Nizaminin başçısı Arif Qasımovun vəzifəsindən azad olunacağı və həbs ediləcəyi iddia olunur
30-04-2020, 18:45
309

Nizaminin başçısı Arif Qasımovun vəzifəsindən azad olunacağı və həbs ediləcəyi iddia olunur

Ötən ayın ortalarında Azərbaycanda daha bir neçə icra başçısının həbs olunacağı haqda məlumat vermişdik. Belə ki, müxtəlif rayonlarla yanaşı, paytaxtda da bəzi icra başçılarının vəzifələrindən azad olunacağı, hətta bunlar arasında həbs təhlükəsi yüksək olanların mövcudluğu haqda da dəyərli oxucularımızı bilgiləndirmişdik.
Hakimiyyət daxilindəki etibarlı mənbədən Hurriyyet.org-a verilən məlumat əsasında onu da qeyd etmişdik ki, əslində, prezident İlham Əliyevin bu haqda Novruz bayramından öncə sərəncam imzalayacağı gözlənilirdi. Lakin Azərbaycanda mövcud olan koronavirus pandemiyası ilə əlaqədar olaraq ölkə başçısının bu sərəncamının bir qədər təxirə düşdüyü bildirilirdi.
Mənbə qeyd edirdi ki, bayramdan sonra işdən çıxarılacaq icra başçılarından biri Nizami rayon İcra Hakimiyyətinin başçısı Arif Qasımovdur. Məlumata əsasən, icra başçıların prezidentin “qara siyahı”sına düşməsinə əsas səbəb onların 9 fevral növbədənkənar parlament seçkiləri ilə bağlı ölkə rəhbərliyinin iradəsinə qarşı çıxması və bəzi hallarda yalan məlumat verməsidir. O cümlədən Arif Qasımovun seçki zamanı prezidentin tapşırıqlarına məhəl qoymadığı, bu prosesdən şəxsi və qrup maraqlarını təmin etmək üçün yararlandığı vurğulanırdı.
Onu da xatırladaq ki, həmin ərəfədə bir sıra ciddi mənbələr Nizaminin icra başçısının ölkədən qaçmağa hazırlaşdığını da bildirirdi. Məsələn, keçmiş icra başçısı, jurnalist Fərməz Novruzoğlu özünün “Feysbuk” səhifəsində yazırdı: “Bilirəm ki, DTK səhifəmi izləyir. Olsun, bu, onların işidi… Sayğıdəyər DTK, işverənlik kimi çıxmasın, gözünüzü dörd açın: Bakı şəhəri Nizami rayonu İcra Hakimiyyətinin başçısı Qasımov Arif Adil oğlu ölkədən qaçmağa hazırlaşır”.
F.Novruzoğılu daha sonra DTX-ya müraciət edərək, “Heyifdi o kasetlərə, nə qədər əziyyət çəkmisiniz. Biz izləyiciləri bu tamaşadan məhrum etməyin!”,– deyə əlavə edirdi.
Qeyd edək ki, Azərbaycanda koronavirus pandemiyasına qarşı dövlət səviyyəsində görülən işlər ciddi nəticə verdiyindən, icra başçılarına qarşı yarıda qalan əməliyyatların artıq davam etdirildiyi haqda iddialar var. Hurriyyet.org-a informasiya verən etibarlı mənbə buna misal olaraq bu gün Biləsuvar rayonunun icra başçısı Mahir Quliyevin, eləcə də müavinlərinin və daha bir neçə vəzifəli şəxsin DTX tərəfindən qandallanmasını misal göstərir. Məlumata görə, ölkədə epidemiya təhlükəsinin qarşısı, demək olar ki, alındığından, qanunsuz fəaliyyətlə məşğul olan icra başçıları qanun qarşısında bir-bir cavab verməli olacaqlar.
Mənbənin sözlərinə görə, öncədən də qeyd olunduğu kimi, yaxın günlərdə Bakıda da analoji əməliyyatların keçiriləcəyi istisna olunmur. İddia olunur ki, paytaxtda vəzifəsindən azad olunacaq, yaxuda da həbs ediləcəyi təhlükəsi yüksək olan rayon rəhbərlərindən biri Nizami rayon İcra Hakimiyyətinin başçısı Arif Qasımovdur. Məlumata əsasən, A.Qasımovun ölkə başçısının “qara siyahı”sına düşməsinin daha ciddi səbəbləri var…
Qeyd edək ki, etibarlı mənbə bütün bunlarla bağlı redaksiyamıza təkzibolunmaz faktlar təqdim edib. Növbəti yazımızda bütün bunlarla bağlı oxucularımıza daha geniş məlumat verəcəyik. Bizi izləyin.
Hurriyyet.org

Oxşar xəbərlər

Nizami rayon İcra başçısı Arif Qasımov vəzifədən gedir?
Bir neçə rayon rəhbəri ilə bağlı İDDİA - SİYAHI
Yeni icra başçısı müavinlərini və köməkçisini İŞDƏN ÇIXARDI
Daha bir məmur üçün YOLUN SONU: - Prezidentin danladığı icra başçısı işdən çıxarılır?
Arif Qasımovun qovulmasının sirri açılır: "Qara Kassa" Ramin Əhmədov kimdir? - Fotolar
Prezident Ənvər Seyidəliyevi vəzifəsindən AZAD ETDİ
Elə bil bu adda icra başçısı yoxdur... - Qəzənfər Ağayev rayonu da, özünü də təcrid edib...
Şəmkirin icra başçısının BAŞI DƏRDDƏ - Ona cinayət işi açıla bilər
İcra başçısı əhalinin siyahıyaalınmasıyla bağlı iclas keçirdi
Qəzənfər Ağayev hökumətdən küsüb? – İddia
Ramiz Mehdiyevin 25 illik kadrı işdən çıxarılır? - İDDİA
DTX-nın həbs etdiyi sabiq icra başçısı vəkilindən imtina etdi
İcra başçısı haqda ŞOK İDDİA: dağı satın aldı - FOTO
İcra başçısı şöbə müdirini İŞDƏN ÇIXARDI
İlham Əliyev icra başçısını vəzifəsindən azad etdi
Həbs olunan icra başçılarının taleyi: Onları nə gözləyir?
“Səhvim oldu, prezident də çıxardı” - Arif Qasımov
İcra başçısı müavini və şöbə müdirini işdən çıxardı
Azərbaycanda yüksək vəzifəli şəxs öz bacanağına vəzifə verdi - FOTO
Novruz Novruzov çətin durumda: - Şabrandakı fəaliyyəti yoxlanılır
“Yerli hakimiyyətlər xalqın iradəsi ilə formalaşmalıdır”
Nizami İH araşdırılır: müavinlər nələrə şərik olub?
Yeni icra başçısı özünə köməkçi TƏYİN ETDİ
Azərbaycanın ən uzun ömürlü icra başçıları: onlar kimdirlər? - SİYAHI
VİP uşaq bağçası. obyektlər,villalar-Gədəbəy icra başçısının BİZNESİ
İcra başçısı və vəzifəli şəxslərin həbs müddəti uzadılır
Arif Qasımovun qanunsuz əməllərində Ramsin Abdullayevin görünməyən izləri
“İcra başçısının müavinləri rayonda quldurluqla məşğul olurlar”