standard formada hazırlanmış mətnlərdə yalnız statistik məlumat yerlərini boş qoymaqla qəbzlər hazırlamış və kortəbii şəkildə, yarım-yamalaq ödəniş etdikləri şəxslərə həmin o boş yerlərə statistik məlumatları öz xətləri ilə yazdıraraq imzalatdırmışlar. Ayrıca, əldə etmiş olduğumuz dəqiq məlumata görə yuxarıda adları keçən Fərhad Əhmədovun nümayəndələri borclarını ödəyərkən saxtakarlıq edərək borclu olmadıqları şəxslərə də ödənişlər ediblər. Bu bir daha onu göstərir ki, Fərhad Əhmədovun nümayəndələri yuxarıda qeyd olunan davranışları ya bilərəkdən məkrli planları üçün edirlər ya da öz obyektlərində işləmiş, material təmin etmiş, logistika ilə məşğul olmuş və s. xidmətlər göstərmiş insanlar haqqında olan məlumatları məhv etmişlər. Nə qədər də məlumat məhv etsələr, Fərhad Əhmədovun Rusiyadan dəvət etmiş olduğu rəsmi audit-yoxlamanın rəyi və görülmüş işlərlə qalıq məbləğləri təsdiq edən sənədlər biz zərərçəkənlərdə, o cümlədən məndə mövcuddur.
Fərhad Əhmədovun yuxarıda adları qeyd olunmuş nümayəndələri bu davranışları ilə aşağıda qeyd olunan yanlışlıqlara, qanunsuzluqlara yol verərək məkrli planlarını həyata keçirməyə niyyətlənmişlər:
  1. İmzalanmış qəbzlərdə qeyd olunan Kənd MMC-yə məxsus obyektdə hansı podrat işlərindən söhbət getdiyi qeyd olunmamaqla yanaşı podrat işləri deyərkən nəyi ehtiva etdikləri də qeyd olunmayıb.
  2. İmzalanmış qəbzlərdə açıq şəkildə qeyd olunmamış podrat işləri ilə əlaqədar sifarişçi- Kənd MMC ilə icraçı- işi yerinə yetirmiş şəxslər arasında podrat müqaviləsi imzalanıb, yoxsa qeyri qanuni şəkildə işçi işlədilib?
  3. İş görülən yer Fərhad Əhmədova və ona məxsus şirkətlərə aid olduğu, iş gördürənin isə Fərhad Əhmədov və onun şirkətləri olduğu halda imzalanmış qəbzlərdə qeyd olunduğu kimi Nəriman Qarayev işçilərə necə pul ödəyə və yaxud ödəməyə bilər? Nə iş görülən obyekt Nəriman Qarayevindir, nə də iş gördürən Nəriman Qarayevdir, və belə olan halda Kənd MMC Nəriman Qarayevin əvəzindən necə pul ödəyə bilər? Kənd MMC-nin Nəriman Qarayevin əvəzindən pul ödəməsinin məqsədi nədir?
  4. Necə olur ki, 3 il ərzində qəbzlərdə imzaları olan şəxslər Fərhad Əhmədova və ona məxsus şirkətlərə müraciət edərək pul tələb edir və bu 3 il ərzində 1 dəfə də olsun Nəriman Qarayevdən pul tələb olunmur? Əgər o işçiləri Nəriman Qarayev işlətmişdisə pul tələbi Fərhad Əhmədovdan yox Nəriman Qarayevdən olmalı idi. Üstəlik necə olur ki, 3 il ərzində Fərhad Əhmədovdan ödənilməmiş zəhmət haqqı yazılı şəkildə müraciətlərlə tələb olunarkən bir dəfə də olsun gedin pulunuzu Nəriman Qarayevdən tələb edin cavabı verilməyib? 
  5. Necə olur ki, qeyd olunan qəbzlərin imzalandığı tarixdən bir ay öncə İsmayıllı rayon Kürdmaşı kənd icra nümayəndəliyində və DİN-nin İsmayıllı rayon Polis İdarəsində zərərçəkənlər öz xətləri ilə şəxsən şahidlər qarşısında Fərhad Əhmədovdan işlədikləri haqları izahatları ilə tələb etdikləri halda necə oldu ki, birdən birə pul ödəməyən Nəriman Qarayev oldu? 
  6. Fərhad Əhmədova məxsus Aznar QSC-nin KİV-nin nümayəndələrinə (oxu.az, dia.az və unikal.org) 19 mart 2021-ci il tarixli məktubunda qeyd edir ki, “şikayətçilərin Aznar QSC və Fərhad Əhmədovla müqavilə münasibətləri olmadığına görə iddiaları əsassızdır”. İddia əsassızdırsa niyə qəbzlərdə qeyd olunan pulları Aznar QSC-nin törəmə şirkəti olan Kənd MMC ödəyir? Hansı müqaviləyə, hansı siyahıya, hansı məntiqə, hansı əsasa görə ödənişlər həyata keçirilir? Axı vurğulanan məktubda Aznar QSC qeyd edir ki, “Aznar QSC ilə podrat münasibətdə olmuş şəxslərlə müqavilə münasibətlərində olmuşlar”, belə olan halda Aznar QSC-ni, Fərhad Əhmədovu və ya onun nümayəndələrini nə məcbur edirdi ki, yuxarıda qeyd olunan obyektlərdə işləmiş işçilərin qalıq borclarının bir qismini “başqasının əvəzindən” ödəməyə başladı? 
  7. Lap fərz edək ki, Nəriman Qarayev gətirib o adamları Fərhad Əhmədovun obyektlərində işlədib. Fərhad Əhmədov, sən Nəriman Qarayevə pulunu tam ödədin ki, Nəriman Qarayev də işçilərə zəhmət haqqı vermədi?
  8. Qeyd olunan qəbzlərdə kifayət qədər qaranlıq məqamlar və qanundan kənar hallar mövcuddur. Bu barədə mütəxəssislərlə məsləhətləşmədən sonra rəsmi qurumlara rəsmi müraciətlər də  olunacaq. 
Dəyərli KİV nümayəndələri, bir daha diqqətinizə çatdırmaq istəyirəm ki, rusiyalı iş adamı, milyarder, Aznar QSC-nin sahibi Fərhad Əhmədova məxsus Göyçay və İsmayıllı rayonlarındakı obyektlərində 2017-ci ilin noyabr ayından 2019-cu ilin aprel ayına kimi işləmiş şəxslərin pullarının bir qismi hələ də ödənməmiş olaraq qalır. Ödənən qisim isə yenə də qeyd edirəm heç bir məntiqə əsaslanmadan hansısa məkrli planların həyata keçirilməsi üçün saxta və həqiqətə uyğun olmayan sənədlər əsasında ödənir". 
Müraciət müəllifi Fərhad Əhmədovun obyektlərində müəllif nəzarəti qismində fəaliyyət göstərib xidmət haqqını ala bilmədiyini qeyd edib.
Demokratik.Az saytı bildirir ki, ortada tutarlı rəsmi faktlar olsa da milyarder soydaşımız və ətrafı hər vəchlə iddiaları rədd edir, səmimi etiraflardan yayınaraq problemin dərinləşməsinə, şikayətçilərin süni yollarla susdurulmasına doğru gedirlər...
Şikayətçilər Fərhad Əhmədovun, onun şirkətlərinin və nümayəndələrinin qanunsuz əməlləri haqda tədbir görülməsini istəyir...  
Qarşı tərəf olaraq yazıda yer alan hər kəsin söz gaqqına sayqılarla...
Demokratik.Az 


Oxşar xəbərlər

Fərhad Əhmədov işçilərinin əmək haqqını ÖDƏMİR - FOTO
Azərbaycanlı milyarderin şirkəti məhkəməyə verildi
Fərhad Əhmədovla bağlı 300 min dollarlıq qalmaqal – İş adamı malikanəsində işləyənlərin pulunu vermir
İşçiləri azərbaycanlı milyarderə qarşı piketə hazırlaşır - NARAZILIQ!
Fərhad Əhmədovdan şikayət: Pulunu ala bilməyən işçilər piket keçirməyə hazırlaşırlar
Fərhad Əhmədovun işçiləri etiraz edir — Maaşı verilmir (FOTOLAR)
Fərhad Əhmədovun keçmiş həyat yoldaşı öz oğlunu məhkəməyə verib, milyonlar qazandı
İş adamı Fərhad Əhmədov şəhid polkovniklə görüşündən danışdı - VİDEO
Jurnalist Fərhad Abdullayev vəfat etdi
Azərbaycanlı milyarderin boşanma qalmaqalı: Pula görə ana oğluna qarşı çıxır…
Fərhad Əhmədov keçmiş arvadının əsirə çevrildiyini bildirir
Əfqanıstanda sel fəlakəti: 14 ÖLÜ
Fərhad Əhmədov – atası güllələnən və sərvətləri talan edilən milyarder… – “AzNar”ın acı aqibəti…
DTX-nin həbs etdiyi sabiq məmur bu vəzifələrində QALIR
Fərhad Əliyevin oğlu da ön cəbhədə döyüşüb
Fərhad Əhmədovun qardaşı oğlu “Aznarı” darmadağın edir - İLGİNC FAKTLAR
Ramiz Mehdiyev yavaş-yavaş kapitulyasiya edir... - Daha bir bağını satışa çıxardı
Göyçayda özünü asan oğlanı anası son anda xilas etdi
Azad Rəhimovun yerinə ONU GƏTİRİRLƏR... - İDDİA
BDU-nun dosenti vəfat etdi
Pandemiya ilə bağlı şad xəbər - Yaxın 10-14 gün ərzində...
Müştəri "Xalq Sığorta"dan narazılıq edir... - "Bu nə deməkdir, anlamıram..."
“Şərurlu İsfəndiyar” məhkəməyə verildi
Azərbaycanlı iş adamı Ukraynada itkin düşdü
Ali Məhkəmənin Fərhad Kərimov “kabusu”: - GÜNAHSIZ İNSANLAR NECƏ HƏBS HƏYATI YAŞAYIR?
Heydər Əliyev Mərkəzində Xalq rəssamı Fərhad Xəlilovun fərdi sərgisi açılıb
Tağı Əhmədovun xanımı danışdı: “O da insandır, dağ deyil, daş deyil”
“Porsche” ilə qəza törədən milyonçunun qardaşı oğludur
Rövnəq Abdullayevin TELİ-nin və  oğlu Rəşadın QOLU-nun  qiyməti-SOCAR prezidenti oğurlanan 1.3 milyon dollarlıq saatı kimlərin üstünə atmadı ?
Rəşid Mahmudov koronavirusdan sağaldı