Cəlilabadda meşə torpağını KİM SATIR? - NARAZILIQ!
24-09-2021, 10:53
50

Cəlilabadda meşə torpağını KİM SATIR? - NARAZILIQ!

Masallı və Cəlilabad rayonlarının meşə ərazilərində ağaclar kəsilir, meşə torpağı daşınır.

Sakinlər Meydan TV-yə bildirirlər ki, torpağı daşınmış 1 hektardan çox ərazi var və həmin ərazilərə dəymiş ziyan yüz minlərlə manat civarındadır. Ərazilər ağır tonajı texnikanın dəstəyi ilə qazılıb. Dərin qazıldığı üçün yerindən su da çıxıb:

“Torpaqları daşıyıb kərpic zavodlarına aparırlar. Yəni satırlar. Meşə torpaqlarının satılmasının arxasında Masallı Regional Meşə Təsərrüfatı Mərkəzinin əməkdaşları durur. Keçmişdə buna görə məhkumluğu da olub yenə eyni yerdə çalışır. Tonlarla zavodlara torpaq daşınır. Dəyən ziyan hesablanmalıdır, etmirlər”, – Cəlilabad rayonunun Soyuqbulaq kəndinin sakini Mirxas Sadıqov belə deyir.

“Sakinlər bildirirlər ki, torpağı daşınmış 1 hektardan çox ərazi var”

M. Sadıqov bildirir ki, hər iki rayonun ərazisində olan meşə sahələrinin hamısı bu durumdadır: “Ağaclar kəsilir, torpaq qazılır, daşınır. Bu ərazilərə nəzarət edən Masallı Regional Meşə Təsərrüfatı Mərkəzi nəyə baxır? Yaxud Ekologiya və Təbii Sərvətlər Nazirliyi niyə müdaxilə etmir?”

Ekoloji məlumatlar paylaşan “Facebook” səhifəsi “Ecofront” Masallı və Cəlilabad meşələri ilə bağlı yaydığı məlumatda bildirir ki, Masallı RMTM-nin təkcə Cəlilabad meşəbəyliyində 225 qanunsuz kəşilmiş ağac aşkarlanıb: “Belə demək olar ki, Cəlilabad meşəbəyliyinin yiyəsi yoxdur. İstəyən meşədən ağac kəsib apara bilir. Bunlar Azat, Dəmirağac, Şabalıdyarpaq palıd ağaclarıdır. Azat ağacının adı “Qırmızı kitab”da da var. Dəyərli meşəlik ərazilərimiz hansısa ekologiya sahəsindən anlayışı olmayan məmurların qazanc mənbəyinə çevrilib”.

“Bu ərazilərə nəzarət edən Masallı Regional Meşə Təsərrüfatı Mərkəzi nəyə baxır?”

Mirxas Sadıqov deyir ki, kəsilən ağacların hamısı irigövdəlidir və çoxu qəsdən zədələnib, qurumağa tərk edilib.

Masallı Rayon İcra Hakimiyyətindən bildirilib ki, bu məsələlər onların səlahiyyətinə daxil deyil: “Bizim səlahiyyətimizdə olmadığı üçün araşdırıb, tədbir görə də bilmərik. Ümumiyyətlə, belə bir problemin olduğundan da xəbərsizik”.

Masallı Regional Meşə Təsəssüfatı Mərkəzindən isə bildirib ki, deyilənlər yalandır: “Bir neçə nəfər var, sırf bizim işimizə kölgə salmaqdır məqsədləri. Bütün günü yalan məlumatlar yayırlar”.

“Dəyərli meşəlik ərazilərimiz hansısa ekologiya sahəsindən anlayışı olmayan məmurların qazanc mənbəyinə çevrilib”.

Oxşar xəbərlər

Ermənilər 54 min hektar meşə fondumuzu məhv edib
Son dəqiqə: Yardımlıda meşə yanır
Zəngilanda 1000-dən çox ağac əkildi
Qax sakinləri Azər Kərimlidən şübhələnirlər... - NARAZILIQ!
Şəkidə bu kənd soyuq qışla üz-üzə qalıb... - GİLEY
Lənkəran və Lerik meşələrində ağacların kəsilməsilə bağlı cinayət işi açıldı
Bu il 21 meşə gözətçisi işdən kənarlaşdırılıb
Ağadadaş Qaraşov Qarabağ Qazisinə qarşı... - GİLEY
Kaliforniyanın ikinci ən böyük yanğını davam edir - VİDEO
5 villası olan başçının sakinlərdən xəbəri yoxdur... - GİLEY
Yardımlıda meşə belə yanır - VİDEO
Əlcəzairdəki yanğın 14 əyalətə yayıldı: Ölənlərin sayı artır
Prezident Türkiyənin kənd təsərrüfatı və meşə nazirini qəbul etdi
Quba və Qəbələdə meşə yanğınları söndürülüb
Şamaxıda ağacları kəsib satdılar
Deputat hektarlarla meşə sahəsini məhv etdi - Xaçmazda “yaşıl terror” - VİDEO
Türkiyənin bu bölgəsindəki yanğınlar nəzarətə alındı
Cənub bölgəsində meşələrin məhvi və ekokorrupsiya: yeni faktlar üzə çıxdı - GUYA 141 HEKTAR MEŞƏ SALIBLAR, AMMA “BATIB”...
Meşə yanğınları ilə bağlı əhaliyə MÜRACİƏT
Qüds yaxınlığında da meşə yanğınları başladı
Yardımlıdakı meşə yanğını söndürüldü
Kaliforniyada meşə yanğınları davam edir - VİDEO
ABŞ-da meşə yanğınları davam edir
Cənub bölgəsində meşələrin məhvi və ekokorrupsiya: yeni faktlar üzə çıxdı
Hazırda Rusiyada 6,6 milyon hektar ərazi yanır
Lerikdə dağlıq ərazidə baş verən yanğın söndürüldü
Rusiyada yanğınlar 7 milyon hektardan çox ərazini külə çevirdi
Meşə yanğınlarının şiddətləndiyini görən yanğınsöndürənlər ərazidən qaçdı
Rusiyada meşə yanğınları davam edir: İnsanlar təxiyə edildi
Yardımlı meşəsində YANĞIN - Havaya helikopter qaldırıldı