“Rusiya postsovet dövlətlərini işğal altındakı Krımın vəziyyətində görmək istəyir” – Hərbi ekspert
30-04-2020, 20:00
227

“Rusiya postsovet dövlətlərini işğal altındakı Krımın vəziyyətində görmək istəyir” – Hərbi ekspert

“Yeltsinin vaxtında Rusiyanın muxtar respublikalarına verilən hüquqlar da artıq demək olar, tamamilə ləğv edilib”.

Bu fikirləri Yenicag.az-a açıqlamasında SSRİ-nin bərpa olunmasına dair iddialar fonunda Qarabağ danışıqlarının gedişini və İranın yük maşınlarının işğal altındakı ərazilərimizdə sərbəst hərəkətini şərh edən hərbi ekspert Tərlan Eyvazov deyib.

Tərlan Eyvazovun sözlərinə görə, SSRİ-nin bərpa olunması haqqında iddialar zaman-zaman gündəmə gətirilsə də, bu ideyanın baş tutması imkan xaricindədir:

“Artıq nəinki başqa postsovet respublikaları, hətta Rusiyanın özü belə çox dəyişib və artıq ciddi dəyişikliklərə məruz qalıb, orada indi tamamilə fərqli quruluş bərqərar olub.

Məlumdur ki, Sovet dövlətinin üç əsas “istinad”ı Kommunist Partiyası, “KQB” və Ordu idi. Müasir Rusiyada isə dövlətin dayaqları sırasında ilk yerdə Federal Təhlükəsizlik Xidməti (FTX) dayanır. Ondan sonra yeni rus oliqarxiyası gəlir, üçüncü yerdə isə Kilsə qərarlaşıb. Yəni SSRİ ilə müasir Rusiyanın dayaqları dəyişib.

Bəli, imperialist siyasətindən əl çəkməyən indiki Rusiya hakimiyyəti keçmiş müttəfiqlərini öz təsiri altında saxlamağa çalışır. Putin o zamanlar Stalinin “bütün müttəfiq respublikaları Rusiyanın tərkibinə qatmaq lazımdır” təklifinə razılıq vermədiyi üçün Lenini tənqid edir.

Rusiya hazırda keçmiş sovet respublikalarını işğal altındakı Donbas, Krım, Abxaziya, Osetiya və digərlərinin vəziyyətində görmək istəyir. Yəni Putinin nəzərdə tutduğu “yeni birlik”də postsovet dövlətləri heç SSRİ vaxtı malik olduqları sərbəstliyin onda birini də görməyəcəklər. Yeltsinin vaxtında Rusiyanın muxtar respublikalarına verilən hüquqlar da artıq demək olar, tamamilə ləğv edilib”.

Ekspert Rusiyanın xarici işlər naziri Sergey Lavrovun bəzi çıxışlarının Azərbaycandakı “5-ci kolon”un nümayəndələrini həvəsləndirdiyini bildirib:

“Lavrov Qarabağ münaqişəsinin nizamlanmasından danışarkən, əvvəl ətraf rayonlar qaytarılmasını, qarşılıqlı səfərlərin bərpasını, sonra Dağlıq Qarabağın statusunun müəyyənləşdirilməsini önə çəkir. Rusiyalı nazirin bu davranışı Azərbaycanda arxayınlıq yaratmaq və haradasa, Ermənistanın Qərbpərəst yeni hakimiyyətinə xəbərdarlıq etməkdir.

Azərbaycan Rusiya hərbi senayesinin ən irihəcmli sifarişçilərindən biridir. Hazırda Azərbaycanın Rusiyadan yeni hərbi təyyarələr alması istiqamətində danışıqların aparıldığı deyilir.

Rusiyalı ekspertlər bildirirlər ki, eyni silahlar Azərbaycana Ermənistandan 2-2,5 dəfə baha qiymətə satılır. Bundan belə nəticəyə gəlmək olar ki, Azərbaycan Rusiyadan hərbi texnika almaqla, Ermənistanın aldığı silahın da pulunu ödəmiş olur. Rusiyanın Qarabağ münaqişəsinin həllinə imkan verməməsinin kökündə isə Moskvanın hər iki dövləti öz təsiri altında saxlamaq niyyəti dayanır”.

İrana məxsus yük maşınlarının Azərbaycanın işğal altındakı ərazilərində sərbəst hərəkəti haqda danışan Tərlan Eyvazov İranın işğalçı Ermənistanla sıx işbirliyinin yenilik olmadığını xatırladıb:

“Cəbrayılın iki kəndi və Zəngilanın Muradxanlı kəndi hal-hazırda İranın sonradan tikdiyi dəryaça nəticəsində suyun altında qalıb. Orada sərhəd birtərəfli qorunur. İran tərəfində sərhəd qoşunları, qarşı tərəfdə isə işğalçı Ermənistanın hərbçiləri yerləşiblər.

İranın bizim işğal altındakı ərazilərimizdə rahat hərəkət üçün inşa etdiyi körpü vasitəsilə tikinti materialları və digər məhsulların daşınması həyata keçirilir. Bu, həm beynəlxalaq hüquqa, həm də İran-Azərbaycan münasibətlərinə ziddir. İran rəsmilərinin təkzibinə baxmayaraq, hər şey göz qarşısındadır”.

Oxşar xəbərlər

Putinin “ikinci SSRİ”-ni qurmaq niyyəti – Kremlin planları ilə geosiyasi reallıqlar üst-üstə düşürmü?
“Azərbaycanla Türkiyənin güclənən hərbi müttəfiqliyi Ermənistan üçün kabus olmalıdır...”
Rusiyanın Ermənistana silah daşımasının məqsədləri nədir... - GƏLİŞMƏ
Qarabağda SAVAŞ BAŞLAYIRMI? - TƏDARÜK VAR
Türk ordusu girdi: Bu ölkələr fürsət gözləyir... – İsti şərh
“Bircə yolumuz var- hərbi gücdən istifadə edib düşməni dayandırmalıyıq” - YOXSA...
"Belə fikirlər var ki, guya Rusiya torpaqlarımızı işğaldan azad etməyə mane olacaq, ancaq..."
Qarabağda istehsal olunan məhsullar Rusiyada satılır - FOTOFAKT
Hərbi ekspert: “SpaceX” Rusiyaya qarşı silah hazırlayıb”
“Suriyaya 450 hərbçisini göndərməsi İrəvana ağır başa gəlməlidir” - GƏLİŞMƏ
Pandemiyanın yaratdığı fürsət: “Separatçılar zərərsizləşdirilə bilər”
Ermənistan Rusiya diplomatiyasını pis vəziyyətdə qoydu
Sergey Markov: "Prezident İlham Əliyevin qətiyyətli çıxışı Dağlıq Qarabağ problemi ətrafındakı stereotipləri sındıra bildi"
"Tankçılarımız artıq öz məharətlərini göstərib" - Zakir Həsənov
Tehran Dağlıq Qarabağda keçirilən qondarma seçkiləri tanımır
Lukaşenkodan Qarabağ təklifi: Həll edək!
“Azərbaycan Ordusu dünya səviyyəsində ən müasir orduya çevrilib” - Gürcü ekspert
Qorbaçovun bu faciəvi səhvi dünya düzənini dəyişdi
“”Türkiyə Azərbaycanı işğal edib Rusiyaya verdi” demək, axmaqlıqdır”
Rusiya koronavirusa qarşı vaksinin ilk fotosunu yaydı
“Ermənistan siyasi rəhbərliyinin bu oyunları nəticəsiz qalacaq”
Ermənistan Türkiyə ordusu ilə döyüşə girir - TƏFƏRRÜAT
Bakının ev bazarı nə zaman dirçələcək? - Ekspert zaman verdi
Rusiyanın Ermənistana yeni silahlar göndərdiyi TƏSDİQLƏNDİ
"Paşinyan münaqişənin həllinə mane olur, hətta genişmiqyaslı müharibənin başlanması üçün..."
Prezident bu sözü təsadüfən demədi: Hərbi variant…
"AŞPA elə bil, erməni diasporalarının sifarişini yerinə yetirir"
“Qarabağı ancaq bu iki yolla qaytarmaq olar” – Şok müsahibə
FSB direktoru Minskdə: Onu Rusiya Müdafiə Nazirliyinin yetkililəri də müşayiət edib?
"Azərbaycan torpaqlarının işğal faktının arxasındakı real güc Rusiyadır" - Samir Əsədli