“Artıq dözmürəm, istəyirəm bu özbaşınalıqdan hamının xəbəri olsun” - Xızıdan ETİRAZ
14-09-2021, 12:35
26

“Artıq dözmürəm, istəyirəm bu özbaşınalıqdan hamının xəbəri olsun” - Xızıdan ETİRAZ

“4 il əvvəl əkin sahəmin olduğu yerin yaxınlığındakı hərbi hissədə partlayış oldu. Kiminin evinə, kiminin heyvanına zərər dəydi. Mənim də həmin vaxt məhsul gözlədiyim bağım məhv oldu. İnsanların hamısına təzminat ödəndi. Mənim təzminatım da təsdiqləndi, ancaq bu günədək ala bilmirəm”.

Xızı sakini Əfqan Abdullayev belə deyir. Bildirir ki, bütün ailələri əkin-biçinlə dolanır. Əsasən tərəvəz əkini ilə məşğul olurlar. Elə 2017-ci il avqustun 27-də partlayış baş verəndə əkin sahəsində çalışırmışlar. Şükr edir ki, ailəsindən heç kim xəsarət almayıb, ancaq onların gələcək dolanışığı üçün əkdikləri bostanları məhv olub. Dolayısı ilə ailəsi maddi çətinlik çəkib, zərər görüb:

“Bizi də qeydiyyata alıb, təzminat yazmışdılar. Yəni dəymiş ziyan ödənilməli idi, ancaq bugünədək verilməyib. Yazdığımız məktublara nağıl cavablar göndərirlər. Müraciətimizə dəqiq baxan biri yoxdur. Bu günədək susurdum, fikirləşirdim ki, haqqımı almaq üçün səs-küy salmalı deyiləm, verilməlidir. Artıq dözmürəm, istəyirəm bu özbaşınalıqdan hamının xəbəri olsun ”.

Əsasən tərəvəz əkini ilə məşğul olurlar

Şikayətçi bildirir ki, partlayış olan zaman məhsul yığımına çox az qalıbmış. Partlayış nəticəsində su xətti dağılıb, sahə günlərlə susuz qalıb və quruyub:

“Yayın isti vaxtları idi, su kəsildi və bizim məhsulumuz xarab oldu, çürüdü. Ekspert gəldi, partlayışdan zərərçəkənlərin zərərlərini yazdı. Mənim bostanıma da baxış keçirildi və müəyyən olundu ki, 10 min manat zərərim var. Əslində məhsul satışından daha çox gəlir əldə edirdim, amma buna da yox demədim, razılaşdım. Hadisənin üstündən 4 il keçməsinə baxmayaraq, nə ortada 10 min var, nə də bir kömək, yardım”.

Əfqan Abdullayevin bostanı 3 hektarlıq ərazidədir. Deyir, həmin bostan 8 nəfərlik ailəsinin yeganə gəlir mənbəyidir və onlar partlayış olan qışı keçirmək, yaşaya bilmək üçün borc götürməli olublar:

Partlayış baş verəndə əkin sahəsində çalışırmışlar

“Gözümüzü məhsula dikmişdik. Olmayandan sonra necə dolanmalı idik? Təbii, biz həmin qışdan borc-xərclə çıxdıq. Kompensasiya verəcəklərini deyəndə, sevindik. Elə vəziyyətdən çıxdığımıza sevinirdik ki, get-gələ düşdük. İllərdir get-gəldəyəm, zülm çəkirəm. Dövlət idarələrində süründürməçilikdir. Kompensasiyanı mən tərtib etməmişəm, özləri edib, ancaq vermirlər”.

Şikayətçi bildirir ki, həmin vaxt bostanda xiyar əkibmiş. Amma hamısı tağında quruyub, məhv olub:

“Sonrakı illər də əkin-biçinlə məşğul oldum. Amma əvvəlki kimi bar vermədi. Sahəm hərbi hissənin 1 kilometrliyindədir. Ona görə ən çox zərər görən adamlardan oldum. Otu yananlara, evi dağılanlara yardım oldu. Ancaq mənə bu günədək kömək edilməyib”.

“Yazdığımız məktublara nağıl cavablar göndərirlər”

Xızı Rayon İcra Hakimiyyətinin sənədlərlə və vətəndaşların müraciətləri ilə iş şöbəsidən bildirilib ki, həmin il partlayışda zərər çəkmiş bütün vətəndaşlara kompensasiya ödənib:

“Bəlkə nəsə səhv olub, ya da vətəndaş vaxtında müraciət etməyib, araşdıracağıq. Amma həmin il kimin nə zərəri olmuşdursa, qarşılanıb. Komissiya təşkil olunmuşdu, zərərlə bağlı sənədləşdirmələr edildi və axırda da vətəndaşlara ödənildi”.

Əfqan Abdullayevin bostanı 3 hektarlıq ərazidədir.

Meydan TV


Oxşar xəbərlər

"Məndə torpağın sənədləri var, sübutum var..." - GİLEY
Neftçala sakinləri çarəsiz durumda - GİLEY
Başçının 5 villası var, vətəndaş isə... - Şəkidə acınacaqlı mənzərə...
Başçının 5 villası var, vətəndaş isə... - Şəkidə acınacaqlı mənzərə...
"Dəfələrlə aidiyyatı qurumlara müraciət etmişik, ancaq səsimizi eşidən yoxdur" - NARAZILIQ!
Xaçmazın gənc başçısı da işə yaramadı... - Kəndlilər məmurların əlindən DAD DEYİR...
Tovuzda sel: Heyvanlar tələf oldu - VİDEO
Serbiyada hərbi müəssisədə güclü partlayış oldu
Qarabağda hərbi hissədə partlayış olub, 2 erməni əsgəri ölüb
“SOBSAN”  boyanın 12 milyona ehtiyacı yoxdur…- Bəs nə üçün fabrik yanğın zamanı zərəçəkənin kompensasiyasını vermir ?
Başçısı həbs olunan rayonda sakinlər çarəsiz qalıb... - Şikayətlərə baxan yoxdur...
Gəncənin icra başçısına SUAL VAR: - "Mən deməyim, siz deyin, 1000 manata başa gələr bu ev?"
Gürcüstanda partlayış oldu: 15 yaşlı azərbaycanlı öldü
İnam Kərimov, fermerlərə HAY VER! - Kəndli ÇƏTİN DURUMDA!
Füzulidə fermerlərin suyu kəsilib – ƏKİN SAHƏLƏRİ YANIR
“MUĞANBANK”LA “ATƏŞGAH” ARASINDA PUL DAVASI
Suriyada dəhşətli partlayış: 5 nəfər öldü
İraqın paytaxtında partlayış oldu
Çində kömür şaxtasında partlayış - 7 nəfər həlak oldu
Ermənistanın ödəyəcəyi təzminat 50 milyarddan da çoxdur - EKSPERT
Əfqanıstanda partlayış - 2 nəfər öldü
"Bank müflis durumdaydısa, “Aqrolizinq”lə niyə işləyirdi?" - GİLEY
Qaz balonu anbarında güclü partlayış olub
“İcra hakimiyyəti bizi qarşı-qarşıya qoyub” - QALMAQAL
İranda partlayış oldu
“Orada məni maraqlandıran yalnız bir şey oldu - şərabçılıq” – Putindən maraqlı açıqlama
Şəhid anası kimlərdən narazılıq edir... - "Sonradan öyrəndim ki..."
Bir dəfə də olsun icra başçısı onu qəbul etməyib... - Qarabağ Qazisi ŞİKAYƏTÇİDİR
"233 erməni tankı bizdədir" - İlham Əliyev
Ermənistan təzminat ödəməyə məcburdur