Elə bir gün yoxdur ki, hansısa karqo-daşıma şirkətindən vətəndaş narazılığı olmasın. Biz əslində bu qədər şikayət bolluğu fonunda sözügedən istiqamətdən etirazları DİA.AZ redaksiyası olaraq ümumiyyətlə, işıqlandırmamaq qərarını vermişdik. Çünki şikayətlər o qədər çox idi, o qədər populyar idi ki, düşünürdük, aidiyyatı qurumlar nəhayətdə bu məsələlərə müdaxilə edər.

Amma görünəni odur ki, rəsmilərimizin belə bir niyyəti yoxdur. Biz də dia.az olaraq XATIRLATMA niyyəti ilə şikayətlərdən növbətisini ictimailəşdiririk. Beləliklə, Səbuhi Əhmədov adlı istifadəçi "Müştərinin Səsi" sosial qrupundakı paylaşımında yazır:

Karqo şirkətləri ÖZBAŞINA QALIB...

"Dekabrın 1-indən Starex.az-a bağlamamı bəyan etmişəm. 38 gündür bağlamamı yola salmırlar.ABŞ-dan bu şirkətlə sifariş etməyinizi tövsiyə etmirəm..."

Hər halda, vətəndaşla bu şəkildə davranmaq əyləncəyə daha çox bənzəyir...

İddia olunanlarla bağlı dia.az olaraq qarşı tərəfi də dinləməyə hazırıq...