Gəncədə təhsil: KÖHNƏ HAMAM, KÖHNƏ TAS... - Prezidentə 25-Cİ MÜRACİƏT
8-12-2021, 15:35
55

Gəncədə təhsil: KÖHNƏ HAMAM, KÖHNƏ TAS... - Prezidentə 25-Cİ MÜRACİƏT

 Azərbaycan Respublikasının Əməkdar müəllimi, 1995-ci ildən YAP-ın üzvü, Azərbaycan Yazıçılar Jurnalistlər Aşıqlar birliyinin üzvü, “Qızıl qələm” laureatı mükafatçısı, Şair, 8 şeir kitabının müəllifi Həsənov İlham Musa oğlu ölkə rəhbərliyinə müraciət ünvanlayıb. Qeyd edək ki, bu adıçəkilən şəxsin 25-ci müraciətidir. Bir nüsxəsi də DİA.AZ-a daxil olan müraciətdə deyilir:

"Çox hörmətli Prezident! Sizə 24 dəfə müraciət etmişəm. Lakin həmin müraciətlərin heç birinə cavab verilməyib. Ona görə ki, müraciətləri sizə çatdırmırlar. Belə çıxır ki, sizin ətrafınızda sizi və dövləti sevən, istəyən məmurlar demək olar ki, yoxdur. Əgər olsaydı 24 müraciətdən heç olmasa birini sizə çatdırardılar. Əsl həqiqət budur ki, bir çox insanların abır-həyası yoxdur. Həmin adamlar vəzifələrindən sui-istifadə edərək xalqı hakimiyyətdən narazı salır. Hətta Azərbaycan Respublikası Təhsil Nazizirliyində bir qisim məmurların gözlərində el üzünə Ulu öndər rəhmətlik Heydər Əliyevin quruca adı qalıb. Sanki bu məmurlar öz çirkin əməlləri və öz mənfur hərəkətləri ilə açıq-aşkar deyə bilməsələr də bizlərə onu demək istəyirlər ki, elə Heydər Əliyevi sevdiyinizə görə, onu dəstəklədiyinizə görə bu gün çöldə qalmısınız. Bunun da məntiqi davamı kimi Gəncə şəhər Təhsil idarəsinin müdiri Anar Qədiməliyev isə Gəncə şəhərinə yayıb ki, “İlham müəllim demir ki, Heydər Əliyevin dostuyam, qoy onda getsin Heydər Əliyevin yanına Heydər Əliyev ona kömək etsin. Məhz Heydər Əliyevçi olduqlarına görə mən nə İlham Həsənova nə də Valeh Hüseynova iş verməyəcəyəm.” İmkanım qədər çalışacağam ki, onların yenidən işə qaytarılmasına maneəçilik törədəm.

İndi bizi qınamayın biz bu adamlara nə ad verək. Bu necə yanaşmadı? Amma bu adamlar bilməlidi ki, biz bundan sonra işləməsək də, Heydər Əliyev ideyalarından dönən deyilik. Çünki, Heydər Əliyev bizim amalımız, bizim idealımız, bizim güc-qüvvətimiz və ən başlıcası bizim qibləmizdir. Onun oğlu prezident İlham Əliyev isə bizim arxamızdır. Qoy bunlar nə düşünür düşünsünlər. Bunlardan başqa heçnə gözləmək olmaz. İndi mən Emin Əmrullayevi 100% tanımasam da, amma Anar Qədiməliyevlə, Təhsil Nazirliyinə işləyən, kənd təsərrüfatı işçisi Orxan Abbasovu mənim qədər tanıyan 2-ci adam yoxdur. Bu adamlar sırf müxalifətçidirlər. Arxalarında da Muxtar Məmmədov durur. Emin Əmrullayev isə sadəcə olaraq üzə düşüb və bunlara gücü çatmır. Adama sual verərlər: “mənimlə Valeh müəllimi 65 yaşı bəhanə edib işdən çıxardırdınız. Sağolun ! Bəs onda Gəncə şəhərində bizdən qat-qat aşağı olan bütün parametrləri ilə geridə qalan 5 nömrəli məktəbin direktoru Bəhram İmranovu nə üçün saxladınız? Nəyə görə ona dəymədiniz? Niyə onu bizdən fərqləndirdiniz? Niyə? Niyə? Niyə?” bu suala cavab verin. Niyə onunla 4 dəfədir müqavilə bağlayırsınız? Ona görə ki, onun güclü adamı və pulu var. Emin Əmrullayev bəs sən niyə respublikanın digər şəhər və rayonlarında 75-85 yaşlı 300-ə yaxın siravi məktəb direktorlarını işdə saxlayırsan? Bəs bu hərəkətlərinizdən utanmırsınız? Fikirləşmisiniz ki, ölkə prezidenti bir gün bunu sizdən soruşacaq? Sizin Gəncə təhsilindən xəbəriniz var ki, Gəncə təhsili nə günə düşüb. Gəncə təhsilini qabağına qoyub ağlayan lazımdır. Bu belə də olmalıdır. Kənd təsərrüfatı işçisi məktəbdən, təhsildən xəbəri belə olmayan Anar Qədiməliyevdən başqa nə gözləmək olar. 2-cisi adama sual verərlər. “ nəyə görə SOROS-un adamı bu vətəni, dövləti sevməyən adam, əsgəri xidmətdə olmayan, vətən borcunu yerinə yetirməyən adam təhsil müdiri olmalıdır. Axı təhsilimiz millətin gələcəyidir. Bu məsələ çox ciddi məsələdir. Bu məsələ Gəncə şəhər icra hakimiyyətinin başçısı Niyazi Bayramovu da düşündürməlidir. Ona görə ki, haqsızlıqlar, qanunsuzluqlar baş alıb gedir. Təhsil idarəsinə müdir qoy normal bir pedaqoq işçi təyin etsinlər. Onda bu hal hamımızın ürəyincə olar. Bir

də mən dəfələrlə qeyd etmişəm ki, bu müxalifətçilərlə mənim ən çox inandığım, ən çox güvəndiyim, ən çox hörmət etdiyim, şəxsiyyət kimi pərəstiş etdiyim hörmətli Əli Nağıyev çox ciddi məşğul olmalıdır. Allaha and olsun ki, bu gənclər gələcəyimiz üçün çox təhlükəlidir. Mən bunu görürəm. Ümumiyyətlə bizim 1 düşmənimiz var. O da ermənidir. İndi siz təsəvvür edin ki, Anar Qədiməliyev və Orxan Abbasov ermənidən betərdir. Çünki, təhsilimizi düşünülmüş formada, bilə-bilə dağıdırlar. Cənab Prezident yuxarıdakıları nəzərə alaraq bir daha sizdən xahiş edirəm ki, mənimlə Valeh müəllimi işdən uzaqlaşdırılması məsələsinə çox diqqətlə yanaşılıb, bu işlərin obyektiv araşdırılmasına və bizim hüquqlarımızın bərpa olunmasına köməklik göstərəsiniz. Biz bu yoldan dönməzik ve birdə boğazımıza qurğuşun töksələr belə Heydər Əliyev yolundan dönmərik. Qoy bunu bütün düşmənlərimiz bilsin. İnanıram ki, yalnız sizin sayənizdə həqiqətə qovuşub qalib gələcəyik. Bu düşmənlər bizi heç vaxt istəyə bilməzlər, çünki, biz bunlara xeyir eləmirik".

Oxşar xəbərlər

Gəncə təhsilində ÖZBAŞINALILQ - Prezidentə müraciət olundu
Gəncə təhsili ilə bağlı DAHA BİR MÜRACİƏT - İTTİHAM
Gəncə təhsilində nələr baş verir? - Prezidentə müraciət olundu
Əmrullayev Gəncə təhsilinin BAŞINI BURAXIB? - İTTİHAM
Qusarda camaatın torpağını kim zəbt edib? - Prezidentə müraciət olundu
Saakaşvili azərbaycanlılara müraciət etdi
İraqın Baş nazirindən İlham Əliyevə MƏKTUB
İlham Əliyevə təbriklər gəlməkdə davam edir
Qarabağ Qazisi intihar edəcəyini deyir - Prezidentə müraciət olundu
Aleksandr Lukaşenko Azərbaycan Prezidentinə təbrik məktubu ünvanlayıb
Gəncədəki özbaşınalıqdan Prezidentə şikayət OLUNDU
Zeynəb Xanlarova Tofiq Yaqublu ilə bağlı İlham Əliyevə müraciət etdi
Prezident İlham Əliyev Emoməli Rəhmona təbrik ünvanlayıb
İlham Əliyev əfqanıstanlı həmkarına məktub göndərdi
Nizami Muradoğlu vəfat etdi
İlham Əliyev indoneziyalı həmkarını təbrik etdi
Dövlət başçısı monteneqrolu həmkarını təbrik etdi
Prezident Şimali Makedoniyanın Prezidentini təbrik etdi
İlham Əliyev Murad Kajlayevi təbrik etdi
"DİQLAS" Ticarət mərkəzindən Prezidentə - MÜRACİƏT
İlham Əliyev Moldova Prezidentini təbrik etdi
Şahzadə İlham Əliyevi təbrik etdi
Kim Çen In Azərbaycan Prezidentini təbrik etdi
İlham Əliyev iki həmkarına təbrik məktubu göndərdi
Prezident Anatoli Torkunovu təbrik etdi
Nursultan Nazarbayev İlham Əliyevi təbrik etdi
Ağdaş təhsilində NƏ BAŞ VERİR? - Nazirə müraciət olundu
Misir Prezidenti Azərbaycan liderini təbrik etdi
Şəhid Ailəsi illərdir EV NÖVBƏSİNƏ GÖTÜRÜLMÜR... - Prezidentə və YAŞAT Fonduna MÜRACİƏT
Prezident İlham Əliyev Braziliya Prezidentini təbrik edib